Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightലോക്ഡൗൺ ലംഘനം: 24...

ലോക്ഡൗൺ ലംഘനം: 24 കടയുടമകൾക്കെതിരെ കേസ്

text_fields
bookmark_border
കൊല്ലം: കോവിഡ് മാനദണ്ഡങ്ങൾ ലംഘിച്ച് പ്രവർത്തിച്ച 24 വ്യാപാരസ്ഥാപനങ്ങൾക്കെതിരെ നടപടി. കൊല്ലം ഈസ്​റ്റ്, പള്ളിത്തോട്ടം, ഇരവിപുരം, അഞ്ചാലുംമൂട്, ശക്​തികുളങ്ങര, പരവൂർ, ഓച്ചിറ, കിളികൊല്ലൂർ, ചാത്തന്നൂർ, കൊട്ടിയം, പാരിപ്പള്ളി പൊലീസ്​ സ്​റ്റേഷൻപരിധികളിലെ കടകൾക്കെതിരെയാണ് നടപടിയെടുത്തത്. കോവിഡ് േപ്രാട്ടോകോൾ ലംഘനത്തിന് 203 പേർക്കെതിരെ 152 കേസുകൾ രജിസ്​റ്റർ ചെയ്തു. പൊതുസ്​ഥലങ്ങളിൽ മാസ്​ക് ധരിക്കണമെന്ന സർക്കാർ നിർദേശം അവഗണിച്ചതിന് 464 പേർക്കെതി​െരയും പകർച്ചവ്യാധി നിയന്ത്രണ​ ഓർഡിനൻസ്​ പ്രകാരം നടപടി സ്വീകരിക്കുകയും നിബന്ധനകൾ ലംഘിച്ചതിന് 64 വാഹനങ്ങൾ പിടിച്ചെടുക്കുകയും ചെയ്തു. നിരോധിത പുകയില ഉൽപന്നങ്ങൾ പിടിച്ചെടുത്ത​​ു ചവറ: വിൽപനക്കായി സൂക്ഷിച്ചിരുന്ന നിരോധിത പുകയില ഉൽപന്നങ്ങൾ ചവറ പൊലീസ് പിടിച്ചെടുത്തു. ചവറ, ഇടപ്പള്ളിക്കോട്ട കെ.എസ്​.ഇ.ബി ഓഫിസിന് സമീപമുള്ള കെട്ടിടത്തിന് പിറകിൽ ഒളിപ്പിച്ച നിലയിൽ കണ്ടെത്തിയ 16,000 രൂപ വിലമതിക്കുന്ന 390 കവർ പുകയില ഉൽപന്നങ്ങളാണ് പൊലീസ്​ പിടിച്ചെടുത്തത്. രഹസ്യവിവരത്തിൻെറ അടിസ്​ഥാനത്തിൽ നടത്തിയ പരിശോധനയിലാണ് ഇവ കണ്ടെത്തിയത്. അന്വേഷണത്തിൽ ഇവ ഇടപ്പള്ളിക്കോട്ട മണ്ണൂർ വടക്കതിൽ ജലാലുദ്ദീൻ എന്നയാൾ വിൽപനക്കായി കൊണ്ടുവന്ന് സൂക്ഷിച്ചിരുന്നതാണെന്ന് ബോധ്യപ്പെട്ടു. മുമ്പും നിരോധിത പുകയില ഉൽപന്നങ്ങൾ സൂക്ഷിച്ചതിനും വിൽപന നടത്തിയതിലേക്കും ജുവനൈൽ ജസ്​റ്റിസ്​ ആക്ട് പ്രകാരവും ഇയാൾക്കെതിരെ നിരവധി കേസുകൾ രജിസ്​റ്റർ ചെയ്തിട്ടുണ്ട്. ജയിൽവാസവും അനുഭവിച്ചിട്ടുണ്ട്​. ചവറ പൊലീസ്​ സ്​റ്റേഷൻ ഇൻസ്​പെക്ടർ നിസാമുദ്ദീൻ, സ്​പെഷൽ ബ്രാഞ്ച് സബ് ഇൻസ്​പെക്ടർ ടി.എ. നജീബ് എന്നിവരാണ് അന്വേഷണ സംഘത്തിലുണ്ടായിരുന്നത്. പ്രതിക്കുവേണ്ടി അന്വേഷണം ഊർജിതമാക്കി.
Show Full Article
TAGS:
Next Story