സുൽത്താൻ ബത്തേരിയിൽ വീണ്ടും പുലി; ഒരേ സ്ഥലത്ത് പുലി എത്തുന്നത് അഞ്ചാം തവണ

ബത്തേരി (വയനാട്): സുൽത്താൻ ബത്തേരി ന​ഗ​ര​ത്തി​ൽ മൈ​സൂ​ർ റോ​ഡി​ൽ കോ​ട്ട​ക്കു​ന്നി​ൽ വീണ്ടും പുലിയുടെ സാന്നിധ്യം. ഇന്ന് പുലർച്ചെ ഒന്നരയോടെ പുതുശേരിയിൽ പോൾ മാത്യൂസിന്‍റെ വീടിന്‍റെ പരിസരത്താണ് വീണ്ടും പുലി എത്തിയത്. കോഴിക്കൂടിനടുത്ത് പുലി വന്നതിന്‍റെ ദൃശ്യങ്ങൾ സി.സി.ടി.വിയിൽ പതിഞ്ഞിട്ടുണ്ട്.

കഴിഞ്ഞ ഞാ​യ​റാ​ഴ്ചയും ചൊ​വ്വാ​ഴ്ചയും മാത്യൂസിന്‍റെ വീട്ടിൽ പുലി എത്തിയതിന്‍റെ ദൃശ്യങ്ങൾ സി.​സി.​ടി.​വിയിൽ പതിഞ്ഞിരുന്നു. ​ചൊ​വ്വാ​ഴ്ച പുലർച്ചെ മാ​ത്യൂ​സി​ന്റെ കോ​ഴി​ക്കൂ​ട്ടി​ലു​ണ്ടാ​യി​രു​ന്ന നാ​ല് ക​രി​ങ്കോ​ഴി ഉ​ൾ​പ്പെ​ടെ ഒ​മ്പ​ത് കോ​ഴി​ക​ളെ കൊന്നിരുന്നു. പു​ലി കോ​ഴി​ക​ളെ ഭ​ക്ഷി​ച്ച​തി​ന്റെ അ​വ​ശി​ഷ്ട​ങ്ങ​ൾ വീ​ടി​ന്റെ സ​മീ​പ​ത്തു ​നി​ന്ന് ക​ണ്ടെ​ത്തുകയും ചെയ്തു.

അന്ന് വ​നം വ​കു​പ്പ് സ്ഥ​ല​ത്തെ​ത്തി​യെ​ങ്കി​ലും കൂ​ട് വെ​ക്കാ​നു​ള്ള ന​ട​പ​ടി​യെ​ടു​ത്തി​രു​ന്നി​ല്ല. പ​ക​രം കാ​മ​റ സ്ഥാ​പി​ച്ച് പു​ലി​യെ നി​രീ​ക്ഷി​ക്കാ​നു​ള്ള ശ്ര​മ​ങ്ങ​ളാ​ണ് ന​ട​ത്തി​യ​ത്. പോ​ൾ മാ​ത്യൂ​സി​ന്റെ വീ​ടി​നോ​ടു ചേ​ർ​ന്നു​ള്ള കോ​ഴി​ക്കൂ​ടി​ന​ടു​ത്ത് കൂ​ടു​വെ​ച്ചി​രു​ന്നെ​ങ്കി​ൽ ഇ​തി​നോ​ട​കം ​ത​ന്നെ പു​ലി​യെ പി​ടി​കൂ​ടാ​ൻ സാ​ധി​ക്കു​മാ​യി​രു​ന്നു​വെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്.

ര​ണ്ടാ​ഴ്ച​ മു​മ്പ് താ​ലൂ​ക്ക് ആ​ശു​പ​ത്രി സ്ഥി​തി​ ചെ​യ്യു​ന്ന ഫെ​യ​ർ​ലാ​ൻ​ഡ് കോ​ള​നി ഭാ​ഗ​ത്താ​ണ് പു​ലി​യെ ആ​ദ്യ​മാ​യി ക​ണ്ട​ത്. പി​ന്നീ​ട് പു​ലി കോ​ട്ട​ക്കു​ന്ന് ഭാ​ഗ​ത്തേ​ക്ക് നീ​ങ്ങു​ക​യാ​യി​രു​ന്നു. കോ​ട്ട​ക്കു​ന്നി​ന് ഏ​ക​ദേ​ശം ഒ​രു കി​ലോ​മീ​റ്റ​ർ മാ​റി​യാ​ണ് വ​നം. പു​ലി ന​ഗ​ര​ത്തി​ലെ​ത്തി​യ ​ശേ​ഷം തി​രി​ച്ച് ഇ​തു​വ​രെ വ​ന​ത്തി​ലേ​ക്ക് പോ​യി​ട്ടി​ല്ലെ​ന്നാ​ണ് സൂ​ച​ന.