ലിഗയുടെ മരണം: രണ്ടുപേർ കുറ്റം സമ്മതിച്ചു

തിരുവനന്തപുരം: വിദേശവനിത ലിഗയുടെ കൊലപാതകവുമായി ബന്ധപ്പെട്ട്​ പൊലീസ്​ കസ്​റ്റഡിയിലുളള രണ്ട്​ പേർ കുറ്റം സമ്മതിച്ചതായി സൂചന. ഇവരുടെ അറസ്​റ്റ്​ ഉടൻ ഉണ്ടായേക്കും. നിലവിൽ കൊലപാതകവുമായി ബന്ധപ്പെട്ട്​ പ്രദേശവാസികളായ രണ്ട്​ പേരാണ്​ പൊലീസ്​ കസ്​റ്റഡിയിലുള്ളത്​.

പീഡനശ്രമത്തിനിടെയാണ്​ ലിഗ കൊല്ലപ്പെട്ടതെന്നാണ്​ കസ്​റ്റഡിയിലുള്ള ഒരാളുടെ മൊഴി. ഇതിന്​ വിരുദ്ധമായ മൊഴിയാണ്​ രണ്ടാമൻ നൽകിയിരിക്കുന്നത്​. ലീഗയുടെ പണം തട്ടിയെടുക്കാനുള്ള ശ്രമത്തിനിടെയാണ്​ കൊലപാതകമെന്ന മൊഴി രണ്ടാമൻ നൽകിയതായാണ്​ സൂചന.

മൊഴികളിലെ വൈരുധ്യം പൊലീസ്​ പരിശോധിക്കുന്നുണ്ട്​. ലിഗയുടെ ആന്തരികാവയങ്ങളുടെ ശാസ്​ത്രീയ പരിശോധനഫലം കൂടി പുറത്ത്​ വന്നതിന്​ ശേഷം ​കേസിൽ തുടർനടപടികളിലേക്ക്​ നീങ്ങുമെന്നാണ്​ സൂചന.