തദ്ദേശ സ്ഥാപനങ്ങളുടെ കഴുത്ത് ഞെരിച്ച് കൊല്ലുന്നു- വി.ഡി സതീശൻ

തിരുവനന്തപുരം : വ്യത്യസ്തവും വിചിത്രവുമായ ഉത്തരവിലൂടെ തദ്ദേശ സ്ഥാപനങ്ങളുടെ കഴുത്ത് ഞെരിച്ച് കൊല്ലുന്ന സമീപനമാണ് സര്‍ക്കാര്‍ സ്വീകരിച്ചിരിക്കുന്നതെന്ന പ്തിപക്ഷ നേതാവ് വി.ഡി. സതീശൻ. സര്‍ക്കാര്‍ നടപടികളെല്ലാം അധികാര വികേന്ദ്രീകരണത്തിന്റെ അന്തസത്ത ഇല്ലാതാക്കുന്നതാണ്. എല്ലാ വര്‍ഷവും സാമ്പത്തിക വര്‍ഷം ആരംഭിക്കുന്നതിന് തൊട്ടുമുന്‍പായി പദ്ധതി തയാറാക്കാറുണ്ട്. ഇത്തവണ അതുണ്ടായില്ല.

ജനുവരിയില്‍ തയാറാക്കേണ്ട പതിനാലാം പഞ്ചവത്സര പദ്ധതിയുടെ മാര്‍ഗരേഖയും കെടുകാര്യസ്ഥത കൊണ്ട് അഞ്ചാം മാസത്തില്‍ മാത്രമാണ് തയാറാക്കിയത്. 2022-23 ബജറ്റിന്റെ അനുബന്ധത്തിലാണ് ഈ സാമ്പത്തിക വര്‍ഷത്തേക്കുള്ള പദ്ധതി വിഹിതം വകയിരുത്തിയിരിക്കുന്നത്. നിയമസഭ പാസാക്കിയ ബജറ്റിന് വിരുദ്ധമായി 2021-22 ലെ ബജറ്റില്‍ വകയിരുത്തിയ തുക ഉപയോഗിച്ച് പദ്ധതി ഉണ്ടാക്കണമെന്ന നിര്‍ദ്ദേശമാണ് സര്‍ക്കാര്‍ നല്‍കിയിരിക്കുന്നത്.

ഇത് നിയമസഭയെ അവഹേളിക്കുന്നതും ഭരണഘടനാ വിരുദ്ധവും നിയമവിരുദ്ധവുമാണ്. റോഡുകളുടേത് ഉള്‍പ്പെടെയുള്ള മെയിന്റനന്‍സ് ഗ്രാന്റും വന്‍തോതില്‍ വെട്ടിക്കുറച്ചു. ബജറ്റിലെ പദ്ധതി വിഹിതം നോക്കിയും ഗ്രാമസഭകള്‍ ചേര്‍ന്നും വികസന സെമിനാറുകള്‍ നടത്തിയുമാണ് തദ്ദേശ സ്ഥാപനങ്ങള്‍ വികസന പദ്ധതികള്‍ തയാറാക്കുന്നത്. എന്നാല്‍ അതിനെയെല്ലാം അട്ടിമറിക്കുകയാണ്.

തദ്ദേശ സ്ഥാപനങ്ങള്‍ക്ക് നല്‍കാനുള്ള പദ്ധതി വിഹിതം സര്‍ക്കാരിന്റെ കയ്യിലില്ല. അത് മറച്ചു വയ്ക്കാനാണ് പദ്ധതി വഹിക്കുന്നത്. അവസാന നിമിഷം ഈ പണം അനുവദിച്ചാലും തദ്ദേശ സ്ഥാപനങ്ങള്‍ അത് ചെലവഴിക്കാനാകില്ല. അതും ലാഭമായാണ് സര്‍ക്കാര്‍ കാണുന്നത്. ഈ വര്‍ഷം ചെലവഴിക്കാത്ത തുക കൂടി ചേര്‍ത്ത് അടുത്ത വര്‍ഷത്തേക്കുള്ള ഫണ്ട് നല്‍കുന്ന പതിവും ഈ സര്‍ക്കാര്‍ അവസാനിപ്പിച്ചിരിക്കുകയാണ്.

നിബന്ധനകള്‍ വച്ച് തദ്ദേശ സ്ഥാപനങ്ങളുടെ അധികാരങ്ങള്‍ കവര്‍ന്നെടുക്കുകയാണ് സര്‍ക്കാര്‍ ചെയ്യുന്നത്. സര്‍ക്കാര്‍ ചെയ്യേണ്ട കാര്യങ്ങള്‍ കൂടി തദ്ദേശ സ്ഥാപനങ്ങളുടെ തലയില്‍ കെട്ടിവയ്ക്കുകയാണ്. ഗ്രാമസഭകള്‍ക്കും വികസന സെമിനാറുകല്‍ക്കും പ്രസക്തി ഇല്ലാതായിരിക്കുകയാണ്.

