ബി.ജെ.പിക്ക്​ അധികം വീണ വോട്ടുകൾ

തി​രു​വ​ന​ന്ത​പു​രം: തെ​ര​ഞ്ഞെ​ടു​പ്പി​ൽ ബി.​ജെ.​പി​യു​ടെ പെ​ട്ടി​യി​ൽ അ​ധി​കം വീ​ണ​ത്​ ആ​രു​ടെ വോ​ട്ടാ​യി​രി​ക്കും? തൃ​ശൂ​ർ വി​ജ​യ​വും 11 നി​യ​മ​സ​ഭ സീ​റ്റു​ക​ളി​ലെ മേ​ൽ​ക്കൈ​യും​ വ​ന്ന​തെ​ങ്ങ​നെ? അ​തൊ​ക്കെ​ യു.​ഡി.​എ​ഫി​ന്‍റെ വോ​ട്ടെ​ന്നാ​ണ്​ ഭ​ര​ണ​പ​ക്ഷ​വും ഇ​ട​തു​മു​ന്ന​ണി​യു​ടേ​താ​ണെ​ന്ന്​ പ്ര​തി​പ​ക്ഷ​വും വാ​ദി​ക്കു​ന്നു. എ​ന്നാ​ൽ, കാ​ൽ​ച്ചു​വ​ട്ടി​ലെ മ​ണ്ണ്​ ഒ​ലി​ച്ചു​പോ​യ​ത്​ ര​ണ്ടു​ കൂ​ട്ട​രും സ​മ്മ​തി​ക്കി​ല്ല. വ്യാ​ഖ്യാ​നി​ക്കാ​വു​ന്ന ക​ണ​ക്കു​ക​ൾ ഇ​രു​കൂ​ട്ട​രു​ടെ​യും കൈ​യി​ലു​ണ്ട്. 2026ലെ ​നി​യ​മ​സ​ഭ തെ​ര​ഞ്ഞെ​ടു​പ്പാ​ണ്​ മു​ന്നി​ൽ.

അ​ധി​കാ​രം നി​ല​നി​ർ​ത്തു​മെ​ന്ന് വാ​ദി​ക്കു​മ്പോ​ൾ, സീ​റ്റെ​ണ്ണം നൂ​റ്​ ക​ട​ന്ന്​ എ​ത്ര വ​രെ പോ​കു​​മെ​ന്ന സം​ശ​യ​മേ​യു​ള്ളൂ​ ഭ​ര​ണ​പ​ക്ഷ​ത്തി​ന്. 2019ൽ 123 ​സീ​റ്റി​ൽ പി​ന്നി​ലാ​യ ശേ​ഷം 2021ൽ 99 ​സീ​റ്റു​മാ​യി തി​രി​ച്ചു​വ​ന്ന​ത്​ അ​വ​ർ ഓ​ർ​മി​പ്പി​ക്കു​ന്നു. ഒ​രു ച​ക്ക വീ​ണ്​ മു​യ​ൽ ച​ത്തെ​ന്ന്​ ക​രു​തി എ​പ്പോ​ഴും മു​യ​ൽ ചാ​കു​മെ​ന്ന്​ പ്ര​തീ​ക്ഷി​ക്കേ​ണ്ടെ​ന്ന്​​ പ്ര​തി​പ​ക്ഷം. സ​ഭ​യി​ൽ ധ​നാ​ഭ്യ​ർ​ഥ​ന​യു​ടെ ആ​ദ്യ​ദി​നം തെ​ര​ഞ്ഞെ​ടു​പ്പ്​ ഫ​ല​ത്തി​ന്‍റെ ഇ​ഴ​കീ​റി പ​രി​ശോ​ധി​ച്ചു. ​​ച​ർ​ച്ച തു​ട​ങ്ങി​വെ​ച്ച സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ന്‍റെ ക​ണ​ക്ക്​ പ്ര​കാ​രം തൃ​ശൂ​രി​ൽ യു.​ഡി.​എ​ഫി​ന്​ 2019ൽ ​ല​ഭി​ച്ച​തി​നെ​ക്കാ​ൾ 86,965 വോ​ട്ട്​ കു​റ​ഞ്ഞു. ഇ​ട​തു മു​ന്ന​ണി​ക്ക്​ 16,226 കൂ​ടി. ഒ​രു ല​ക്ഷ​ത്തി​ലേ​റെ ബി.​ജെ.​പി​ക്ക്​ അ​ധി​കം കി​ട്ടി. യു.​ഡി.​എ​ഫി​ന്‍റെ വോ​ട്ട്​ ബി.​ജെ.​പി​ക്ക്​ മ​റി​ഞ്ഞു. 2019ൽ 123 ​നി​യ​മ​സ​ഭ സീ​റ്റി​ൽ മു​ന്നി​ൽ നി​ന്ന യു.​ഡി.​എ​ഫ്​ ഇ​പ്പോ​ൾ 111ൽ ​ആ​യി. ത​ങ്ങ​ൾ 16ൽ​നി​ന്ന്​ 18 ലേ​ക്കും.

