മദ്യം @ ഐ.ടി പാർക്ക്; നിർദേശത്തിന് നിയമസഭ സബ്ജക്ട് കമ്മിറ്റി അംഗീകാരം

തി​രു​വ​ന​ന്ത​പു​രം: ഡ്രൈ ​ഡേ പി​ൻ​വ​ലി​ക്കാ​നു​ള്ള നീ​ക്കം സ​ജീ​വ​മാ​യി മു​ന്നോ​ട്ടു​പോ​ക​വെ നി​കു​തി വ​ർ​ധ​ന ല​ക്ഷ്യ​മി​ട്ട് ഐ.​ടി പാ​ർ​ക്കു​ക​ളി​ലും മ​ദ്യ​മൊ​ഴു​ക്കാ​ൻ ന​ട​പ​ടി​ക​ളു​മാ​യി സ​ർ​ക്കാ​ർ മു​ന്നോ​ട്ട്. പ്ര​തി​പ​ക്ഷ എ​തി​ര്‍പ്പ് അ​വ​ഗ​ണി​ച്ച് ഐ.​ടി പാ​ര്‍ക്കു​ക​ളി​ല്‍ മ​ദ്യ​ശാ​ല അ​നു​വ​ദി​ക്കാ​നു​ള്ള നി​ര്‍ദേ​ശ​ങ്ങ​ള്‍ക്ക് നി​യ​മ​സ​ഭ സ​ബ്ജ​ക്ട് ക​മ്മി​റ്റി അം​ഗീ​കാ​രം ന​ൽ​കി. വ​ള​ഞ്ഞ​വ​ഴി​ക്ക് ഐ.​ടി പാ​ർ​ക്കു​ക​ളി​ൽ മ​ദ്യം വി​ൽ​ക്കാ​ൻ ബാ​റു​ട​മ​ക​ൾ​ക്കും അ​വ​സ​രം കി​ട്ടു​ന്ന രീ​തി​യി​ലാ​ണ് ച​ട്ട​ഭേ​ദ​ഗ​തി. തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ട​ത്തി​ന് ശേ​ഷം തു​ട​ര്‍ ന​ട​പ​ടി​യു​ണ്ടാ​കും.

ഐ.​ടി പാ​ര്‍ക്കു​ക​ളി​ല്‍ മ​ദ്യ വി​ൽ​പ​ന​ക്ക് ഒ​ന്നാം പി​ണ​റാ​യി സ​ര്‍ക്കാ​റി​ന്‍റെ കാ​ല​ത്താ​ണ് ന​യ​പ​ര​മാ​യ തീ​രു​മാ​ന​മെ​ടു​ത്ത​ത്. വി​ദേ​ശ ക​മ്പ​നി​ക​ളെ പ്രോ​ത്സാ​ഹി​പ്പി​ക്കാ​നാ​ണ് നീ​ക്ക​മെ​ന്നാ​യി​രു​ന്നു പ്ര​തി​പ​ക്ഷ ആ​രോ​പ​ണം. എ​ന്നാ​ൽ, വി​വാ​ദ​ങ്ങ​ളി​ൽ കു​ലു​ങ്ങാ​തെ ന​ട​പ​ടി​ക​ളു​മാ​യി സ​ര്‍ക്കാ​ര്‍ മു​ന്നോ​ട്ടു​പോ​യി. ര​ണ്ടാം പി​ണ​റാ​യി സ​ര്‍ക്കാ​റി​ന്‍റെ കാ​ല​ത്ത് ച​ട്ട​ഭേ​ദ​ഗ​തി നി​യ​മ​സ​ഭ​യി​ല്‍ അ​വ​ത​രി​പ്പി​ച്ചു. ഇ​തി​നാ​ണ്​ ഇ​പ്പോ​ള്‍ സ​ബ്ജ​ക്ട് ക​മ്മി​റ്റി​യു​ടെ അം​ഗീ​കാ​രം ല​ഭി​ച്ച​ത്.

ലൈ​സ​ൻ​സ് ന​ൽ​കു​ന്ന​തി​ന് ചി​ല പു​തി​യ നി​ർ​ദേ​ശ​ങ്ങ​ൾ ക​മ്മി​റ്റി മു​ന്നോ​ട്ടു​വെ​ച്ചി​ട്ടു​ണ്ട്. ഐ.​ടി പാ​ർ​ക്കു​ക​ളി​ൽ മ​ദ്യം വി​ത​ര​ണം ചെ​യ്യാ​ൻ എ​ഫ്.​എ​ൽ 4 സി ​എ​ന്ന പേ​രി​ൽ പു​തി​യ ലൈ​സ​ൻ​സാ​ണ് ന​ൽ​കു​ക. മ​ദ്യ​വി​ൽ​പ​ന​യു​ടെ ചു​മ​ത​ല ഐ.​ടി പാ​ര്‍ക്ക് അ​ധി​കൃ​ത​ര്‍ക്ക് മാ​ത്രം ന​ല്‍ക​ണ​മെ​ന്നാ​യി​രു​ന്നു എ​ക്‌​സൈ​സ് ക​മീ​ഷ​ണ​റു​ടെ ആ​ദ്യ ശി​പാ​ര്‍ശ. പാ​ര്‍ക്കി​ന്‍റെ ന​ട​ത്തി​പ്പു​കാ​രാ​യ പ്ര​മോ​ട്ട​ര്‍മാ​ര്‍ക്കാ​ണ് ലൈ​സ​ന്‍സ് അ​നു​വ​ദി​ക്കു​ക. പ്ര​മോ​ട്ട​ര്‍ക്ക് ആ​വ​ശ്യ​മെ​ങ്കി​ല്‍ പ​രി​ച​യ​മു​ള്ള പു​റ​ത്തു​ള്ള​വ​ര്‍ക്കും ന​ല്‍കാ​മെ​ന്നാ​ണ് ഭേ​ദ​ഗ​തി.

