രാജ്യത്തെ അംഗീകാരമുള്ള ചികിത്സകരുടെ പട്ടിക:മൂന്ന് വർഷമായി കേരളത്തിലെ ഡോക്ടർമാർ പുറത്ത്

പാ​ല​ക്കാ​ട്: രാ​ജ്യ​ത്തെ ആ​ധു​നി​ക വൈ​ദ്യ​ശാ​ഖ​യി​ലെ അം​ഗീ​കാ​ര​മു​ള്ള ഡോ​ക്ട​ർ​മാ​രു​ടെ പ​ട്ടി​ക​യാ​യ ഇ​ന്ത്യ​ൻ മെ​ഡി​ക്ക​ൽ ര​ജി​സ്റ്റ​റി​ൽ മൂ​ന്ന് വ​ർ​ഷ​മാ​യി കേ​ര​ള​ത്തി​ലെ ചി​കി​ത്സ​ക​രി​ല്ല. 2019 വ​രെ​യു​ള്ള​വ​രു​ടെ വി​വ​ര​ങ്ങ​ൾ മാ​ത്ര​മേ നാ​ഷ​ന​ൽ മെ​ഡി​ക്ക​ൽ ക​മീ​ഷ​ന്റെ വെ​ബ്സൈ​റ്റി​ലു​ള്ളൂ. അ​തേ​സ​മ​യം, 2021 ജൂ​ൺ​ 30 വ​രെ കേ​ര​ള മെ​ഡി​ക്ക​ൽ കൗ​ൺ​സി​ലി​ൽ ര​ജി​സ്റ്റ​ർ ചെ​യ്ത ഡോ​ക്ട​ർ​മാ​രു​ടെ ലി​സ്റ്റ് ഇ​ന്ത്യ​ൻ മെ​ഡി​ക്ക​ൽ ര​ജി​സ്റ്റ​റി​ൽ ചേ​ർ​ക്കാ​ൻ അ​യ​ച്ചു​കൊ​ടു​ത്തി​ട്ടു​ണ്ടെ​ന്നാ​ണ് ഇ​തു​സം​ബ​ന്ധി​ച്ച് ഒ​രു​മാ​സം മു​മ്പ് ന​ൽ​കി​യ വി​വ​രാ​വ​കാ​ശ​ത്തി​ന് കേ​ര​ള മെ​ഡി​ക്ക​ൽ കൗ​ൺ​സി​ൽ​സ് ഡെ​പ്യൂ​ട്ടി ര​ജി​സ്ട്രാ​ർ ന​ൽ​കി​യ മ​റു​പ​ടി.

സം​സ്ഥാ​ന​ത്ത് ആ​ധു​നി​ക വൈ​ദ്യ​ശാ​ഖ​യി​ലെ അം​ഗീ​കാ​ര​മു​ള്ള ഡോ​ക്ട​ർ​മാ​രു​ടെ വി​വ​ര​ങ്ങ​ൾ കേ​ര​ള മെ​ഡി​ക്ക​ൽ കൗ​ൺ​സി​ൽ വെ​ബ്സൈ​റ്റി​ൽ അ​പൂ​ർ​ണ​മാ​ണ്. 2021 വ​രെ​യു​ള്ള വി​വ​ര​ങ്ങ​ൾ ചെ​റു​പ​ട്ടി​ക​ക​ളാ​യി ഇ​ട​ക്കി​ടെ ചേ​ർ​ക്കു​ന്ന​തൊ​ഴി​ച്ചാ​ൽ മ​റ്റ് സം​സ്ഥാ​ന​ങ്ങ​ളി​ലെ ​മെ​ഡി​ക്ക​ൽ കൗ​ൺ​സി​ൽ വെ​ബ്സൈ​റ്റ് പോ​ലെ ഒ​റ്റ ക്ലി​ക്കി​ൽ ല​ഭ്യ​മാ​കു​ന്ന സം​വി​ധാ​നം സ​ജ്ജീ​ക​രി​ച്ചി​ട്ടി​ല്ല. ഇ​തി​നാ​ൽ വ്യാ​ജ ഡോ​ക്ട​ർ​മാ​രു​ടെ മെ​ഡി​ക്ക​ൽ കൗ​ൺ​സി​ൽ ര​ജി​സ്​​​ട്രേ​ഷ​ൻ ന​മ്പ​ർ കി​ട്ടി​യാ​ലും ല​ക്ഷ​ത്തോ​ള​മു​ള്ള ലി​സ്റ്റി​ൽ​നി​ന്ന് തി​ര​​ഞ്ഞു​പി​ടി​ക്കു​ന്ന​ത് തി​രി​ച്ച​ടി​യാ​വു​ക​യാ​ണെ​ന്ന് വ്യാ​ജ ഡോ​ക്ട​ർ​മാ​രെ നി​യ​മ​ത്തി​ന് മു​ന്നി​ൽ കൊ​ണ്ടു​വ​രാ​ൻ കാ​മ്പ​യി​ൻ തു​ട​രു​ന്ന ജ​​ന​​റ​​ൽ പ്രാ​​ക്ടീ​​ഷ​​നേ​​ഴ്സ് അ​​സോ​​സി​​യേ​​ഷ​​ൻ (ജി.​​പി.​​എ) ഭാ​ര​വാ​ഹി​ക​ൾ ആ​രോ​പി​ക്കു​ന്നു. കേ​ര​ള മെ​ഡി​ക്ക​ൽ കൗ​ൺ​സി​ൽ കാ​ലാ​കാ​ല​ങ്ങ​ളി​ൽ ര​ജി​സ്ട്രേ​ഷ​ൻ വി​വ​ര​ങ്ങ​ൾ കൈ​മാ​റു​ന്ന​തി​ൽ വീ​ഴ്ച വ​രു​ത്തു​ന്ന​താ​യാ​ണ് ആ​രോ​പ​ണം.

