ചേർത്തലയിലെ രണ്ട് പാലങ്ങൾ പുനർനിർമിക്കാൻ അനുമതി

ചേർത്തല: വയലാർ-കുറിയമുട്ടം പാലവും ചേർത്തല ഇരുമ്പുപാലവും പുനർനിർമിക്കാൻ സർക്കാർ അനുമതി. മന്ത്രി പി. പ്രസാദിന്റെ ഇടപെടലിനെത്തുടർന്നാണ് അപകടകരമായ അവസ്ഥയിലായ രണ്ട് പാലങ്ങളും കിഫ്‌ബിയിൽ ഉൾപ്പെടുത്തി നിർമിക്കാൻ അനുമതിയായത്​. ഏറ്റവും കൂടുതൽ വാഹനങ്ങൾ കടന്നുപോകുന്ന പാലങ്ങളാണിത്. 1971ലാണ് വയലാർ പാലം നിർമിച്ചത്. നിലവിൽ ഇരു പാലങ്ങളും തകർച്ചയിലാണ്. പാലത്തിന്റ അടിത്തട്ടിലൂടെ നീരൊഴുക്ക് സുഗമമാക്കിയാണ് പുതിയവ നിർമിക്കുക. കിഫ്ബി എക്സിക്യൂട്ടിവ് ഡയറക്ടർ കെ.പി. പുരുഷോത്തമന്റെ നേതൃത്വത്തിൽ ഉന്നതതല സംഘം രണ്ട്​ പാലങ്ങളും വ്യാഴാഴ്ച സന്ദർശിച്ചു. ഗതാഗതക്കുരുക്ക് ഒഴിവാക്കി സുഗമമായ സഞ്ചാരത്തിന് ആവശ്യമായ വീതിയിലായിരിക്കും പുതിയ പാലങ്ങളുടെ നിർമാണം. ഇരുപാലങ്ങളുടെയും നിർമാണം വേഗത്തിൽ പൂർത്തിയാക്കി നാടിന്​ സമർപ്പിക്കുമെന്ന് മന്ത്രി പി. പ്രസാദ് പറഞ്ഞു. ചിത്രം: കിഫ്ബി എക്സിക്യൂട്ടിവ് ഡയറക്ടർ കെ.പി. പുരുഷോത്തമന്റെ നേതൃത്വത്തിൽ ഉന്നതതല സംഘം പാലങ്ങൾ സന്ദർശിക്കുന്നു apl bridge