Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകോവിഡ്​ വാക്​സിനേഷൻ...

കോവിഡ്​ വാക്​സിനേഷൻ കാമ്പയിനുമായി തദ്ദേശ സ്ഥാപനങ്ങൾ

text_fields
bookmark_border
കോവിഡ്​ വാക്​സിനേഷൻ കാമ്പയിനുമായി തദ്ദേശ സ്ഥാപനങ്ങൾ
cancel

കാസർകോട്​: മുൻഗണന വിഭാഗത്തിലുള്ളവർ വാക്​സിൻ എടുക്കുന്നുവെന്ന്​ ഉറപ്പുവരുത്താൻ തദ്ദേശ സ്​ഥാപനങ്ങൾ വാക്​സിനേഷൻ കാമ്പയിൻ നടത്തണമെന്ന്​ സർക്കാർ നിർദേശം.

കോവിഡ്​ 19 പ്രതിരോധത്തി​െൻറ ഭാഗമായി 60 വയസ്സിനു മുകളിലുള്ള മുതിർന്ന പൗരന്മാർ, 45 വയസ്സിനും 60 വയസ്സിനും ഇടയിലുള്ള ഗുരുതരരോഗം ബാധിച്ചവർ, വിട്ടുമാറാത്ത രോഗം ബാധിച്ചവർ എന്നിവരെ മുൻഗണന വിഭാഗത്തിലുൾപ്പെടുത്തിയാണ്​ നിലവിൽ വാക്​സിൻ നൽകിവരുന്നത്​. എന്നാൽ, പ്രത്യേകം ശ്രദ്ധ വേണ്ടിവരുന്ന മേൽവിഭാഗത്തിൽപെട്ട എല്ലാവരും വാക്​സിൻ എടുക്കുന്നുവെന്ന്​ ഉറപ്പുവരുത്താൻ​ കാമ്പയിൻ നടത്താനാണ്​ പുതിയ മാർഗരേഖ.

ഇതുപ്രകാരം, തദ്ദേശ സ്​ഥാപനങ്ങളിലെ വാർഡ്​തലത്തിൽ ബന്ധ​പ്പെട്ട വാർഡ്​ മെംബറുടെ മേൽനോട്ടത്തിൽ വാർഡ്​തല സമിതികളാണ്​​ കാമ്പയിൻ പ്രവർത്തനങ്ങൾ നടത്തേണ്ടത്​.

സമിതികൾ അതതിടങ്ങളിലെ മുൻഗണന വിഭാഗത്തിൽപെട്ട, ഇതിനകം വാക്​സിൻ സ്വീകരിച്ചിട്ടില്ലാത്തവർക്ക്​ ആരോഗ്യ വകുപ്പ്​ മാർഗരേഖ പ്രകാരം ബോധവത്​കരണം നടത്തണം. അടുത്തുള്ള വാക്​സിനേഷൻ​ കേന്ദ്രം സംബന്ധിച്ച്​ വിവരം കൈമാറുകയും വേണം. വാക്​സിനേഷന്​ രജിസ്​ട്രേഷൻ നടത്തുന്നതിനും സഹായം നൽകാം. 80നു മേൽ പ്രായമുള്ളവരെ പ്രത്യേകം ശ്രദ്ധിക്കുകയും വാക്​സിൻ എടുത്തെന്ന്​ സമിതികൾ ഉറപ്പുവരുത്തുകയും വേണം.

തദ്ദേശ സ്​ഥാപന സെക്രട്ടറിമാർ കാമ്പയിൻ സംബന്ധിച്ച്​ പ്രതിദിന റിപ്പോർട്ട്​ നൽകണമെന്നും സർക്കുലറിലുണ്ട്​. തദ്ദേശ സ്​ഥാപനത്തി​െൻറ പേര്​, വാർഡുകളുടെ എണ്ണം, ആകെ മുതിർന്ന പൗരന്മാർ, വാക്​സിൻ സ്വീകരിച്ചവർ, 80നു മുകളിൽ പ്രായമുള്ള മുതിർന്ന പൗരന്മാർ, വാക്​സിൻ സ്വീകരിച്ചവർ തുടങ്ങിയ വിവരങ്ങൾ നഗരകാര്യ ഡയറക്​ടർ, പഞ്ചായത്ത്​ ഡയറക്​ടർ എന്നിവർക്കാണ്​ സെക്രട്ടറിമാർ ദിനേന നൽകേണ്ടത്​. പഞ്ചായത്ത്​ ഡയറക്ടർ ഈ വിവരങ്ങൾ ക്രോഡീകരിച്ച്​ ദ്വൈവാര റിപ്പോർട്ടായി സർക്കാറിന്​ സമർപ്പിക്കണം.

Show Full Article
TAGS:Covid Vaccination Campaign 
News Summary - Local Governments with Covid Vaccination Campaign
Next Story