തദ്ദേശ തെരഞ്ഞെടുപ്പ്​; അന്തിമ വോട്ടർ പട്ടിക പ്രസിദ്ധീകരിച്ചു

തിരുവനന്തപുരം: സംസ്​ഥാനത്ത്​ ഈ വർഷം തദ്ദേശ സ്വയംഭരണ സ്​ഥാപനങ്ങളിലേക്ക്​ നടക്കുന്ന പൊതുതെരഞ്ഞെടുപ്പി​​െൻറ അന്തിമ വോട്ടർപട്ടിക പ്രസിദ്ധീകരിച്ചു. 941 ഗ്രാമപഞ്ചായത്തുകളിലെയും 86 മുനിസിപ്പാലിറ്റികളുടെയും ആറ്​ കോർപറേഷനുകളിലെയും വോട്ടർപട്ടികയാണ്​ പ്രസിദ്ധീകരിച്ചത്​.  

2,62,24,501 വോട്ടർമാരാണ്​ ആകെയുള്ളത്​. ഇതിൽ 1,25,40,302 പുരുഷൻമാരും 1,36,84,019 സ്​ത്രീകളും 180 ട്രാൻ​സ്​ജെൻഡർമാരുമാണ്​. 

പുതുതായി 6,78,147 പുരുഷൻമാരും 8,01,328 സ്​ത്രീകളും 66 ട്രാൻസ്​ജെൻമാരെയും വോട്ടർപട്ടികയിൽ ഉൾപ്പെടുത്തി. 4,34,317 പേരെ വോട്ടർപട്ടികയിൽനിന്ന്​ ഒഴിവാക്കിയതായും സംസ്​ഥാന തെരഞ്ഞെടുപ്പ്​ കമീഷണർ വി. ഭാസ്​കരൻ അറിയിച്ചു.