ബി.​ജെ.​പി ഒ​ന്നി​ൽ​നി​ന്ന്​ 11 ലെ​ത്തി. ഇ​ത്​ ഗൗ​ര​വ​മു​ള്ള​താ​ണ്. സി.​പി.​എ​മ്മി​ന്‍റെ ശ​ക്തി​കേ​ന്ദ്ര​മാ​യ ആ​ല​പ്പു​ഴ​യി​ലെ ഇ​ട​ത്​ വോ​ട്ടി​ന്‍റെ ക​ണ​ക്ക്​ നി​ര​ത്തി​യാ​യി​രു​ന്നു ര​മേ​ശ്​ ചെ​ന്നി​ത്ത​ല​യു​ടെ തി​രി​ച്ച​ടി. ആ​രി​ഫി​ന്​ ഇ​ക്കു​റി 1,89,099 കു​റ​ഞ്ഞു. 1,95,000 ത്തി​ലേ​റെ വോ​ട്ടു​ക​ൾ ബി.​ജെ.​പി​ക്ക്​ കൂ​ടി. സി.​പി.​എ​മ്മി​ന്‍റെ ഒ​രു ല​ക്ഷ​ത്തി​ലേ​റെ വോ​ട്ടു​ക​ൾ ബി.​ജെ.​പി​യി​ലേ​ക്ക്​ മ​റി​ഞ്ഞു. കാ​യം​കു​ള​ത്തും ഹ​രി​പ്പാ​ട്ടും മൂ​ന്നാം​സ്ഥാ​ന​ത്ത്. ക​രു​വ​ന്നൂ​രി​ൽ അ​ക​ത്തു​പോ​കാ​തി​രി​ക്കാ​ൻ സി.​പി.​എ​മ്മും ബി.​ജെ.​പി​യും ത​മ്മി​ലെ ധാ​ര​ണ​യു​ടെ ഫ​ല​മാ​ണ്​ ബി.​ജെ.​പി​യു​ടെ വോ​ട്ട്​ വ​ർ​ധ​ന​യെ​ന്നും അ​ദ്ദേ​ഹം പ​റ​ഞ്ഞു.

ഇ​ൻ​ഡ്യ മു​ന്ന​ണി​യി​ലെ ഘ​ട​ക​​ക​ക്ഷി​ക​ളു​ടെ ശ​ക്തി​യി​ലാ​ണ്​ കോ​ൺ​ഗ്ര​സ്​ 100 സീ​റ്റ്​ നേ​ടി​യ​തെ​ന്ന്​​ ഇ​ട​തു​പ​ക്ഷം വി​ശ്വ​സി​ക്കു​ന്നു. ബി.​ജെ.​പി​യു​മാ​യി നേ​രി​ട്ട്​ ഏ​റ്റു​മു​ട്ടി​യ ക​ർ​ണാ​ട​ക​യി​ലും മ​ധ്യ​​പ്ര​ദേ​ശി​ലും ഗു​ജ​റാ​ത്തി​ലും ഹി​മാ​ച​ലി​ലു​മൊ​ന്നും കോ​ൺ​ഗ്ര​സി​ന്​ നേ​ട്ടം കി​ട്ടി​യി​ല്ല. സം​ഘ​ട​നാ​പ​ര​വും ആ​ശ​യ​പ​ര​മ​വു​മാ​യ വ്യ​ക്ത​ത ഉ​ണ്ടാ​യി​രു​ന്നെ​ങ്കി​ൽ ദേ​ശീ​യ​ത​ല​ത്തി​ൽ ചി​ത്രം മാ​റു​മാ​യി​രു​ന്നെ​ന്ന്​ എം.​വി. ഗോ​വി​ന്ദ​ൻ പ​റ​ഞ്ഞു​വെ​ച്ചു.

