പിതാവ്​ മൃതപ്രായയാക്കിയ കുഞ്ഞിനും അമ്മക്കും സംരക്ഷണമൊരുക്കി വനിത കമീഷൻ

തിരുവനന്തപുരം: അങ്കമാലിയിൽ പിതാവി​ൻെറ മർദനത്തിരയായി ആശുപത്രിയിലായിരുന്ന കുഞ്ഞിനും അമ്മക്കും താമസസൗകര്യവും സംരക്ഷണവും ഏർപ്പെടുത്തി വനിത കമീഷൻ. കമീഷ​ൻെറ ഇടപെടലിനെ തുടർന്ന് എറണാകുളം ശിശുക്ഷേമ സമിതി സഹായത്തോടെ പെരുമ്പാവൂർ പുല്ലുവഴിയിൽ സ്നേഹജ്യോതി എന്ന സ്ഥാപനത്തിലാണ് ഇവർക്ക്​ താമസ സൗകര്യം ലഭിച്ചത്. അമ്മയെയും കുഞ്ഞിനെയും കേസി​ൻെറ നടപടിക്രമങ്ങൾ പൂർത്തിയാവുന്നതുവരെ ഈ സ്ഥാപനത്തിൽ സംരക്ഷിക്കുമെന്ന് കമീഷൻ അംഗം അഡ്വ. ഷിജി ശിവജി അറിയിച്ചു. സ്വദേശമായ നേപ്പാളിലേക്ക് പോകണമെന്ന് കുഞ്ഞി​ൻെറ അമ്മ ആവശ്യപ്പെട്ടിരുന്നു. കേസും മറ്റ് നടപടികളും പൂർത്തിയായശേഷം ഇക്കാര്യത്തിന് മുൻകൈയെടുക്കുമെന്നും ഷിജി പറഞ്ഞു. ശസ്ത്രക്രിയക്ക് ശേഷം കുഞ്ഞിനെ ശനിയാഴ്​ചയാണ് ആശുപത്രിയിൽനിന്ന് ഡിസ്ചാർജ് ചെയ്തത്.