പതാക ജാഥക്ക് വരവേൽപ്

ചെങ്ങന്നൂർ: കെ.എസ്.കെ.ടി.യു സംസ്ഥാന സമ്മേളനത്തോടനുബന്ധിച്ച് സംസ്ഥാന വൈസ് പ്രസിഡന്‍റ്​ എ.ഡി. കുഞ്ഞച്ചൻ ക്യാപ്റ്റനായ പതാക ജാഥക്ക്​ ചെങ്ങന്നൂരിൽ വരവേൽപ് നൽകി. ജില്ല പ്രസിഡന്‍റ്​ കെ. രാഘവൻ യോഗം ഉദ്ഘാടനം ചെയ്തു. സംഘാടക സമിതി ചെയർമാൻ എം. ശശികുമാർ അധ്യക്ഷത വഹിച്ചു. ജാഥാംഗങ്ങളെ കൂടാതെ യൂനിയൻ ജില്ല സെക്രട്ടറി എം. സത്യപാലൻ, സംസ്ഥാന കമ്മിറ്റി അംഗം എൻ.പി. വിൻസെന്‍റ്​, എൻ. സുധാമണി, സി.പി.എം ജില്ല കമ്മിറ്റി അംഗം എം.എച്ച്. റഷീദ്, ചെങ്ങന്നൂർ ഏരിയ സെക്രട്ടറി ടി.കെ. സുരേഷ്, മാന്നാർ ഏരിയ സെക്രട്ടറി ആർ. സുരേന്ദ്രൻ, വി.വി. അജയൻ, എൻ.എ. രവീന്ദ്രൻ, സ്വാഗതസംഘം കൺവീനർ ടി.കെ. സോമൻ എന്നിവർ സംസാരിച്ചു.