സുരക്ഷ പാതയിൽ സുരക്ഷയില്ല; കുഴികൾ നിറഞ്ഞ് ദേശീയപാത

തുറവൂർ: സുരക്ഷ ഇടനാഴിയായി പ്രഖ്യാപിച്ച ദേശീയപാത കുഴികൾ നിറഞ്ഞ് അപകടാവസ്ഥയിൽ. ദേശീയപാത 66ൽ ചേർത്തല ഒറ്റപ്പുന്ന മുതൽ വടക്കോട്ട്​ നാലുവരി പാതയിൽ നിരവധികുഴികൾ രൂപപ്പെട്ടു. തിരക്കേറിയ പാതയിൽ കുഴികൾ നിറഞ്ഞതോടെ ഇരുചക്രവാഹന യാത്രികരും വലിയ വാഹനങ്ങളും കാൽനടയാത്രക്കാരും ഒരുപോലെ അപകടാവസ്ഥയിലാണ്. മഴയിൽ കുഴികൾ കൂടുതൽ വലുതായത് വെല്ലുവിളി ഉയർത്തുന്നു. സദാസമയവും അതിവേഗത്തിൽ രോഗികളുമായി വരുന്ന ആംബുലൻസുകളും, കുഴികളുടെ സാന്നിധ്യവും അറിയാതെ ദൂരസ്ഥലങ്ങളിൽനിന്ന്​ അമിതവേഗത്തിൽ എത്തുന്ന വാഹനങ്ങൾക്കുമാണ് ഏറെ ഭീഷണി ഉയർത്തുന്നത്. അതേസമയം ദേശീയപാത തകർന്ന് താറുമാറായെങ്കിലും ഇതൊന്നും തങ്ങളറിഞ്ഞില്ലെന്ന തരത്തിലാണ് ദേശീയ പാത അധികൃതർ. പടം : ദേശീയപാതയിൽ ഒറ്റപ്പുന്നക്കും തങ്കീ കവലക്കും ഇടയിൽ കുഴികൾ നിറഞ്ഞ ഭാഗം apl thuravur