തദ്ദേശ സ്ഥാപനങ്ങള്‍ക്ക് പ്രവര്‍ത്തിക്കാന്‍ കഴിയാത്ത സാഹചര്യമാണ് നിലനില്‍ക്കുന്നത്. സംസ്ഥാനത്ത് നിലനില്‍ക്കുന്ന ഗുരുതരമായ സാമ്പത്തിക പ്രതിസന്ധിയുടെ ഏറ്റവും വലിയ അടയാളമാണ് പദ്ധതി വിഹിതം നല്‍കാതെ തദ്ദേശ സ്ഥാപനങ്ങളെ സര്‍ക്കാര്‍ ശ്വാസം മുട്ടിക്കുന്നതെന്നും വി.ഡി.സതീശൻ പറഞ്ഞു.

തദ്ദേശഫണ്ട്​ വെട്ടിക്കുറച്ചെന്ന്​ പ്രതിപക്ഷം; പൂർണമായി നൽകുമെന്ന്​ മന്ത്രി

തി​രു​വ​ന​ന്ത​പു​രം: ത​​ദ്ദേ​ശ​സ്ഥാ​പ​ന​ങ്ങ​ളു​ടെ അ​ധി​കാ​രം വെ​ട്ടി​ക്കു​റ​ക്കു​ന്നെ​ന്നും ബ​ജ​റ്റി​ൽ അ​നു​വ​ദി​ച്ച തു​ക​യി​ൽ കു​റ​വു​വ​രു​ത്തി​യെ​ന്നും നി​യ​മ​സ​ഭ​യി​ൽ പ്ര​തി​പ​ക്ഷം ആ​രോ​പി​ച്ചു. ഫ​ണ്ട്​ വെ​ട്ടി​ക്കു​റ​ച്ചി​ട്ടി​ല്ലെ​ന്നും മെ​യി​ന്‍റ​ന​ൻ​സ്​ ഗ്രാ​ന്‍റ്​ കു​റ​ഞ്ഞ​ത്​ ശ്ര​ദ്ധ​യി​ൽ​പെ​ട്ട സാ​ഹ​ച​ര്യ​ത്തി​ൽ ക​ഴി​ഞ്ഞ വ​ർ​ഷ​ത്തേ​തു​പോ​ലെ ഇ​ക്കൊ​ല്ല​വും ല​ഭ്യ​മാ​ക്കു​മെ​ന്നും മ​ന്ത്രി എം.​വി. ഗോ​വി​ന്ദ​ൻ മ​റു​പ​ടി ന​ൽ​കി. ത​ദ്ദേ​ശ​സ്ഥാ​പ​ന​ങ്ങ​ളു​ടെ അ​ധി​കാ​രം സ​ർ​ക്കാ​ർ തി​രി​ച്ചെ​ടു​ത്തി​ട്ടി​ല്ലെ​ന്ന്​ ന​ജീ​ബ്​ കാ​ന്ത​പു​ര​ത്തി​ന്‍റെ അ​ടി​യ​ന്ത​ര പ്ര​മേ​യ നോ​ട്ടീ​സി​ന്​ മ​റു​പ​ടി​യാ​യി മ​ന്ത്രി പ​റ​ഞ്ഞു. അ​ടി​യ​ന്ത​ര പ്ര​മേ​യ നോ​ട്ടീ​സ്​ സ്പീ​ക്ക​ർ ത​ള്ളി. മ​ന്ത്രി​യു​ടെ മ​റു​പ​ടി​യി​ൽ തൃ​പ്ത​രാ​കാ​തെ പ്ര​തി​പ​ക്ഷം സ​ഭ​യി​ൽ​നി​ന്ന്​ ഇ​റ​ങ്ങി​പ്പോ​യി.

