അരൂർ-അരൂക്കുറ്റി പാലം വീണ്ടും ഇരുട്ടിൽ

അരൂക്കുറ്റി: അരൂർ-അരൂക്കുറ്റി പാലത്തിൽ തെരുവുവിളക്കുകൾ വീണ്ടും ഇരുട്ടിലായി. ഒരാഴ്ചയിലധികമാകുന്നു വിളക്കുകൾ പൂർണമായി അണഞ്ഞിട്ട്. പാലത്തിലെ പകുതിയോളം ബൾബുകൾ കേടായതിനെ തുടർന്ന് നേരത്തേ തന്നെ തെളിയാറുണ്ടായിരുന്നില്ല. ബാക്കികൂടെ തെളിയാറായതോടെ പാലം പൂർണമായി ഇരുട്ടിലായി. മഴക്കാലമായതും റോഡുകൾ പൊട്ടിപ്പൊളിഞ്ഞ് കിടക്കുന്നതും യാത്രക്ലേശം സൃഷ്​ടിക്കുന്നതിനിടെയാണ്​ ലൈറ്റുകൾ കൂടി അണഞ്ഞത്​. പാലത്തിൽ ഇരുട്ടായതോടെ കായലിലേക്ക് മാലിന്യം തള്ളുന്നവർക്ക് സൗകര്യമാകുന്നുണ്ട്.