സാക്ഷരത മിഷനിലെ നടപടി: സ്ഥിരപ്പെടുത്തൽ തസ്തിക നിർണയിക്കാതെ; ഡയറക്ടറടക്കം ഉന്നതർ കുരുക്കിൽ

കോ​ട്ട​യം: സാ​ക്ഷ​ര​ത മി​ഷ​നി​ൽ 74 താ​ൽ​ക്കാ​ലി​ക ജീ​വ​ന​ക്കാ​രെ സ്ഥി​ര​പ്പെ​ടു​ത്തി​യ​ത്​ ത​സ്​​തി​ക നി​ർ​ണ​യി​ക്കാ​തെ. നി​യ​മ​നം ഹൈ​കോ​ട​തി സ്​​റ്റേ ചെ​യ്​​ത​ത്​ സ​ർ​ക്കാ​റി​നും സാ​ക്ഷ​ര​ത മി​ഷ​ൻ ഡ​യ​റ​ക്​​ട​റ​ട​ക്കം ഉ​ന്ന​ത​ർ​ക്കും തി​രി​ച്ച​ടി​യാ​യി. ജി​ല്ല പ്രോ​ജ​ക്​​ട്​ കോ​ഓ​ഡി​നേ​റ്റ​ർ, അ​സി. കോ​ഓ​ഡി​നേ​റ്റ​ർ തു​ട​ങ്ങി സാ​ങ്ക​ൽ​പി​ക ത​സ്തി​ക​ക​ളി​ൽ പ്ര​വ​ർ​ത്തി​ച്ചി​രു​ന്ന​വ​രെ മാ​ന​ദ​ണ്ഡം ലം​ഘി​ച്ച്​ സ്ഥി​ര​പ്പെ​ടു​ത്തി​യ​തും പ്ര​തി​സ​ന്ധി സൃ​ഷ്​​ടി​ച്ചു. സാ​ക്ഷ​ര​ത മി​ഷ​നു​ണ്ടാ​യ അ​ധി​ക​ച്ചെ​ല​വ്​ 10 കോ​ടി​യും.

കേ​ര​ള സ്​​റ്റേ​റ്റ് സ​ബോ​ർ​ഡി​നേ​റ്റ്​ സ​ർ​വി​സ് ച​ട്ടം ബാ​ധ​ക​മ​ല്ലാ​ത്ത ഇ​വി​ടെ ന​ട​ന്ന നി​യ​മ​ന​ങ്ങ​ള​ധി​ക​വും അ​ത​ത്​ കാ​ല​ത്തെ രാ​ഷ്​​ട്രീ​യ നേ​തൃ​ത്വ​ത്തി​െൻറ ഇ​ഷ്​​ടാ​നു​സ​ര​ണ​മാ​യി​രു​ന്നു. പ്രോ​ജ​ക്​​ട്​ എ​ന്ന നി​ല​യി​ൽ പ്ര​വ​ർ​ത്തി​ച്ചു​വ​രു​ന്ന​തി​നാ​ൽ സ്ഥി​രം സ്വ​ഭാ​വ​വും സ്ഥാ​പ​ന​ത്തി​നി​ല്ല. എ​ന്നാ​ൽ, 10 വ​ർ​ഷം പൂ​ർ​ത്തി​യാ​ക്കി​യെ​ന്ന മാ​ന​ദ​ണ്ഡ​മ​നു​സ​രി​ച്ച്​ 13 ജി​ല്ല പ്രോ​ജ​ക്​​ട്​ കോ​ഓ​ഡി​നേ​റ്റ​ർ​മാ​രെ​യും 17 അ​സി. കോ​ഓ​ഡി​നേ​റ്റ​ർ​മാ​രെ​യും അ​ട​ക്കം 74 താ​ൽ​ക്കാ​ലി​ക ജീ​വ​ന​ക്കാ​രെ​യാ​ണ് 2021 ഫെ​ബ്രു​വ​രി 15ന് ​സ്ഥി​ര​പ്പെ​ടു​ത്തി​യ​ത്. ജി​ല്ല കോ​ഓ​ഡി​നേ​റ്റ​ർ​മാ​ർ​ക്ക് സീ​നി​യ​ർ ഹൈ​സ്കൂ​ൾ അ​ധ്യാ​പ​ക​രു​ടെ സ്കെ​യി​ലും അ​സി. കോ​ഓ​ഡി​നേ​റ്റ​ർ​മാ​ർ​ക്ക് ജൂ​നി​യ​ർ ഹൈ​സ്കൂ​ൾ അ​ധ്യാ​പ​ക​രു​ടെ സ്കെ​യി​ലും അ​നു​വ​ദി​ച്ചാ​യി​രു​ന്നു സ്ഥി​ര​പ്പെ​ടു​ത്ത​ൽ.

