ലൈ​ഫ് മി​ഷ​ൻ: ശിവശങ്കറും സ്വപ്​നയും 30 കോടി തട്ടി

തൃ​ശൂ​ർ: ലൈ​ഫ് മി​ഷ​ൻ ക്ര​മ​ക്കേ​ടി​ൽ കൂ​ടു​ത​ൽ ആ​രോ​പ​ണ​ങ്ങ​ളു​മാ​യി അ​നി​ൽ അ​ക്ക​ര എം.​എ​ൽ.​എ. ലൈ​ഫ് മി​ഷ​ൻ ഇ​ട​പാ​ടു​മാ​യി ബ​ന്ധ​പ്പെ​ട്ട് എ​ൻ​ഫോ​ഴ്​​സ്മെൻറ്​ ഡ​യ​റ​ക്​​ട​റേ​റ്റി​ന് കൂ​ടു​ത​ൽ തെ​ളി​വു​ക​ൾ ല​ഭി​ച്ച​താ​യും ക​ണ്ടെ​ത്ത​ലു​ക​ൾ അ​ട്ടി​മ​റി​ക്കാ​നാ​ണ് നി​യ​മ​സ​ഭ എ​ത്തി​ക്​​സ് ക​മ്മി​റ്റി​യു​ടെ ശ്ര​മ​മെ​ന്നും എം.​എ​ൽ.​എ ആ​രോ​പി​ച്ചു.

ന​ഗ​ര-​ഗ്രാ​മീ​ണ മേ​ഖ​ല​ക​ളി​ലെ പാ​ർ​പ്പി​ട പ​ദ്ധ​തി​ക്കാ​യി സ​ർ​ക്കാ​ർ വി​ഭാ​വ​നം െച​യ്​​ത പ​ദ്ധ​തി അ​ട്ടി​മ​റി​ക്കാ​നാ​യി പ്രീ ​ഫാ​ബ് ടെ​ക്നോ​ള​ജി കൊ​ണ്ടു​വ​ന്ന​ത് ശി​വ​ശ​ങ്ക​റാ​ണ്.

2019 ജൂ​ലൈ 11നും ​അ​ഞ്ചി​നു​മാ​ണ് ഉ​ത്ത​ര​വി​റ​ക്കി​യ​ത്. 500 കോ​ടി​യു​ടെ അ​നു​മ​തി​യും ന​ൽ​കി. സി.​പി.​ഡ​ബ്ല്യു.​ഡി​യു​ടെ സാ​ങ്കേ​തി​ക അ​നു​മ​തി​യി​ല്ലാ​തെ ര​ണ്ട് ക​മ്പ​നി​ക​ളെ മു​ന്നി​ൽ​ക്ക​ണ്ട് പ്ര​ത്യേ​ക ടെ​ൻ​ഡ​ർ ന​ട​ത്തി​യ​ത് യു.​വി. ജോ​സി​െൻറ മേ​ൽ​നോ​ട്ട​ത്തി​ലാ​ണ്. ഇ​തി​നാ​യി സ​ർ​ക്കാ​ർ ഉ​ത്ത​ര​വ് ഭേ​ദ​ഗ​തി വേ​ണ​മെ​ന്നി​രി​ക്കെ അ​തു​ണ്ടാ​യി​ല്ല.

ൈഹ​ദ​രാ​ബാ​ദി​ലെ പെ​ന്നാ​ർ ഇ​ൻ​ഡ​സ്ട്രീ​സ്, അ​ഹ​മ്മ​ദാ​ബാ​ദി​ലെ മി​സ്​​തു​ബി​ഷി ഇ​ൻ​ഡ​സ്ട്രീ​സ് എ​ന്നി​വ​ക്കാ​ണ് ക​രാ​ർ ഉ​റ​പ്പി​ച്ച​ത്. ഇ​തി​നാ​യി ക​മ്പ​നി​ക​ളി​ൽ​നി​ന്ന് 20 ശ​ത​മാ​നം ക​മീ​ഷ​നാ​ണ് ധാ​ര​ണ​യാ​യ​ത്. 100 കോ​ടി ക​മീ​ഷ​നി​ൽ ആ​ദ്യ ഗ​ഡു​വാ​യി 30 കോ​ടി വി​ദേ​ശ​ത്ത് ശി​വ​ശ​ങ്ക​റി​നും സ്വ​പ്​​ന​ക്കും കൈ​മാ​റി​യ​താ​യും ഇ​തി​െൻറ തെ​ളി​വ്​ അ​ന്വേ​ഷ​ണ ഏ​ജ​ൻ​സി​യെ ഏ​ൽ​പി​ച്ചെ​ന്നും എം.​എ​ൽ.​എ പ​റ​ഞ്ഞു.

