മദ്യശാലകൾ തുറന്നു; പലയിടങ്ങളിലും നീണ്ട ക്യൂ

തിരുവനന്തപുരം: രണ്ട്​ മാസത്തോളമായി അടഞ്ഞുകിടന്ന സംസ്ഥാന​െത്ത മദ്യശാലകൾ തുറന്നു. വ്യാഴാഴ്​ച രാവിലെ മദ്യശാലകൾ തുറക്കുന്നതിന്​ മുമ്പുതന്നെ പലയിടങ്ങളിലും നീണ്ട നിരയാണ്​ പ്രകടമായത്​. മിക്കയിടത്തും സാമൂഹിക അകലം പാലിച്ചില്ല.

ബെവ്​ക്യു ആപ്​ വഴി മദ്യവിതരണം നടത്തുന്നതിലെ പ്രായോഗിക ബുദ്ധിമുട്ട്​ പരിഗണിച്ച്​ നേരിട്ടുള്ള വിൽപനയാണ്​ ആരംഭിച്ചത്​. തിരക്കൊഴിവാക്കാനായി ​പലയിടങ്ങളിലും പൊലീസിനെയും നിയോഗിച്ചിരുന്നു. രാവിലെ ഒമ്പതുമുതൽ രാത്രി ഏഴുവരെയാണ്​ പ്രവർത്തനസമയം. ബാറുകളിലും പാർസൽ മാത്രമാണ്​ അനുവദിച്ചിട്ടുള്ളത്​. അതേസമയം ചില ബാറുകളിൽ വിലകൂടിയ മദ്യങ്ങൾ മാത്രമേ വിൽക്കുന്നുള്ളൂവെന്ന പരാതിയും ഉയർന്നു​.

ടി.പി.ആർ നിരക്ക്​ ഇരുപതിൽ താഴെയുള്ള ഇടങ്ങളിലെ ബിവറേജസ്​ ഒൗട്ട്​ലെറ്റുകളും ബാറുകളുമാണ്​ തുറന്നത്​. 90 ശതമാനം ബെവ്​കോ ഒൗട്ട്​ലെറ്റുകളും തുറന്നതായി അധികൃതർ അറിയിച്ചു.

കഴിഞ്ഞ ഏപ്രിൽ 26 നാണ്​ സംസ്ഥാനത്തെ ബാറുകൾ അടച്ചുപൂട്ടിയത്​. ഇതുമൂലം 1700 കോടിയുടെ നഷ്​ടം സംഭവിച്ചതായാണ്​ ബിവറേജസ്​ കോർപ​േറഷ​െൻറ കണക്ക്​.