വായ്പപരിധി വെട്ടിക്കുറക്കൽ: നിയമപോരാട്ടത്തിന്​ കേരളം

തി​രു​വ​ന​ന്ത​പു​രം: ക​ട​മെ​ടു​പ്പ്​ പ​രി​ധി വെ​ട്ടി​ക്കു​റ​ച്ച കേ​ന്ദ്ര ന​ട​പ​ടി​ക്കെ​തി​രെ സം​സ്ഥാ​ന സ​ർ​ക്കാ​ർ സു​പ്രീം​കോ​ട​തി​യെ സ​മീ​പി​ക്കു​ന്നു. മു​ൻ അ​റ്റോ​ണി ജ​ന​റ​ൽ കെ.​കെ. വേ​ണു​ഗോ​പ​ൽ അ​ട​ക്കം നി​യ​മ​വി​ദ​ഗ്​​ധ​രി​ൽ​നി​ന്നു​ള്ള​ ഉ​പ​ദേ​ശ​ത്തി​ന്‍റെ അ​ടി​സ്ഥാ​ന​ത്തി​ലാ​ണ്​ തീ​രു​മാ​നം.​ പ​ല​ത​വ​ണ കേ​ന്ദ്ര​ധ​ന മ​​ന്ത്രാ​ല​യ​വു​മാ​യി ക​ത്തി​ട​പാ​ട്​ ന​ട​ന്നി​ട്ടും അ​നു​കൂ​ല സ​മീ​പ​ന​മു​ണ്ടാ​കാ​ത്ത സാ​ഹ​ച​ര്യ​ത്തി​ൽ കൂ​ടി​യാ​ണ്​ കേ​ന്ദ്ര​ത്തി​നെ​തി​രെ സം​സ്ഥാ​നം നി​യ​മ പോ​രാ​ട്ട​ത്തി​നൊ​രു​ങ്ങു​ന്ന​ത്. മു​തി​ർ​ന്ന അ​ഭി​ഭാ​ഷ​ക​ൻ ക​പി​ൽ സി​ബ​ലി​നെ ചു​മ​ത​ല​യേ​ൽ​പി​ക്കു​മെ​ന്നാ​ണ്​ വി​വ​രം. വാ​യ്​​പ​പ​രി​ധി വെ​ട്ടി​ക്കു​റ​ച്ച​തി​നു​ പി​ന്നാ​ലെ ക​ടം സം​ബ​ന്ധി​ച്ച നി​ർ​വ​ച​ന​ങ്ങ​ളി​ൽ മാ​റ്റം വ​രു​ത്തി​യ​തും സ​ർ​ക്കാ​റി​ന്​ കീ​ഴി​ലെ മ​റ്റ്​ ഏ​ജ​ൻ​സി​ക​ൾ എ​ടു​ക്കു​ന്ന വാ​യ്പ​യും സം​സ്ഥാ​ന സ​ർ​ക്കാ​റി​ന്‍റെ വാ​യ്പ​യാ​യി പ​രി​ഗ​ണി​ക്കു​ന്ന​തു​മ​ട​ക്കം വി​ഷ​യ​ങ്ങ​ളാ​ണ്​ ചോ​ദ്യം ചെ​യ്യു​ക.

