ബ്ലേഡ്​ സംഘങ്ങള്‍ വീണ്ടും പിടിമുറുക്കുന്നു; വ്യവസായിയുടെ പരാതിയില്‍ പൊലീസ് കേസെടുത്തു

ചേര്‍ത്തല: താലൂക്കില്‍ ബ്ലേഡ്​ മാഫിയ പിടിമുറുക്കുന്നു. കോടികളുടെ പലിശത്തട്ടിപ്പില്‍ ആരോപണവുമായി യുവവ്യവസായി പൊലീസില്‍ പരാതി നല്‍കി. പൊലീസ് കേസെടുത്ത്​ ഉന്നതതല അന്വേഷണം തുടങ്ങി. പള്ളിപ്പുറത്ത് സര്‍ജിക്കല്‍ സ്ഥാപനം നടത്തുന്ന വ്യവസായിയാണ് പരാതി നല്‍കിയത്. വാങ്ങിയ തുകയും പലിശയുമടക്കം തിരികെ നല്‍കിയിട്ടും വീണ്ടും ഭീഷണിമുഴക്കുന്നതായാണ് പരാതി. കോട്ടയം കേന്ദ്രീകരിച്ചുള്ള പണമിടപാടു സ്ഥാപനമാണിതിന്​ പിന്നിലെന്നും പരാതിയില്‍ പറയുന്നു. പരാതി നല്‍കിയതിനെ തുടര്‍ന്ന് ഇവര്‍ക്കെതിരെ ഭീഷണിയുണ്ടെന്നും പറയുന്നു.