Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightതീരത്തടിഞ്ഞ ഡോൾഫി​െൻറ...

തീരത്തടിഞ്ഞ ഡോൾഫി​െൻറ ആമാശയം നിറയെ വലക്കണ്ണികൾ

text_fields
bookmark_border
തീരത്തടിഞ്ഞ ഡോൾഫി​ൻെറ ആമാശയം നിറയെ വലക്കണ്ണികൾ (ചിത്രം) ചവറ: കടൽതീരത്ത് ചത്തടിഞ്ഞ ഡോൾഫിനെ പോസ്​റ്റ്​മോർട്ടം ചെയ്തപ്പോൾ ആമാശയം നിറയെ മത്സ്യബന്ധന വലയുടെ ഭാഗങ്ങൾ കണ്ടെത്തി. കഴിഞ്ഞദിവസം നീണ്ടകര പരിമണത്ത് കടൽ ഭിത്തിയോട് ചേർന്നാണ് ഡോൾഫിനെ കണ്ടെത്തിയത്. തുടർന്ന്​ നാട്ടുകാർ നീണ്ടകര പഞ്ചായത്ത് പ്രസിഡൻറ് സേതുലക്ഷ്മിയെ വിവരമറിയിച്ചു. നീണ്ടകര കോസ്​റ്റൽ പൊലീസ് കോന്നി വനം വന്യജീവി സംരക്ഷണ വിഭാഗവുമായി ബന്ധപ്പെട്ടതിനെത്തുടർന്ന്​ വനം വകുപ്പ്​ അഡീഷനൽ റേഞ്ചർ സനോജ്, സീനിയർ വെറ്ററിനറി സർജൻ സാബു സേവ്യർ എന്നിവരുടെ നേതൃത്വത്തിലുള്ള സംഘമെത്തി പോസ്​റ്റ്​മോർട്ടം ചെയ്യുകയായിരുന്നു. അമാശയത്തിൽ മത്സ്യബന്ധനവല അടിഞ്ഞതിനാൽ ഡോൾഫിന് ഭക്ഷണം കഴിക്കാൻ കഴിയാതെ ജീവൻ നഷ്​ടമായതാകാമെന്ന്​ പോസ്​റ്റ്​മോർട്ടം ചെയ്ത ഡോ. സാബു സേവ്യർ പറഞ്ഞു. മത്സ്യബന്ധനത്തിനിടയിൽ കടലിൽ ഉപേക്ഷിച്ച വലയാണ് ഇര തേടുന്നതിനിടയിൽ ഡോൾഫി​ൻെറ ആമാശയത്തിൽ കുരുങ്ങിയതെന്ന് സംശയിക്കുന്നു. 10 വയസ്സ് പ്രായം വരുന്ന ബോട്ടിൽനോസ് ഇനത്തിൽപെട്ടതും മൂന്ന്​ മീറ്റർ 10 സെ.മീ നീളം വരുന്നതുമായ ഡോൾഫിനാണി​െതന്നും അധികൃതർ പറഞ്ഞു. കോസ്​റ്റൽ പൊലീസ് ഇൻസ്പെക്ടർ എസ്. ഷരീഫ്, മത്സ്യഫെഡ് ബോർഡ് അംഗം ടി. മനോഹരൻ, സബ് ഇൻസ്പെക്ടർ എം.സി. പ്രശാന്തൻ, കോസ്​റ്റൽ പൊലീസ് പി.ആർ.ഒ. ഡി. ശ്രീകുമാർ, സെക്ഷൻ ഓഫിസർ നിശാന്ത്, വിനോദ് ബി.എഫ്.ഒ ശ്രീകുമാർ എന്നിവർ നേതൃത്വം നൽകി. ഡോൾഫിനെ പഞ്ചായത്ത​ി​ൻെറ സഹായത്തോടെ മറവ് ചെയ്തു.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story