ആദിത്യ നാരായണ റാവു വന്നില്ല

കൊ​ച്ചി: ലൈ​ഫ്​ മി​ഷ​ൻ അ​ഴി​മ​തി​യു​മാ​യി ബ​ന്ധ​പ്പെ​ട്ട്​ വെ​ള്ളി​യാ​ഴ്​​ച എ​ൻ​ഫോ​ഴ്​​സ്​​മെൻറ്​ ഡ​യ​റ​ക്​​ട​റേ​റ്റ്​ (ഇ.​ഡി) ചോ​ദ്യം ചെ​യ്യാ​നി​രു​ന്ന പെ​ന്നാ​ർ ഇ​ൻ​ഡ​സ്​​ട്രീ​സ്​ എം.​ഡി ആ​ദി​ത്യ നാ​രാ​യ​ണ റാ​വു ഹാ​ജ​രാ​യി​ല്ല. കോ​വി​ഡ്​ പ​രി​ശോ​ധ​ന​ഫ​ലം കാ​ത്തി​രി​ക്കു​ന്ന​തി​നാ​ൽ എ​ത്താ​നാ​വി​ല്ലെ​ന്ന്​ അ​റി​യി​ക്കു​ക​യാ​യി​രു​ന്നു.

ഹൈ​ദ​രാ​ബാ​ദ്​ ആ​സ്ഥാ​ന​മാ​യ പെ​ന്നാ​ർ ഇ​ൻ​ഡ​സ്​​ട്രീ​സി​ന്​ ലൈ​ഫ്​ മി​ഷ​ൻ പ​ദ്ധ​തി​യു​ടെ ക​രാ​ർ ന​ൽ​കി​യ​തി​ൽ ശി​വ​ശ​ങ്ക​റി​െൻറ​യും സ്വ​പ്​​നയുടേയും ഇ​ട​പെ​ട​ലു​ണ്ടാ​യെ​ന്നും ക​മീ​ഷ​ൻ നേ​ടാ​ൻ ശ്ര​മ​മു​ണ്ടാ​യെ​ന്നു​മാ​ണ്​ ഇ.​ഡി നി​ഗ​മ​നം. ശി​വ​ശ​ങ്ക​റി​െൻറ സാ​ന്നി​ധ്യ​ത്തി​ൽ ചോ​ദ്യം ചെ​യ്​​ത്​ കൂ​ടു​ത​ൽ വി​വ​ര​ം ശേ​ഖ​രി​ക്കാ​നാ​ണ്​ റാ​വു​വി​നെ വി​ളി​പ്പി​ച്ചത്.

വെ​ള്ളി​യാ​ഴ്​​ച ചോ​ദ്യം ചെ​യ്യാ​നി​രു​ന്ന മു​ഖ്യ​മ​ന്ത്രി​യു​ടെ അ​ഡീ​ഷ​ന​ൽ പ്രൈ​വ​റ്റ്​ സെ​ക്ര​ട്ട​റി സി.​എം. ര​വീ​ന്ദ്ര​ന്​ കോ​വി​ഡ്​ സ്ഥി​രീ​ക​രി​ച്ച​തി​നാ​ൽ ഹാ​ജ​രാ​യി​ല്ല. ഇ​ക്കാ​ര്യം ര​വീ​ന്ദ്ര​ൻ വ്യാ​ഴാ​ഴ്​​ച​ത​ന്നെ അ​റി​യി​ച്ചി​രു​ന്നു. ശി​വ​ശ​ങ്ക​ർ നേ​തൃ​ത്വം ന​ൽ​കി​യ ഇ-​മൊ​ബി​ലി​റ്റി, കെ ​ഫോ​ൺ, സ്​​മാ​ർ​ട്ട്​ സി​റ്റി, ഡൗ​ൺ ടൗ​ൺ പ​ദ്ധ​തി​ക​ളി​ൽ അ​ഴി​മ​തി ന​ട​ന്ന​താ​യി ഇ.​ഡി സം​ശ​യി​ക്കു​ന്നു​ണ്ട്.