മനുഷ്യ മഹാശൃംഖലയിൽ യു.ഡി.എഫ്​ പ്രവർത്തകർ പ​ങ്കെടു​ത്തത്​ പരിശോധിക്കണം -കെ. മുരളീധരൻ

കോഴിക്കോട്​: പൗരത്വ ഭേദഗതി നിയമത്തിനെതിരെ എൽ.ഡി.എഫ്​ നേതൃത്വത്തിൽ നടന്ന മനുഷ്യ മഹാശൃംഖലയിൽ യു.ഡി.എഫ്​ പ്രവർ ത്തകർ പ​െങ്കടുത്തത്​ ഗൗരവത്തോടെ പരിശോധിക്കണമെന്ന്​ കെ. മുരളീധരൻ എം.പി. ഇക്കാര്യം പ്രതിപക്ഷ നേതാവ്​ രമേശ്​ ച െന്നിത്തലയുമായി സംസാരിച്ചിട്ടുണ്ടെന്നും പൗരത്വഭേദഗതി നിയമത്തിനെതിരെ കൂടുതൽ ശക്തമായ സമരപരിപാടികൾ യു.ഡി.എഫി​​െൻറ ഭാഗത്തു നിന്ന്​ ഉണ്ടാകുമെന്നും അദ്ദേഹം പറഞ്ഞു.

ഇന്ന്​ നടക്കുന്ന കെ.പി.സി.സി യോഗത്തിലേക്ക്​ തന്നെ ക്ഷണിച്ചിട്ടില്ല. മുൻ അധ്യക്ഷനെ ക്ഷണിക്കണമോ എന്ന്​ തീരുമാനിക്കുന്നത്​ കെ.പി.സി.സി അധ്യക്ഷ​നാണ്​. അദ്ദേഹത്തി​െൻറ വിവേചനാധികാരത്തെ ചോദ്യം ചെയ്യുന്നില്ല. പറയാനുള്ളത്​ താൻ പറഞ്ഞിട്ടുണ്ടെന്നും കൂടുതൽ വിഴുപ്പലക്കലിനില്ലെന്നും അ​േദ്ദഹം പറഞ്ഞു.

മനുഷ്യമഹാശൃംഖലയിൽ യു.ഡി.എഫിന്​ വോട്ട്​ ചെയ്​തവരും പ​ങ്കെടുത്തിട്ടുണ്ടെന്നും ഭയപ്പാടിലായ ന്യൂനപക്ഷത്തിന്​ രക്ഷകരാവാൻ കോൺഗ്രസിന്​ സാധിച്ചിട്ടില്ലെന്നും മുരളീധരൻ ഞായറാഴ്​ച വിമർശിച്ചിരുന്നു. കെ.പി.സി.സി പുനഃസംഘടന പട്ടികയിൽ വനിതകളുടെയും യുവാക്കളുടേയും പ്രാതിനിധ്യം കുറഞ്ഞത്​ പ്രധാന ന്യൂനതയാണെന്നും മുരളീധരൻ ഞായറാഴ്​ച കോഴിക്കോട്ട്​ പറഞ്ഞിരുന്നു.