ഓർമയായി ലെനിൻ രാജേന്ദ്രൻ

തിരുവനന്തപുരം: മഴയായും രാത്രിമഴയായും മകരമഞ്ഞായും ഇടവപ്പാതിയായും അഭ്രപാളിയില്‍ വിസ്മയം തീര്‍ത്ത സംവിധായകൻ ലെനിൻ രാജേന്ദ്രൻ ഒാർമയായി. ഭൗതികശരീരം തൈക്കാട്​ ശാന്തികവാടത്തിൽ ഔദ്യോഗിക ബഹുമതികളോടെ സംസ്‌കരിച്ചു. മതചടങ്ങ ്​ ഒഴിവാക്കിയായിരുന്നു സംസ്‌കാരം.

ബുധനാഴ്​ച രാവിലെ യൂനിവേഴ്സിറ്റി കോളജിൽ മൃതദേഹം പൊതുദർശനത്തിന് ​െവച്ചപ്പോൾ സഹപാഠികളും വിദ്യാർഥികളും ചലച്ചിത്ര, സാമൂഹിക, രാഷ്​ട്രീയ രംഗത്തെ പ്രമുഖരും അന്ത്യാഞ്ജലി അർപ്പിച്ചു. ‘ചൈത്രം ചായം ചാലിച്ചു’, ‘പോക്കുവെയിൽ പൊന്നുരുകി പുഴയിൽ വീണു’, ‘ഒരു വട്ടം കൂടി’, ‘ഇരുളിൻ മഹാനിദ്രയിൽ’ തുടങ്ങി ലെനിൻ സിനിമകളിലെ ശ്രദ്ധേയ ഗാനങ്ങൾ പതിഞ്ഞ ശബ്​ദത്തിൽ യൂനിവേഴ്സിറ്റി കോളജിനെ ദുഃഖസാന്ദ്രമാക്കി.

സിനിമാ ജീവിതവുമായി അഭേദ്യബന്ധമുള്ള കലാഭവൻ തിയറ്ററിനു മുൻവശം ലെനി​​​െൻറ സിനിമകളുടെ പേരും രംഗങ്ങളും മുദ്രണം ചെയ്ത ഫ്ലക്​സ്​ ഒരുക്കിയാണ് അന്ത്യയാത്രയെ വരവേറ്റത്. തിയറ്റർ അങ്കണത്തിൽ പ്രത്യേകം തയാറാക്കിയ പന്തലിൽ വെള്ളിത്തിരയിലെ ലെനി​​​െൻറ മുഖവും പാട്ടുകളും തെളിഞ്ഞു. മന്ത്രിമാരും ജനപ്രതിനിധികളും സിനിമാ, സാംസ്‌കാരിക പ്രവർത്തകരും അന്ത്യാഞ്ജലി അർപ്പിക്കാനെത്തി. പിന്നീട് വിലാപയാത്രയായി ശാന്തികവാടത്തിലേക്ക്. മന്ത്രി കടകംപള്ളി സുരേന്ദ്രൻ, ഡെപ്യൂട്ടി സ്പീക്കർ വി. ശശി, എം. വിജയകുമാർ തുടങ്ങിയവർ ശാന്തികവാടത്തിലെത്തി.