കത്ത് വിവാദത്തിൽ കുടുങ്ങി ഇടതു-വലതു മുന്നണികൾ; വി​വാ​ദം അനുകൂലമാക്കാനുള്ള ശ്രമത്തിൽ ബി.ജെ.പി

പാ​ല​ക്കാ​ട്: പാ​ല​ക്കാ​ട് ഉ​പ​തെ​ര​ഞ്ഞെ​ടു​പ്പ് പ്ര​ചാ​ര​ണ പ്ര​വ​ർ​ത്ത​ന​ങ്ങ​ൾ കൊ​ടു​മ്പി​രി​കൊ​ണ്ടി​രി​ക്കെ ക​ത്ത് വി​വാ​ദ​ത്തി​ൽ കു​ടു​ങ്ങി ഇ​ട​തു-​വ​ല​ത് മു​ന്ന​ണി​ക​ൾ. വി​വാ​ദ​ത്തി​ൽ​നി​ന്ന് ത​ല​യൂ​രാ​ന്‍ ര​ണ്ട് മു​ന്ന​ണി​ക​ളും ശ്ര​മി​ക്കു​മ്പോ​ഴും സാ​ഹ​ച​ര്യം ത​ങ്ങ​ൾ​ക്ക് അ​നു​കൂ​ല​മാ​ക്കാ​നു​ള്ള ത​ന്ത്ര​ങ്ങ​ൾ മെ​ന​യു​ക​യാ​ണ് ബി.​ജെ.​പി​യി​ലെ ഒ​രു വി​ഭാ​ഗം.

1991ല്‍ ​പാ​ല​ക്കാ​ട് മു​നി​സി​പ്പ​ല്‍ ചെ​യ​ർ​മാ​നാ​യി​രു​ന്ന സി.​പി.​എ​മ്മി​ലെ എം.​എ​സ്. ഗോ​പാ​ല​കൃ​ഷ്ണ​ൻ ബി.​ജെ.​പി ജി​ല്ല അ​ധ്യ​ക്ഷ​നോ​ട് പി​ന്തു​ണ അ​ഭ്യ​ർ​ഥി​ച്ച്‌ അ​യ​ച്ച ക​ത്താ​ണ് ക​ഴി​ഞ്ഞ ദി​വ​സം ബി.​ജെ.​പി കേ​ന്ദ്ര​ങ്ങ​ൾ പു​റ​ത്തു​വി​ട്ട​ത്. ഈ ​ക​ത്ത് എ​ൽ.​ഡി.​എ​ഫി​ന് എ​തി​രെ​യു​ള്ള ആ​യു​ധ​മാ​ക്കാ​ൻ യു.​ഡി.​എ​ഫ് കേ​ന്ദ്ര​ങ്ങ​ൾ ശ്ര​മി​ക്കു​മ്പോ​ഴാ​ണ് കോ​ൺ​ഗ്ര​സി​ലെ സ്ഥാ​നാ​ർ​ഥി നി​ർ​ണ​യ​ത്തി​ൽ പാ​ളി​ച്ച​യെ​ന്ന് കാ​ണി​ച്ച് എ.​ഐ.​സി.​സി​ക്ക് കോ​ൺ​ഗ്ര​സ് നേ​താ​ക്ക​ൾ ന​ൽ​കി​യ പ​രാ​തി​യു​ടെ പ​ക​ർ​പ്പ് പു​റ​ത്തു​വ​ന്ന​ത്.

പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്റെ ഏ​ക​പ​ക്ഷീ​യ ന​ട​പ​ടി​ക​ളാ​ണ് സ്ഥാ​നാ​ർ​ഥി നി​ർ​ണ​യ​ത്തി​ന് പി​ന്നി​ലെ​ന്നും ഇ​ത് കോ​ൺ​ഗ്ര​സി​ന് തി​രി​ച്ച​ടി​യാ​യ​താ​യും നേ​താ​ക്ക​ൾ പ​രാ​തി​യി​ൽ പ​റ​യു​ന്നു. ജി​ല്ല​യി​ലെ കോ​ൺ​ഗ്ര​സ് നേ​തൃ​ത്വ​വും ത​ല​മു​തി​ർ​ന്ന നേ​താ​വും സ്ഥാ​നാ​ർ​ഥി നി​ർ​ണ​യ​ത്തി​ലെ അ​സം​തൃ​പ്തി പു​റ​ത്തു​കാ​ണി​ക്കു​ന്ന​താ​ണ് ക​ത്ത് വി​വാ​ദ​ത്തി​ലൂ​ടെ തെ​ളി​ഞ്ഞി​രി​ക്കു​ന്ന​ത്.

ഷാ​ഫി പ​റ​മ്പി​ൽ തെ​ര​ഞ്ഞെ​ടു​പ്പി​നാ​യി വ​ട​ക​ര​യി​ലേ​ക്ക് വ​ണ്ടി​ക​യ​റി​യ ഉ​ട​നെ ത​ന്‍റെ പി​ൻ​ഗാ​മി​യെ ഏ​ക​പ​ക്ഷീ​യ​മാ​യി പ്ര​ഖ്യാ​പി​ച്ച​തും അ​ത് ന​ട​പ്പാ​ക്കി​യ​തു​മാ​ണ് ജി​ല്ല​യി​ലെ നേ​തൃ​ത്വ​ത്തെ ചൊ​ടി​പ്പി​ച്ച​ത്. അ​തേ​സ​മ​യം, ക​ത്ത് വി​വാ​ദം ത​ങ്ങ​ൾ​ക്ക് അ​നു​കൂ​ല​മാ​ക്കാ​ൻ ക​ഴി​യു​മോ എ​ന്ന ശ്ര​മ​ത്തി​ലാ​ണ് ബി.​ജെ.​പി കേ​ന്ദ്ര​ങ്ങ​ൾ.