വധഭീഷണി ഗൗരവമായെടുക്കുന്നു, പിന്നിൽ സി.പി.എം -കെ.എം. ഷാജി

കോഴിക്കോട്​: തനിക്കെതിരായ വധഭീഷണിക്ക്​ പിന്നിൽ സി.പി.എം ​പ്രവർത്തകരാണെന്നും ഗൗരവമായെടുക്കുന്നതായും കെ.എം. ഷാജി എം.എൽ.എ പറഞ്ഞു. വധഭീഷണിയുണ്ടായപ്പോൾ നിയമപരമായി ഡി.ജി.പിയെ അറിയിച്ചതാണ്​​. പൊലീസ്​ സംരക്ഷണം ആവശ്യപ്പെട് ടിട്ടില്ല. ഇൻറനെറ്റ്​ കോളുകളും മൊബൈൽ വഴിയുമുള്ള ഭീഷണിയുണ്ട്​.

ഫേസ്​ബുക്കിലെ ഭീഷണികളെല്ലാം സി.പി.എം പ്രവർത്തകരിൽനിന്നാണ്​. ഇങ്ങനെ ഭീഷണിപ്പെടുത്തിയിട്ടാണ്​ ഷുഹൈബിനെയും ടി.പി. ചന്ദ്രശേഖരനെയുമെല്ലാം പിന്നീട്​ ​െകാന്നതെന്ന്​ ഷാജി പറഞ്ഞു.

വധഭീഷണിയുണ്ടെന്ന്​ കാണിച്ച് ​കെ.എം. ഷാജി കഴിഞ്ഞദിവസമാണ്​ ഡി.ജി.പിക്ക്​ പരാതി നൽകിയത്​. സോഷ്യൽ മീഡിയ വഴിയും ഫോണിലൂടെയും ഭീഷണിയുണ്ട്​. സതീഷ്​ ഡോണ എന്ന എടപ്പാൾ സ്വദേശി ഫേസ്​ബുക്ക്​ കമൻറിലൂടെ ഭീഷണിപ്പെടുത്തിയെന്ന്​ എം.എൽ.എ പരാതിയിൽ പറയുന്നു.

കഴിഞ്ഞ ദിവസം ഇ-മെയിൽ വഴിയാണ്​ ഷാജി പരാതി അയച്ചത്​. ​േചവായൂർ സി.ഐ ശ്രീജിത്തും സംഘവും മാലൂർകുന്ന്​ എ.ആർ ക്യാംപിന്​ സമീപമുള്ള ഷാജിയുടെ വീട്ടിലെത്തി വിവരങ്ങൾ തേടി. കേസെടുക്കാനുള്ള നിർദേശം ​െപാലീസിന്​ കിട്ടിയിട്ടില്ല. ‘ഷാജി എന്ന മൂരിയെ അറക്കാൻ സമയമായി, അറക്കും ഞങ്ങൾ’ എന്നാണ്​ സി.പി.എംകാരനായ സതീഷ്​ ഡോണ ഫേസ്​ബുക്കിൽ കമൻറിട്ടത്​.