മോണിട്ടറിങ്​ കമ്മിറ്റി സ്വാഗതാർഹം -സാംബവ മഹാസഭ

ചെങ്ങന്നൂർ: പദ്ധതിപ്രവർത്തനങ്ങൾക്ക് മോണിട്ടറിങ്​ കമ്മിറ്റി രൂപവത്​കരിക്കുമെന്ന മന്ത്രിസഭ തീരുമാനം സ്വാഗതാർഹമാണെന്ന് സാംബവ മഹാസഭ. വികസന ഫണ്ടുകൾ വകമാറ്റി ചെലവഴിക്കുന്നതും വൻതോതിൽ ലാപ്സാക്കുന്നതും ഒഴിവാക്കാൻ ഇത്​ ഉപകരിക്കും. ഈ ആവശ്യമുന്നയിച്ച്​ സർക്കാറന് നിവേദനം നൽകിയിരുന്നുവെന്ന് സംസ്ഥാന പ്രസിഡന്റ് പി.കെ. ശങ്കർദാസ്, ജനറൽ സെക്രട്ടറി രാമചന്ദ്രൻ മുല്ലശ്ശേരി എന്നിവർ പറഞ്ഞു. ഉത്തരവാദപ്പെട്ട പട്ടികജാതി പട്ടികവർഗ സംഘടനകളുടെ പ്രതിനിധികളെ കൂടി സമിതിയിൽ ഉൾപ്പെടുത്തണമെന്നും അവർ ആവശ്യപ്പെട്ടു.