അടച്ചിട്ടാലും ഈ സേവനങ്ങൾ ലഭിക്കും

തിരുവനന്തപുരം: കോവിഡ് -19 വ്യാപിക്കുന്നത്​ തടയാൻ ലോക് ഡൗൺ പ്രഖ്യാപിച്ച സാഹചര്യത്തിൽ അവശ്യസേവനങ്ങൾ ലഭിക്കുമെന്ന്​ സംസ്ഥാന സർക്കാർ അറിയിച്ചു.​

ലോക്​ ഡൗണിൽനിന്ന്​ നിയന്ത്രണവിധേയമായി ഇളവ്​ അനുവദിച്ചവ:

• പലചരക്ക് സാധനങ്ങൾ, പാനീയങ്ങൾ, ഫലങ്ങൾ, പച്ചക്കറി, കുടിവെള്ളം, ഭക്ഷ്യസംസ്‌കരണ ശാലകൾ
• പെട്രോൾ, സി.എൻ.ജി, ഡീസൽ പമ്പുകൾ
• പാൽ സംസ്‌കരണകേന്ദ്രങ്ങൾ, ഡെയറി യൂനിറ്റുകൾ
• ഗാർഹിക - വാണിജ്യ എൽ.പി.ജി വിതരണം
• മെഡിക്കൽ സ്‌റ്റോറുകൾ വഴിയുള്ള മരുന്നുകളും മറ്റ്​ ഫാർമസ്യൂട്ടിക്കൽ ഉൽപന്നങ്ങളും, ആരോഗ്യസേവനം, മെഡിക്കൽ ആരോഗ്യ ഉപകരണങ്ങളുടെ ഉൽപാദനം
• ടെലികോം കമ്പനികളും അവരുടെ ഏജൻസികളും, ബാങ്കുകളും എ.ടി.എമ്മുകളും
• നെല്ല്, ഗോതമ്പ്, അരി എന്നിവയുടെ കയറ്റിറക്ക്, മെതിയന്ത്രത്തി​​​​​െൻറ ഉപയോഗം
• ഭക്ഷ്യധാന്യങ്ങൾ സൂക്ഷിക്കാൻ ആവശ്യമായ വസ്തുക്കളുടെയും മറ്റ്​ സേവനങ്ങളുടെയും നീക്കം
• ജില്ല മജിസ്‌ട്രേറ്റുമാർ നിശ്ചയിക്കുന്ന മറ്റ്​ അവശ്യസാധനങ്ങൾ
• കാലിത്തീറ്റ വിതരണം, ഐ.ടി, നെറ്റ്‌വർക്കിങ്​, യു.പി.എസ് ഉൾപ്പെടെ ഐ.ടി അനുബന്ധ സേവനങ്ങൾ
• അടിസ്ഥാന സൗകര്യങ്ങളുടെ അറ്റകുറ്റപ്പണികളിൽ ഏർപ്പെട്ടിരിക്കുന്ന ഐ.ടി വകുപ്പ് നിർദേശിച്ചിട്ടുള്ള ഐ.ടി കമ്പനികൾ
• ഭക്ഷ്യ ഉൽപന്നങ്ങൾ ഉൾപ്പെടെ വസ്തുക്കളുടെ ഹോം ഡെലിവറി നടത്തുന്ന സംവിധാനങ്ങൾ