സം​സ്ഥാ​ന​ത്ത് ചി​കി​ത്സ ന​ട​ത്താ​ൻ കേ​ര​ള സ്റ്റേ​റ്റ് മെ​ഡി​ക്ക​ൽ കൗ​ൺ​സി​ലി​ന്റെ ര​ജി​സ്ട്രേ​ഷ​ൻ ആ​വ​ശ്യ​മാ​ണെ​ന്നി​രി​ക്കേ പ​ല ചി​കി​ത്സ​ക​രും വ്യാ​ജ ര​ജി​സ്ട്രേ​ഷ​ൻ ന​മ്പ​ർ പ്ര​സി​ദ്ധ​പ്പെ​ടു​ത്തി​യാ​ണ് ചി​കി​ത്സ തു​ട​രു​ന്ന​ത്. അ​തേ​സ​മ​യം, ത​മി​ഴ്നാ​ട് ഉ​ൾ​പ്പെ​ടെ മ​റ്റ് സം​സ്ഥാ​ന​ങ്ങ​ളി​ലെ മെ​ഡി​ക്ക​ൽ കൗ​ൺ​സി​ലു​ക​ൾ ചെ​യ്യു​ന്ന​ത്പോ​ലെ ഡോ​ക്ട​ർ​മാ​രു​ടെ വി​വ​രം ക്രോ​ഡീ​ക​രി​ച്ച് വെ​ബ്സൈ​റ്റി​ൽ സെ​ർ​ച്ച് ബ​ട്ട​ൺ സ​ജ്ജീ​ക​രി​ച്ചാ​ൽ പൊ​തു​ജ​ന​ങ്ങ​ൾ​ക്കും ഡോ​ക്ട​ർ​മാ​രു​ടെ വി​ശ്വാ​സ്യ​ത പ​രി​ശോ​ധി​ക്കാ​നാ​കും. പൂ​ർ​ണ​മാ​യ​തും തു​ട​ർ​ച്ച ഉ​ള്ള​തു​മാ​യ ശേ​ഖ​രം ഇ​ല്ലാ​ത്ത​തി​നാ​ലു​ള്ള അ​വ്യ​ക്ത​ത വ്യാ​ജ ഡോ​ക്ട​ർ​മാ​രെ ക​ണ്ടെ​ത്താ​ൻ ത​ട​സ്സ​മാ​കു​ന്നു​ണ്ട്.

നി​ർ​ബ​ന്ധി​ത ഹൗ​സ് സ​ർ​ജ​ൻ​സി​ക്ക് ശേ​ഷം കേ​ര​ള മെ​ഡി​ക്ക​ൽ കൗ​ൺ​സി​ൽ സ്ഥി​ര ര​ജി​സ്ട്രേ​ഷ​ൻ കി​ട്ടു​ന്ന​തും വൈ​കി​യാ​ണ്. വി​ദേ​ശ സ​ർ​വ​ക​ലാ​ശാ​ല​ക​ളി​ൽ മെ​ഡി​ക്ക​ൽ പ​ഠ​നം ക​ഴി​ഞ്ഞെ​ത്തു​ന്ന​വ​ർ​ക്ക് ഒ​മ്പ​ത് മു​ത​ൽ 15 മാ​സം വ​രെ വൈ​കു​ന്നു​ണ്ട്. കാ​ല​താ​മ​സം കാ​ര​ണം പ​ല​രും അ​ന​ധി​കൃ​ത​മാ​യി ചി​കി​ത്സ തു​ട​രു​ന്നു​മു​ണ്ട്. വ്യാ​ജ ചി​കി​ത്സ ന​ട​ത്തു​ന്ന​വ​രെ​കു​റി​ച്ച് കേ​ര​ള മെ​ഡി​ക്ക​ൽ കൗ​ൺ​സി​ലി​ൽ പ​രാ​തി​പ്പെ​ട്ടാ​ലും ന​ട​പ​ടി​ക്ക് കാ​ല​താ​മ​സം വ​രു​ന്നു​​ണ്ടെ​ന്നാ​ണ് ആ​ക്ഷേ​പം.