ലിഗയുടെ മരണത്തെ രാഷ്​ട്രീയ ആയുധമാക്കരുതെന്ന്​ സഹോദരി

തിരുവനന്തപുരം: കോവളം ബീച്ചിന് സമീപം മരിച്ച നിലയില്‍ കണ്ടെത്തിയ ലത്​വിയൻ സ്വദേശിനി ലിഗയുടെ മരണം രാഷ്​ട്രീയവത്​കരിക്കരുതെന്ന് സഹോദരി ഇലീസ്​. പ്രതിപക്ഷ നേതാവ് രമേശ്​ ചെന്നിത്തലയെ കണ്ടശേഷം മാധ്യമങ്ങളോട് സംസാരിക്കുകയായിരുന്നു ഇലീസ്​. 

‘എന്നെ കാണാന്‍വരുന്ന രാഷ്​ട്രീയക്കാരെല്ലാം എന്തൊക്കെയോ രാഷ്​ട്രീയ മുതലെടുപ്പ്​ ലക്ഷ്യമിടുന്നുണ്ടെന്നാണ​്​ സംസാരത്തില്‍നിന്ന്​ മനസ്സിലാകുന്നത്​. അത്തരത്തില്‍ ഒരു രാഷ്​ട്രീയ ആയുധമായി എ​​െൻറ സഹോദരിയുടെ മരണത്തെ ഉപയോഗിക്കരുത്​. മരിച്ചത് എ​​​െൻറ സഹോദരിയാണ്. അവരെ​െവച്ച് രാഷ്​ട്രീയ മുതലെടുപ്പ് നടത്തുന്നത് കാണുമ്പോള്‍ വിഷമമുണ്ട് - ഇലീസ്​ പറഞ്ഞു.

തന്നെ കാണാനെത്തുന്ന എല്ലാ രാഷ്​ട്രീയക്കാരും കുറ്റം എതിര്‍ പാര്‍ട്ടിക്കാരുടെ തലയില്‍ കെട്ടിവെക്കാനാണ് നോക്കുന്നത്. എല്ലാവരും അങ്ങോട്ടും ഇങ്ങോട്ടും കുറ്റപ്പെടുത്തുകയാണ്. അല്ലാതെ ഫലപ്രദമായി ഒന്നും ചെയ്യുന്നില്ല. പൊലീസി​​​െൻറ ഇതുവരെയുള്ള അന്വേഷണത്തില്‍ താന്‍ സംതൃപ്തയാണ്​. അവരെ സ്വതന്ത്രമായി കേസ്​ അന്വേഷിക്കാന്‍ അനുവദിക്കണം. കേസ് സംബന്ധിച്ച് തനിക്കുള്ള സംശയങ്ങള്‍ രേഖാമൂലം ഐ.ജിക്ക്​ സമർപ്പിച്ചിട്ടുണ്ട്​. കേസിനെക്കുറിച്ചും അന്വേഷണത്തെക്കുറിച്ചും കാര്യങ്ങള്‍ മാധ്യമങ്ങളില്‍നിന്ന്​ അറിയാന്‍ സാധിക്കുന്നുണ്ടെന്നും എല്ലാവരും വലിയ പിന്തുണയാണ് നല്‍കുന്നതെന്നും അവര്‍ പറഞ്ഞു. 

പിന്തുണക്കുന്ന എല്ലാവരോടും നന്ദിയുണ്ട്. ലിഗയുടെ ഭര്‍ത്താവ് ആന്‍ഡ്രൂസ്​ ഇപ്പോഴും കോവളം ബീച്ചിലും പരിസരങ്ങളിലുംനിന്ന്​ എന്തെങ്കിലും സൂചന ലഭിക്കുമോയെന്ന അന്വേഷണത്തിലാണ്​. കേസില്‍ എന്തെങ്കിലും തുമ്പ് കിട്ടിയില്ലെങ്കില്‍ കാര്യങ്ങള്‍ ഇനിയും വഷളാവുകയേ ഉള്ളൂ. എന്തായാലും ലിഗയുടെ പോസ്​റ്റ്​മോര്‍ട്ടം റിപ്പോര്‍ട്ട് കൂടി ലഭിച്ചശേഷമേ നാട്ടിലേക്ക് തിരിച്ചുപോകുന്നതടക്കം മുന്നോട്ടുള്ള കാര്യങ്ങള്‍ തീരുമാനിക്കുകയുള്ളൂയെന്നും ഇലീസ്​ പറഞ്ഞു.
 

മുഖ്യമന്ത്രി സ്വീകരിച്ചത് നിരുത്തരവാദ സമീപനം -ചെന്നിത്തല
വിദേശ വനിത ലിഗയെ കാണാതായ സംഭവത്തില്‍ മുഖ്യമന്ത്രി നിരുത്തരവാദപരമായ സമീപനമാണ് സ്വീകരിച്ചതെന്ന് പ്രതിപക്ഷനേതാവ് രമേശ് ചെന്നിത്തല. ലിഗയുടെ സഹോദരി ഇലീസയെ സന്ദര്‍ശിച്ചശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. വിദേശ വിനോദസഞ്ചാരികളുടെ സുരക്ഷിതത്വം ഉറപ്പുവരുത്തേണ്ടത് സര്‍ക്കാറി​​​െൻറയും പൊലീസി​​​െൻറയും കടമയാണ്. പരാതി ലഭിച്ചയുടന്‍ കാര്യക്ഷമമായി അന്വേഷിച്ചിരുന്നെങ്കില്‍ ലിഗയുടെ ജീവന്‍ രക്ഷിക്കാമായിരുന്നു. എന്താണ് സംഭവിച്ചതെന്ന് വിശദമായി അന്വേഷിക്കണം.

മുഴുവന്‍ കുറ്റവാളിക​െളയും പുറത്തുകൊണ്ടുവരണം. ഇത് കേരളത്തി​​​െൻറ ഒരു കറുത്ത അധ്യായമാണ്. കഴിഞ്ഞ ദിവസം മുഖ്യമന്ത്രി പറഞ്ഞത് ബന്ധുക്കള്‍ തന്നെക്കാണാന്‍ സമയം ചോദിച്ചില്ല എന്നാണ്. ഇത് തികച്ചും തെറ്റാണ്. മുഖ്യമന്ത്രിയുടെ ഓഫിസുമായി ഇവര്‍ നിരന്തരം ബന്ധപ്പെട്ടു എന്നിരുന്നെന്ന് രേഖകള്‍ പരിശോധിച്ചാല്‍ ബോധ്യമാകുമെന്നും അദ്ദേഹം പറഞ്ഞു.