നി​യ​മ​നം ല​ഭി​ച്ച​വ​രെ​ല്ലാം ഇ​ട​തു​പ​ക്ഷ പ്ര​വ​ർ​ത്ത​ക​രാ​ണ്. സാ​ക്ഷ​ര​ത മി​ഷ​നി​ൽ ജി​ല്ല പ്രോ​ജ​ക്​​ട്​ കോ​ഓ​ഡി​നേ​റ്റ​ർ​മാ​രാ​യി പ്ര​വ​ർ​ത്തി​ക്കു​ന്ന​ത് ജി​ല്ല പ​ഞ്ചാ​യ​ത്ത്‌ സെ​ക്ര​ട്ട​റി​മാ​രാ​ണ്. ജി​ല്ല​ക​ളി​ലെ സാ​മ്പ​ത്തി​ക​വും ഭ​ര​ണ​പ​ര​വു​മാ​യ ചു​മ​ത​ല ജി​ല്ല കോ​ഓ​ഡി​നേ​റ്റ​ർ​മാ​രാ​യി പ്ര​വ​ർ​ത്തി​ക്കു​ന്ന ഇ​വ​ർ​ക്കാ​ണ്. സാ​ക്ഷ​ര​ത മി​ഷ​ൻ പ​ദ്ധ​തി​ക​ളു​ടെ പ​ഞ്ചാ​യ​ത്ത്ത​ല കോ​ഓ​ഡി​നേ​റ്റ​ർ​മാ​രാ​യി പ്ര​വ​ർ​ത്തി​ക്കു​ന്ന​ത് പ്രേ​ര​ക്മാ​രാ​ണ്. ബ്ലോ​ക്ക്‌​ത​ല കോ​ഓ​ഡി​നേ​റ്റ​ർ​മാ​രാ​യി നോ​ഡ​ൽ പ്രേ​ര​ക്മാ​രും.

ജി​ല്ല​ത​ല ഏ​കോ​പ​നം ന​ട​ത്തു​ന്ന ജീ​വ​ന​ക്കാ​രു​ടെ ത​സ്തി​ക വ​രേ​ണ്ടി​യി​രു​ന്ന​ത് ജി​ല്ല പ്രേ​ര​ക്, ജി​ല്ല അ​സി. പ്രേ​ര​ക് എ​ന്നി​ങ്ങ​നെ​യാ​യി​രു​ന്നു. പ​ക​രം അ​ധി​ക​വേ​ത​നം ന​ൽ​കാ​ൻ ജി​ല്ല പ്രോ​ജ​ക്​​ട്​ കോ​ഓ​ഡി​നേ​റ്റ​ർ, അ​സി. കോ​ഓ​ഡി​നേ​റ്റ​ർ എ​ന്നി​ങ്ങ​നെ സാ​ങ്ക​ൽ​പി​ക ത​സ്​​തി​ക സൃ​ഷ്​​ടി​ച്ചു. പ്രേ​ര​ക്മാ​ർ​ക്ക് 12,000, നോ​ഡ​ൽ പ്രേ​ര​ക്മാ​ർ​ക്ക് 15,000 എ​ന്നി​ങ്ങ​നെ​യാ​ണ് ന​ൽ​കി​വ​രു​ന്ന വേ​ത​നം. ഹൈ​സ്കൂ​ൾ അ​ധ്യാ​പ​ക സ്കെ​യി​ൽ അ​നു​വ​ദി​ച്ച്​ സ്ഥി​ര​പ്പെ​ടു​ത്തി​യ​വ​ർ അ​ധ്യാ​പ​ന​ത്തി​െൻറ ഒ​രു​ത​ല​ത്തി​ലും പ്ര​വ​ർ​ത്തി​ക്കാ​ത്ത​വ​രു​മാ​ണ്. പി​ന്നീ​ട്​ ഇ​വ​ർ​ക്ക്​ സീ​നി​യ​ർ ഹ​യ​ർ സെ​ക്ക​ൻ​ഡ​റി ടീ​ച്ച​റു​ടെ കാ​റ്റ​ഗ​റി-11, ജൂ​നി​യ​ർ ഹ​യ​ർ സെ​ക്ക​ൻ​ഡ​റി ടീ​ച്ച​റു​ടെ കാ​റ്റ​ഗ​റി-10 എ​ന്നി​ങ്ങ​നെ ഉ​ൾ​പ്പെ​ടു​ത്തി ഉ​യ​ർ​ന്ന വേ​ത​നം അ​നു​വ​ദി​ച്ച​തും ഗു​രു​ത​ര ച​ട്ട​ലം​ഘ​ന​മാ​ണെ​ന്ന്​ തെ​ളി​ഞ്ഞു.

ജീ​വ​ന​ക്കാ​ർ​ക്ക് അ​ധി​ക​മാ​യി അ​നു​വ​ദി​ക്കു​ന്ന വേ​ത​ന​ത്തി​െൻറ ബാ​ധ്യ​ത മേ​ലു​ദ്യോ​ഗ​സ്ഥ​രു​ടേ​താ​ണെ​ന്ന് 2016 ഫെ​ബ്രു​വ​രി​യി​ൽ സ​ർ​ക്കാ​ർ ഉ​ത്ത​ര​വും ഇ​റ​ക്കി​യി​രു​ന്നു.