സം​സ്ഥാ​ന സ​ർ​ക്കാ​റി​ന്‍റെ വ​രു​മാ​ന​ത്തി​ലെ മു​ഖ്യ സ്രോ​ത​സ്സാ​ണ്​ ക​ട​മെ​ടു​പ്പ്. റി​സ​ർ​വ്​ ബാ​ങ്ക്​ വ​ഴി ഇ​റ​ക്കു​ന്ന ക​ട​പ്പ​ത്ര​ങ്ങ​ൾ 7.5 ശ​ത​മാ​നം പ​ലി​ശ​ക്ക്​ വി​റ്റാ​ണ്​ ക​ട​മെ​ടു​ക്കു​ന്ന​ത്. ക​ട​മെ​ടു​പ്പ്​ പ്ര​തീ​ക്ഷി​ച്ചാ​ണ്​ ബ​ജ​റ്റ​ട​ക്കം ത​യാ​റാ​ക്കി​യ​ത്. കേ​ര​ള​ത്തി​ന്‍റെ ആ​ഭ്യ​ന്ത​ര ഉ​ൽ​പാ​ദ​ന​ത്തി​ന്‍റെ മൂ​ന്നു​ ശ​ത​മാ​നം ​ക​ട​മെ​ടു​ക്കാ​മെ​ന്നി​രി​ക്കെ ഇ​ത്​ 1.6 ശ​ത​മാ​ന​മാ​യി വെ​ട്ടി​ക്കു​റ​ക്കു​ക​യാ​യി​രു​ന്നു. മൂ​ന്നു ശ​ത​മാ​ന​മെ​ന്ന ക​ണ​ക്ക​നു​സ​രി​ച്ചും പ​തി​വ്​ വെ​ട്ടി​ക്കു​റ​ക്ക​ലെ​ല്ലാം ക​ഴി​ഞ്ഞും ​28,550 കോ​ടി​യെ​ങ്കി​ലും വാ​യ്​​പ​യെ​ടു​ക്കാ​നാ​കു​മെ​ന്ന്​ പ്ര​തീ​ക്ഷി​ച്ചി​രു​ന്നി​ട​ത്താ​ണ്​ കേ​ന്ദ്രം ഇ​ട​ങ്കോ​ലി​ട്ട​ത്. ഫ​ല​ത്തി​ൽ 15,390 കോ​ടി​യാ​യി ക​ട​മെ​ടു​പ്പ്​ ചു​രു​ങ്ങി.

സാ​ധാ​ര​ണ ഏ​പ്രി​ൽ പ​കു​തി​യോ​ടെ ക​ട​മെ​ടു​പ്പി​നു​ള്ള കേ​ന്ദ്രാ​നു​മ​തി ല​ഭി​ക്കാ​റു​ണ്ട്. ഇ​ക്കു​റി ഇ​തു​ നീ​ണ്ടു​​പോ​യി. ഈ ​സാ​ഹ​ച​ര്യ​ത്തി​ൽ താ​ൽ​ക്കാ​ലി​ക​മാ​യി 2000 കോ​ടി ക​ട​മെ​ടു​ക്കാ​ൻ അ​നു​മ​തി ന​ൽ​കി​യി​രു​ന്നു. എ​ന്നാ​ൽ, അ​ന്തി​മാ​നു​മ​തി ന​ൽ​കി​യ 15,390 കോ​ടി​യി​ൽ ഈ 2000 ​കോ​ടി​യും ഉ​ൾ​പ്പെ​ടു​ത്തി എ​ന്ന​താ​ണ്​ മ​റ്റൊ​രു ഇ​രു​ട്ട​ടി. 15,390 കോ​ടി​യി​ൽ 11,500 കോ​ടി​യും ക​ട​മെ​ടു​ത്തു. ശേ​ഷി​ക്കു​ന്ന​ 3890 കോ​ടി​യി​ൽ 1000 കോ​ടി ഈ ​ആ​ഴ്​​ച ക​ട​മെ​ടു​ക്കും. ദൈ​നം​ദി​ന ചെ​ല​വി​ന്‍റെ 64 ശ​ത​മാ​ന​വും ത​ന​ത്​ വ​രു​മാ​ന​ത്തി​ൽ​നി​ന്നാ​ണ്​ സം​സ്ഥാ​നം ക​ണ്ടെ​ത്തു​ന്ന​ത്. മ​റ്റു​ പ​ല സം​സ്ഥാ​ന​ങ്ങ​ളും 30 ശ​ത​മാ​നം മാ​ത്ര​മാ​ണ്​ ത​ന​ത്​ വ​രു​മാ​ന​ത്തി​ൽ​നി​ന്ന്​ ചെ​ല​വി​നു​ള്ള വ​ക ക​​ണ്ടെ​ത്തു​ന്ന​ത്.