'കണ്ടെയ്​ൻമെൻറ് സോണുകളിൽ ട്രിപ്ൾ ലോക്​ഡൗൺ നടപ്പാക്കണം'

'കണ്ടെയ്​ൻമൻെറ് സോണുകളിൽ ട്രിപ്ൾ ലോക്​ഡൗൺ നടപ്പാക്കണം' തിരുവനന്തപുരം: നഗരത്തിലെ കോവിഡ്​ സാമൂഹവ്യാപനം തടയാൻ കണ്ടെയ്​ൻമൻെറ് സോണുകളിൽ ട്രിപ്ൾ ലോക്​ഡൗൺ നടപ്പാക്കണമെന്ന് വി.എസ്. ശിവകുമാർ എം.എൽ.എ ആവശ്യപ്പെട്ടു. അല്ലെങ്കിൽ നഗരം പൂർണമായി അടച്ചിടേണ്ട സാഹചര്യമുണ്ടാകും. കണ്ടെയ്​ൻമൻെറ് സോണുകളിൽ താമസിക്കുന്ന ജനങ്ങൾ പരമാവധി പുറത്തിറങ്ങാതിരിക്കാൻ ശ്രദ്ധിക്കണം. അവർക്ക് നിത്യോപയോഗ സാധനങ്ങളെത്തിക്കാൻ സർക്കാറി​ൻെറ ഭാഗത്തുനിന്നും നടപടിയുണ്ടാകുകയും വേണം. കണ്ടെയ്​ൻമൻെറ് സോണുകളിൽ വീണ്ടും സമ്പർക്ക രോഗബാധിതർ വർധിക്കുന്ന സാഹചര്യം ഗൗരവമുള്ളതാണ്. ജനസാന്ദ്രത കൂടിയ സംസ്ഥാനത്തെ രണ്ടാമത്തെ ജില്ലയാണ് തിരുവനന്തപുരം. ഏഴു കോടി ജനസംഖ്യയുള്ള അയൽസംസ്ഥാനമായ തമിഴ്നാട്ടിൽ പ്രതിദിനം 35000 പരിശോധനകൾ നടത്തുമ്പോൾ അതി​ൻെറ പകുതി ജനസംഖ്യയുള്ള കേരളത്തിൽ 15000 പരിശോധനകളെങ്കിലും നടത്തേണ്ടതാണ്. എന്നാൽ ഇവിടെ കേവലം 4000 പരിശോധനകൾ മാത്രമാണ് നടത്തുന്നതെന്ന്​ ശിവകുമാർ കുറ്റപ്പെടുത്തി.