വയനാട്ടിൽ പുനരധിവാസത്തിന് തെരഞ്ഞെടുത്ത എൽസ്റ്റൻ എസ്റ്റേറ്റിൽ പുള്ളിപുലി

കൽപറ്റ: വയനാട്ടിലെ ചൂരൽമല, മുണ്ടക്കൈ ഉരുൾപൊട്ടലിൽ ഇരായാവരുടെ പുനരധിവാസത്തിന് തെരഞ്ഞെടുത്ത എൽസ്റ്റൺ എസ്റ്റേറ്റിൽ പുള്ളിപുലി. എസ്റ്റേറ്റിന്റെ പുൽപ്പാറ മേഖലയിലാണ് പുലിയുടെ സാന്നിധ്യം സ്ഥിരീകരിച്ചത്. ഇടവേളക്ക് ശേഷം ഇന്നലെ അർധരാത്രിയോടെയാണ് പുലിയെ നാട്ടുകാർ കണ്ടത്. ഈ വിവരം ലഭിച്ചതിനെ തുടർന്ന് വനംവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി.

ഉരുൾപൊട്ടൽ ദുരിതബാധിതർക്കായി സർക്കാർ ടൗൺഷിപ്പ് നിർമിക്കാൻ നിർദേശിച്ച പ്രദേശത്തിന്റെ ഭാഗമാണ് പുൽപ്പാറ. എന്നാൽ എസ്റ്റേറ്റിൽ കാടുവെട്ടാത്തത് വന്യമൃഗ ശല്യം വർധിക്കാൻ കാരണമായതായി നാട്ടുകാർ ആരോപിച്ചു. കാടുവെട്ടാത്തതിനാൽ വന്യമൃഗങ്ങൾ കടന്നുവരും. ഈ മേഖലയിലെ വന്യമൃഗ ശല്യം നിയന്ത്രിക്കാനുള്ള നടപടികൾ ശക്തിപ്പെടുത്തണമെന്ന് ആവശ്യം ഉയർന്നിട്ടുണ്ട്.