മാതാവിനെ ജീവനോടെ കുഴിച്ചുമൂടി കൊന്ന മകന് ജീവപര്യന്തം തടവ്

കൊ​ല്ലം: മാ​താ​വി​നെ ജീ​വ​നോ​ടെ കു​ഴി​ച്ചു​മൂ​ടി കൊ​ല​പ്പെ​ടു​ത്തി​യ കേ​സി​ൽ മ​ക​ന് ജീ​വ​പ​ര്യ​ന്തം ത​ട​വ്. തെ​ളി​വു ന​ശി​പ്പി​ക്കാ​ൻ ശ്ര​മി​ച്ച​തി​ന് ര​ണ്ടാം പ്ര​തി​ക്ക് മൂ​ന്നു​വ​ർ​ഷം ക​ഠി​ന​ത​ട​വും വി​ധി​ച്ചു. പ​ട്ട​ത്താ​നം നീ​തി ന​ഗ​ർ പ്ലാ​മൂ​ട്ടി​ൽ കി​ഴ​ക്ക​തി​ൽ സാ​വി​ത്രി​യ​മ്മ​യെ കൊ​ല​പ്പെ​ടു​ത്തി​യ കേ​സി​ലാ​ണ്​ മ​ക​ൻ സു​നി​ൽ​കു​മാ​റി​നെ​യും കൂ​ട്ടാ​ളി കു​ട്ട​നെ​യും ശി​ക്ഷി​ച്ച​ത്. പ്ര​തി​ക​ൾ 50,000 രൂ​പ വീ​തം പി​ഴ​യൊ​ടു​ക്ക​ണം.

സാ​വി​ത്രി​യ​മ്മ​യും മ​ക​നും ഒ​രു​മി​ച്ചാ​ണ്​ പ​ട്ട​ത്താ​ന​ത്തെ വീ​ട്ടി​ൽ താ​മ​സി​ച്ചി​രു​ന്ന​ത്. സാ​വി​ത്രി​യു​ടെ ഉ​ട​മ​സ്ഥ​ത​യി​ലു​ള്ള അ​പ്സ​ര ജ​ങ്ഷ​നി​ലെ വ​സ്​​തു​വി​ന്‍റെ ഓ​ഹ​രി ആ​വ​ശ്യ​പ്പെ​ട്ട് സു​നി​ൽ നി​ര​ന്ത​രം ശാ​രീ​രി​ക​വും മാ​ന​സി​ക​വു​മാ​യി പീ​ഡി​പ്പി​ച്ചു വ​ന്നി​രു​ന്നു. വീ​ടും വ​സ്​​തു​വും മൂ​ത്ത​മ​ക​ൾ ലാ​ലി​ക്ക് എ​ഴു​തി ന​ൽ​കാ​ൻ തീ​രു​മാ​നി​ച്ച​താ​യി സാ​വി​ത്രി​യ​മ്മ പ​റ​ഞ്ഞ​തി​നെ​തു​ട​ർ​ന്ന്​ 2019 സെ​പ്​​റ്റം​ബ​ർ മൂ​ന്നി​നാ​ണ്​ സു​നി​ൽ ക​ടും​കൈ ചെ​യ്ത​ത്. വൈ​കു​ന്നേ​രം വീ​ടി​ന്‍റെ ഹാ​ൾ മു​റി​യി​ൽ മാ​താ​വി​നെ മ​ർ​ദി​ച്ച് നി​ല​ത്ത് വീ​ഴ്ത്തി​യ ഇ​യാ​ൾ ത​ല​ക്കും മു​ഖ​ത്തും ഗു​രു​ത​ര​മാ​യി പ​രി​ക്കേ​ൽ​പി​ച്ചു.

തു​ട​ർ​ന്ന് സാ​വി​ത്രി ധ​രി​ച്ചി​രു​ന്ന നേ​ര്യ​ത് കൊ​ണ്ട്​ ക​ഴു​ത്തി​ൽ മു​റു​ക്കി. മ​രി​ക്കാ​ത്ത​തി​നെ​തു​ട​ർ​ന്ന് വീ​ടി​ന്‍റെ ഉ​ത്ത​ര​ത്തി​ൽ കെ​ട്ടി​ത്തൂ​ക്കി കൊ​ല​പ്പെ​ടു​ത്താ​നും ശ്ര​മി​ച്ചു. ബോ​ധ​ര​ഹി​ത​യാ​യി കി​ട​ന്ന സാ​വി​ത്രി​യ​മ്മ​യു​ടെ മ​ര​ണം ഉ​റ​പ്പി​ക്കാ​നാ​യി​രു​ന്നു പി​ന്നീ​ടു​ള്ള ശ്ര​മം. ഇ​തി​നാ​യി അ​ടു​ത്ത​ദി​വ​സം പു​ല​ർ​ച്ച​യോ​ടെ സു​ഹൃ​ത്താ​യ കു​ട്ട​നെ വി​ളി​ച്ചു​വ​രു​ത്തി വീ​ട്ടു​വ​ള​പ്പി​ൽ കു​ഴി​കു​ഴി​ച്ചു. സാ​വി​ത്രി​യ​മ്മ​യു​ടെ ശ​രീ​രം കു​ഴി​യി​ലി​ട്ട്​ മൂ​ടു​ക​യാ​യി​രു​ന്നു. അ​മ്മ​യെ കാ​ണാ​നി​ല്ലെ​ന്ന്​ കാ​ട്ടി ലാ​ലി സെ​പ്റ്റം​ബ​ർ 13ന് ​പ​രാ​തി​യെ ന​ൽ​കി​യ​തി​നെ​തു​ട​ർ​ന്നാ​ണ് കേ​സെ​ടു​ത്ത​തും പ്ര​തി​ക​ളെ പി​ടി​കൂ​ടി​യ​തും. പ്രോ​സി​ക്യൂ​ഷ​നു​വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ർ വി. ​വി​നോ​ദ് ഹാ​ജ​രാ​യി.