കാറില്‍നിന്ന് പുക: അപകടം ഒഴിവാക്കി അഗ്​നിരക്ഷാസേന

അരൂര്‍: ഓടിക്കൊണ്ടിരുന്ന കാറിന്റെ ബോണറ്റില്‍നിന്ന് പുക ഉയര്‍ന്നത് പരിഭ്രാന്തി പരത്തി. പത്തനംതിട്ട ഓമല്ലൂര്‍ വാഴമുട്ടം പീസ് കോട്ടേജ് മാത്യുവിന്റെ ആഡംബരകാറില്‍നിന്നാണ് പുക ഉയര്‍ന്നത്. എറണാകുളത്തേക്കുള്ള യാത്രാമധ്യേ ശനിയാഴ്ച രാവിലെ എട്ടരയോടെ എരമല്ലൂര്‍ കവലക്ക് തെക്കുഭാഗത്താണ് സംഭവം. അരൂരില്‍നിന്ന്​ എത്തിയ അഗ്​നിരക്ഷാ സേന അംഗങ്ങള്‍ അപകടം ഒഴിവാക്കി. അസി.സ്‌റ്റേഷന്‍ ഓഫിസര്‍ സി. പ്രതാപ് കുമാര്‍ നേതൃത്വം നല്‍കി.