എ.സി റോഡിൽ യാത്രദുരിതം​ ഇരട്ടിയായി; പണിതീരുന്നതും കാത്ത്​ നാട്ടുകാർ

ആ​ല​പ്പു​​ഴ: ന​വീ​ക​ര​ണ​ത്തി​ന്‍റെ ഭാ​ഗ​മാ​യി ആ​ല​പ്പു​ഴ -ച​ങ്ങ​നാ​ശ്ശേ​രി പാ​ത​യി​ൽ​നി​ന്ന്​ വ​ഴി​മാ​റി​യും ചു​റ്റി​തി​രി​ഞ്ഞും യാ​ത്ര​ക്കാ​രു​ടെ ദു​രി​തം ഇ​ര​ട്ടി​യാ​യി.

ഗ​താ​ഗ​ത​ക്കു​രു​ക്കി​ൽ​പെ​ട്ട്​ സ്വ​കാ​ര്യ വാ​ഹ​ന​ങ്ങ​ൾ ന​ട്ടം​തി​രി​യു​മ്പോ​ൾ കെ.​എ​സ്.​ആ​ർ.​ടി.​സി സ​ർ​വി​സ്​ വെ​ട്ടി​ക്കു​റ​ച്ച്​ യാ​ത്ര​ക്കാ​രെ പാ​തി​വ​ഴി​യി​ൽ ഉ​പേ​ക്ഷി​ക്കു​ന്നു. ഇ​തി​ന്​ മാ​റ്റ​മു​ണ്ടാ​കാ​തെ ദു​രി​തം മാ​റി​ല്ലെ​ന്നാ​ണ്​ നാ​ട്ടു​കാ​ർ പ​റ​യു​ന്ന​ത്.

മേ​ൽ​പാ​ലം അ​ട​ക്കം നി​ർ​മാ​ണം ന​ട​ക്കു​ന്ന പ​ല​യി​ട​ത്തും റോ​ഡി​ന്​ ആ​വ​ശ്യ​ത്തി​ന്​ വീ​തി​യി​ല്ലാ​ത്ത​തും കു​ഴി​യി​ൽ വെ​ള്ളം കെ​ട്ടി​ക്കി​ട​ക്കു​ന്ന​തും അ​പ​ക​ട​സാ​ധ്യ​ത വ​ർ​ധി​പ്പി​ക്കു​ന്നു.

ന​വീ​ക​ര​ണ​ത്തി​ന്‍റെ പേ​രി​ൽ കു​ട്ട​നാ​ട്ടി​ൽ​നി​ന്ന്​ ആ​ല​പ്പു​ഴ​യി​ലേ​ക്കും ച​ങ്ങ​നാ​ശ്ശേ​രി​യി​ലേ​ക്കും എ​ത്താ​ൻ കി​ലോ​മീ​റ്റ​റു​ക​ൾ ചു​റ്റി​ത്തി​രി​യേ​ണ്ട സ്ഥി​തി​യാ​ണ്​.

നേ​രി​ട്ട്​ ര​ണ്ടി​ട​ത്തേ​ക്കും കെ.​എ​സ്.​ആ​ർ.​ടി.​സി സ​ർ​വി​സ്​ ഇ​ല്ലെ​ന്ന​താ​ണ്​ പ്ര​ധാ​ന പ​രാ​തി. ച​ങ്ങ​നാ​ശ്ശേ​രി​യി​ൽ​നി​ന്ന്​ മ​​ങ്കൊ​മ്പ്​ വ​രെ​യാ​ണ്​ സ​ർ​വി​സു​ള്ള​ത്. പി​ന്നെ പു​ളി​ങ്കു​ന്ന്​ -ആ​ല​പ്പു​ഴ സ​ർ​വി​സി​നാ​യി കാ​ത്തു​നി​ന്നാ​ലും ല​ക്ഷ്യ​സ്ഥാ​ന​ത്ത്​ എ​ത്താ​ൻ മ​ണി​ക്കൂ​റു​ക​ളെ​ടു​ക്കും. നേ​രി​ട്ടു​ള്ള സ​ർ​വി​സു​ക​ളി​ൽ ക​യ​റി​യാ​ൽ കു​രു​ക്കി​ൽ​പെ​ട്ട്​ ന​ട്ടം​തി​രി​യും. വ​ണ്ടാ​നം, കൈ​ന​ക​രി വ​ഴി ചു​റ്റി​ത്തി​രി​ഞ്ഞു​ള്ള യാ​ത്ര​യി​ൽ സ​മ​യ​ന​ഷ്ടം ഏ​റെ​യാ​ണ്. ​