പാലായിൽ എൻ.സി.സി ക്യാമ്പിനിടെ 18 വിദ്യാർഥികൾക്ക് ഇടിമിന്നലേറ്റു

പാലാ: എൻ.സി.സി ക്യാമ്പിനിടെ മിന്നലേറ്റ്​ 18  വിദ്യാർഥികൾക്ക് പരിക്ക്​. പാലാ സ​​െൻറ്​ തോമസ്​ കോളജിൽ നടന്നുവന്ന എൻ.സി.സി ക്യാമ്പിൽ  പങ്കെടുത്ത കാഡറ്റുകൾക്കാണ്​ മിന്നലിൽ  പരിക്കേറ്റത്​. ആരുടെയും പരിക്ക്​ ഗുരുതരമല്ല. വ്യാഴാഴ്ച വൈകീട്ട് അഞ്ചിനാണ് അപകടം. കാഡറ്റുകൾ  കോളജ് കെട്ടിടത്തിനുള്ളിൽ കൂടിനിൽക്കുന്നതിനിടെയാണ്​   മിന്നലുണ്ടായത്. ഇൗ സമയത്ത്​ ​ മഴയുണ്ടായിരുന്നി​ല്ലെന്ന്​  വിദ്യാർഥികൾ പറഞ്ഞു. 

എൻ.സി.സി നേവൽ വിഭാഗത്തി​​െൻറ ക്യാമ്പാണ് നടന്നുവന്നത്. വിവിധ ജില്ലകളിൽനിന്നുള്ള 500ഒാളം  സ്​കൂൾ, കോളജ് വിദ്യാർഥികളാണ് ഉണ്ടായിരുന്നത്​. ഉടൻ  പൊള്ളലേറ്റവരെ പാലാ ജനറൽ ആശുപത്രിയിൽ  എത്തിക്കുകയായിരുന്നു. ഇവരിൽ  ശ്വാസതടസ്സം  ഉൾ​െപ്പടെ അസ്വസ്​ഥതകൾ പ്രകടിപ്പിച്ച നാലുപേരെ പിന്നീട്​  കോട്ടയം മെഡിക്കൽ കോളജ്​ ആശുപത്രിയിൽ പ്രവേശിപ്പിച്ചു. അലൻ  തോമസ്​(16), ആൽബിൻ തോമസ​്(14), ശ്രുതി (18), ജിബിൻ  സെബാസ്​റ്റ്യൻ(14) എന്നിവരെയാണ് കോട്ടയം മെഡിക്കൽ  കോളജ് ആശുപത്രിയിൽ പ്രവേശിപ്പിച്ചത്. 

മനു ജോർജ്(14), മുഹമ്മദ് റഫീഖ്(14), സേവ്യർ  ജോസഫ്(14), ജഫിൻ ജോസഫ്(14), ജയ്സൺ  ജയിംസ(14), ശരത് രാജേന്ദ്രൻ(14), ആകാശ് സുരേഷ്(14),  ആൽബി(14), അരുൺ ചാക്കോ(14), അനന്ദു കുട്ടൻ(14),  വർഗീസ്​(14), നോബി(14), ജസ്​റ്റിൻ(14), ആകർഷ്(14)  എന്നിവരാണ് പൊള്ളലേറ്റ് പാലാ ജനറൽ ആശുപത്രിയിൽ  ചികിത്സയിൽ കഴിയുന്നത്. കഴിഞ്ഞ 18ന്​ ആരംഭിച്ച ക്യാമ്പ്  ശനിയാഴ്ച  സമാപിക്കാനിരി​െക്കയാണ് അപകടം. പരിക്കേറ്റവരെ  കെ.എം. മാണി എം.എൽ.എ പാലാ ജനറൽ ആശുപത്രിയിൽ  സന്ദർശിച്ചു.