മു​ഖ്യ​മ​ന്ത്രി​ക്കെ​തി​രെ​യാ​യി​രു​ന്നു പ്ര​തി​പ​ക്ഷ ആ​ക്ര​മ​ണ മു​ന. കോ​ൺ​ഗ്ര​സി​നെ​യും രാ​ഹു​ൽ ഗാ​ന്ധി​യെ​യും സി.​പി.​എം പി​ന്നി​ൽ കു​ത്തി​യെ​ന്നും ഡി.​എ​ൻ.​എ പ​രി​ശോ​ധി​ക്ക​ണ​മെ​ന്ന്​ ഒ​രാ​ൾ ആ​വ​ശ്യ​പ്പെ​ട്ട​പ്പോ​ൾ മു​ഖ്യ​മ​ന്ത്രി പി​ന്തു​ണ​ച്ചെ​ന്നും ചെ​ന്നി​ത്ത​ല കു​റ്റ​പ്പെ​ടു​ത്തി. അ​സാ​ധ്യ​മാ​യ​തി​നെ സാ​ധ്യ​മാ​ക്കി​യ രാ​ഷ്ട്രീ​യ പ്ര​യ​ത്ന​ത്തി​ന്‍റെ പേ​രാ​ണ്​ രാ​ഹു​ൽ ഗാ​ന്ധി​യെ​ന്ന്​ പി.​സി. വി​ഷ്ണു​നാ​ഥ്​ ചൂ​ണ്ടി​ക്കാ​ട്ടി.

ഇ​ട​തി​ല്ലെ​ങ്കി​ൽ ഇ​ന്ത്യ​യി​ല്ലെ​ന്ന ഇ​ട​തു​മു​ന്ന​ണി​യു​ടെ പ്ര​ഖ്യാ​പ​നം അ​റം​പ​റ്റി​യെ​ന്നാ​യി​ പി.​കെ. കു​ഞ്ഞാ​ലി​ക്കു​ട്ടി. ഇ​ൻ​ഡ്യ മു​ന്ന​ണി ന​ന്നാ​യു​ണ്ട്, പ​ക്ഷേ ഇ​ട​തി​​ല്ല. സി.​പി.​എ​മ്മി​ന്‍റെ പൊ​ന്നാ​നി പ​രീ​ക്ഷ​ണ​ത്തെ പ​രി​ഹ​സി​ച്ച കു​ഞ്ഞാ​ലി​ക്കു​ട്ടി, ര​ണ്ട​ര ല​ക്ഷ​മാ​ണ്​ ഭൂ​രി​പ​ക്ഷ​മെ​ന്ന്​ ഓ​ർ​മി​പ്പി​ച്ചു. ഡി.​സി.​സി ഓ​ഫി​സി​ലെ വാ​ട്ട​ർ ടാ​ങ്കി​ലെ ച​ളി​ക്കു​ണ്ടി​ലാ​ണ്​ താ​മ​ര വി​രി​ഞ്ഞ​തെ​ന്ന പ​ക്ഷ​ക്കാ​ര​നാ​ണ്​ പി. ​ബാ​ല​ച​ന്ദ്ര​ൻ. ഇ​ട​തു​പ​ക്ഷം പൂ​ർ​ണ​മാ​യി ത​ക​ർ​ന്നെ​ന്ന്​ ആ​ഹ്ലാ​ദി​ക്കേ​​​ണ്ടെ​ന്ന്​ സെ​ബാ​സ്റ്റ്യ​ൻ കു​ള​ത്തു​ങ്ക​ലും തോ​മ​സ്​ കെ. ​തോ​മ​സും.