ഇ​ത്​ നി​ല​വി​ലെ ബാ​ര്‍ ലൈ​സ​ന്‍സി​ക​ളി​ലേ​ക്ക് എ​ത്തി​ച്ചേ​ക്കു​മെ​ന്ന് ക​മ്മി​റ്റി​യി​ലെ പ്ര​തി​പ​ക്ഷ അം​ഗ​ങ്ങ​ളാ​യ തി​രു​വ​ഞ്ചൂ​ർ രാ​ധാ​കൃ​ഷ്ണ​നും കെ. ​ബാ​ബു​വും ആ​രോ​പി​ച്ചു. ലൈ​സ​ൻ​സ് ഫീ​സ് 20 ല​ക്ഷം ഈ​ടാ​ക്കാ​നാ​ണ് ആ​ലോ​ച​ന. അ​പേ​ക്ഷ വ​രു​ന്ന മു​റ​ക്ക് ലൈ​സ​ൻ​സ് അ​നു​വ​ദി​ക്കാ​നാ​ണ് തീ​രു​മാ​നം. പ​ഞ്ച​ന​ക്ഷ​ത്ര ഹോ​ട്ട​ലു​ക​ളി​ല്‍ ക​ള്ള് വി​ല്‍ക്കാ​നും റ​സ്‌​റ്റ​റ​ന്‍റു​ക​ളി​ല്‍ വൈ​ന്‍ വി​ല്‍ക്കാ​നു​മൊ​ക്കെ അ​നു​മ​തി ന​ല്‍കാ​ന്‍ സ​ര്‍ക്കാ​ര്‍ ആ​ലോ​ചി​ക്കു​ന്നു​ണ്ട്. മ​ദ്യം ഒ​ഴു​ക്കാ​നു​ള്ള നീ​ക്ക​ത്തി​ൽ വി​യോ​ജ​ന​ക്കു​റി​പ്പ് ന​ൽ​കു​മെ​ന്നും നി​യ​മ​സ​ഭ​യി​ൽ വി​ഷ​യം ഉ​ന്ന​യി​ക്കു​മെ​ന്നും തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ പ​റ​ഞ്ഞു.

ദൂ​ര​പ​രി​ധി ബാ​ധ​ക​മ​ല്ല

● സ​ർ​ക്കാ​ർ ഉ​ട​മ​സ്ഥ​ത​യി​ലോ നി​യ​ന്ത്ര​ണ​ത്തി​ലോ ഉ​ള്ള ഐ.​ടി പാ​ർ​ക്കു​ക​ളി​ൽ പ്ര​ത്യേ​ക​സ്ഥ​ല​ത്ത് സ്ഥാ​പി​ക്കു​ന്ന വി​നോ​ദ​കേ​ന്ദ്ര​ത്തി​ൽ മ​ദ്യ​ശാ​ല സ്ഥാ​പി​ക്കാം.

● ബാ​റു​ക​ളു​ടെ പ്ര​വ​ർ​ത്ത​ന​സ​മ​യ​മാ​യ രാ​വി​ലെ 11 മു​ത​ൽ രാ​ത്രി 11 വ​രെ പ്ര​വ​ർ​ത്തി​ക്കാം.

● ക്ല​ബ് മാ​തൃ​ക​യി​ലാ​കും പ്ര​വ​ർ​ത്തി​ക്കു​ക. ബി​യ​റും വൈ​നും വി​ദേ​ശ​മ​ദ്യ​വും വി​ള​മ്പാം.

● വി​ദേ​ശ​മ​ദ്യ ചി​ല്ല​റ​വി​ൽ​പ​ന ശാ​ല​ക​ൾ​ക്കും ബാ​റു​ക​ൾ​ക്കും നി​ശ്ച​യി​ച്ചി​ട്ടു​ള്ള ദൂ​ര​പ​രി​ധി ബാ​ധ​ക​മ​ല്ല.

● ജോ​ലി സ​മ​യ​ത്ത് ജീ​വ​ന​ക്കാ​ർ മ​ദ്യ​പി​ക്കു​ന്ന​ത് അ​ട​ക്കം കാ​ര്യ​ങ്ങ​ളി​ൽ ബ​ന്ധ​പ്പെ​ട്ട ക​മ്പ​നി​യാ​ണ് തീ​രു​മാ​നം എ​ടു​ക്കേ​ണ്ട​ത്.

● പു​റ​ത്തു​നി​ന്ന് വ​രു​ന്ന​വ​ർ​ക്ക് മ​ദ്യം വി​ത​ര​ണം ചെ​യ്യി​ല്ല.

● ഐ.​ടി ക​മ്പ​നി​ക​ളു​ടെ അ​തി​ഥി​ക​ളാ​യെ​ത്തു​ന്ന​വ​ർ​ക്ക് മ​ദ്യം ന​ൽ​കാം.