കുഴഞ്ഞുവീണ വയോധികന് അഗ്​നിരക്ഷാസേന തുണയായി

ആലപ്പുഴ: കെ.എസ്.ആർ.ടി.സി സ്റ്റാൻഡിൽ കുഴഞ്ഞുവീണ വയോധികനെ അഗ്​നിരക്ഷാസേന ആശുപത്രിയിൽ എത്തിച്ചു. തൃശൂരിൽനിന്ന്​ ചെങ്ങന്നൂരിലേക്ക് പോകുകയായിരുന്ന സെയ്ത്​മുഹമ്മദാണ്​ (70) ഉച്ചയോടെ ആലപ്പുഴ ബസ്​സ്റ്റാൻഡിൽ കുഴഞ്ഞുവീണത്. തുടർന്ന് ആലപ്പുഴ അഗ്​നിരക്ഷ വിഭാഗം ഫയർ ആൻഡ്​ സേഫ്റ്റി ഓഫിസർ അമർജിത്തി‍ൻെറ നേതൃത്വത്തിൽ ജനറൽ ആശുപത്രിയിൽ എത്തിക്കുകയായിരുന്നു.