കുട്ടികളെത്തും മുമ്പെ സ്മാർട്ടായി സർക്കാർ സ്കൂൾ

കായംകുളം: കുരുന്നുകളെ ആകർഷിക്കുന്ന തരത്തിൽ സ്മാർട്ടായി മാറിയ സർക്കാർ സ്കൂൾ മാതൃകയാകുന്നു. കായംകുളം ഗവ. എൽ.പി സ്കൂളിലാണ് ജില്ലയിലെ ആദ്യ മാതൃക പ്രീപ്രൈമറി സംവിധാനം സജ്ജമായത്. കളിചിരിയുടെയും ആസ്വാദനത്തിന്റെയും പുതിയ തലങ്ങൾ സൃഷ്ടിക്കുന്ന തരത്തിലാണ്​ ക്രമീകരണം. സമഗ്ര ശിക്ഷ കേരളയുടെ ഭാഗമായി അനുവദിച്ച 15 ലക്ഷം രൂപയും നഗരസഭ നൽകിയ 15 ലക്ഷവും ചെലവഴിച്ചാണ് പുതിയ സംവിധാനങ്ങൾ ഒരുക്കുന്നത്. കുട്ടികളുടെ ശാരീരിക-മാനസിക വികാസങ്ങളെ പരിപോഷിപ്പിക്കാനും ചുറ്റുപാട് രൂപപ്പെടുത്താനും ആവശ്യമായ പ്രവർത്തന സാമഗ്രികളും സ്ഥാപിക്കും. പാഠപുസ്തകങ്ങളെ അടിസ്ഥാനമാക്കിയാണ് ക്ലാസ് മുറികൾ ക്രമീകരിക്കുന്നതെന്നതും ശ്രദ്ധേയമാണ്. വിഷയാടിസ്ഥനത്തിലാണ് പ്രവേശന കവാടവും നിർമിച്ചത്. ചിത്രം: APLKY1LPS കായംകുളം ഗവ. എൽ.പി സ്കൂളിലെ കളിയുപകരണങ്ങൾ