ബ​ജ​റ്റി​ല്‍ പ്ര​ഖ്യാ​പി​ച്ച തു​ക പൂ​ര്‍ണ​മാ​യി ന​ല്‍കു​മെ​ന്ന്​ മ​ന്ത്രി പ​റ​ഞ്ഞു. ഇ​പ്പോ​ഴ​ത്തെ ഉ​ത്ത​ര​വ് താ​ൽ​ക്കാ​ലി​ക​മാ​ണ്. ധ​ന​കാ​ര്യ​ക​മീ​ഷ​ൻ ശി​പാ​ര്‍ശ പ​രി​ശോ​ധി​ച്ച്​ വി​ഹി​തം ന​ല്‍കു​ന്ന​തി​ല്‍ കാ​ല​താ​മ​സം വ​രു​ന്ന​തു​ കൊ​ണ്ടാ​ണ്​ പ​ദ്ധ​തി രൂ​പ​വ​ത്​​ക​ര​ണം വൈ​കാ​തി​രി​ക്കാ​ൻ ക​ഴി​ഞ്ഞ വ​ര്‍ഷ​ത്തെ ക​ണ​ക്കി​ല്‍ ന​ട​പ​ടി​ക്ക്​ നി​ർ​ദേ​ശി​ച്ച​ത്. പു​തു​ക്കി​യ വി​ഹി​തം അ​നു​വ​ദി​ക്കാ​ൻ ന​ട​പ​ടി​ക​ള്‍ ആ​രം​ഭി​ച്ചു. മെ​യി​ന്‍റ​ന​ന്‍സ് ഗ്രാ​ന്‍റി​ൽ ചി​ല ജി​ല്ല പ​ഞ്ചാ​യ​ത്തു​ക​ള്‍ക്ക് ക​ഴി​ഞ്ഞ വ​ര്‍ഷ​ത്തേ​തി​നെ​ക്കാ​ള്‍ വ​ള​രെ കു​റ​വു​വ​ന്നു. ഇ​ത്​ മ​ന​സ്സി​ലാ​ക്കി ത​ല്‍ക്കാ​ലം മു​ന്‍വ​ര്‍ഷ​ത്തേ​തി​ന്‍റെ അ​ടി​സ്ഥാ​ന​ത്തി​ലെ​ന്ന് ഉ​ത്ത​ര​വി​റ​ക്കി. പ​രാ​തി​ക​ള്‍ പ​രി​ഗ​ണി​ച്ച് ബ​ജ​റ്റി​ല്‍ പ​റ​ഞ്ഞ മു​ഴു​വ​ന്‍ തു​ക​യും ന​ല്‍കു​മെ​ന്നും മ​ന്ത്രി വ്യ​ക്ത​മാ​ക്കി. പ​തി​നാ​ലാം പ​ഞ്ച​വ​ത്സ​ര പ​ദ്ധ​തി​യു​ടെ മാ​ര്‍ഗ​രേ​ഖ ഏ​പ്രി​ലി​ലാ​ണ് പു​റ​ത്തി​റ​ങ്ങി​യ​ത്. അ​ത് വൈ​കി​യ​തു​കൊ​ണ്ടാ​ണ് പ​ദ്ധ​തി രൂ​പ​വ​ത്​​ക​ര​ണ​ത്തി​ന് കാ​ല​താ​മ​സം വ​ന്ന​തെ​ന്നും മ​ന്ത്രി പ​റ​ഞ്ഞു.

അ​ധി​കാ​ര വി​കേ​ന്ദ്രീ​ക​ര​ണ​ത്തെ അ​ട്ടി​മ​റി​ക്കാ​നാ​ണ് ശ്ര​മ​മെ​ന്ന് ന​ജീ​ബ് കാ​ന്ത​പു​രം കു​റ്റ​പ്പെ​ടു​ത്തി. ബ​ജ​റ്റ് വെ​റും ത​ട്ടി​പ്പാ​ണെ​ന്ന് അ​ത് അ​വ​ത​രി​പ്പി​ച്ച​വ​ര്‍ത​ന്നെ വ്യ​ക്ത​മാ​ക്കു​ക​യാ​ണ്. പ​ദ്ധ​തി അം​ഗീ​ക​രി​ച്ച് ഡാ​റ്റ എ​ന്‍ട്രി ന​ട​ത്തു​മ്പോ​ഴാ​ണ് സ​ര്‍ക്കാ​ര്‍ അ​ത് അ​ട്ടി​മ​റി​ച്ച്​ പു​തി​യ ഉ​ത്ത​ര​വി​റ​ക്കി​യ​ത്. ഇ​നി പ​ദ്ധ​തി അം​ഗീ​ക​രി​ച്ചാ​ല്‍ അ​ത് ന​ട​പ്പാ​ക്കാ​നു​ള്ള സ​മ​യം ല​ഭി​ക്കി​ല്ല. സ​ര്‍ക്കാ​ര്‍ പാ​പ്പ​രാ​ണെ​ങ്കി​ല്‍ അ​ത് പ​റ​യ​ണ​മെ​ന്നും ന​ജീ​ബ് കാ​ന്ത​പു​രം ആ​വ​ശ്യ​പ്പെ​ട്ടു. ജ​നു​വ​രി​യി​ല്‍ ത​യാ​റാ​ക്കേ​ണ്ട പ​തി​നാ​ലാം പ​ദ്ധ​തി​യു​ടെ മാ​ര്‍ഗ​രേ​ഖ ഏ​പ്രി​ല്‍വ​രെ വൈ​കി​പ്പി​ച്ച​ത് സ​ര്‍ക്കാ​റി​ന്റെ കെ​ടു​കാ​ര്യ​സ്ഥ​ത​യാ​ണെ​ന്ന്​ പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ൻ ആ​രോ​പി​ച്ചു. പി.​കെ. കു​ഞ്ഞാ​ലി​ക്കു​ട്ടി, പി.​ജെ. ജോ​സ​ഫ്, അ​നൂ​പ്​ ​ജേ​ക്ക​ബ്, കെ.​കെ. ര​മ എ​ന്നി​വ​രും പ്ര​സം​ഗി​ച്ചു.