Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightബി.ജെ.പി മുന്നേറ്റം...

ബി.ജെ.പി മുന്നേറ്റം തടഞ്ഞു നിർത്തിയത്​ ഇടതുപക്ഷം​ -കോടിയേരി

text_fields
bookmark_border
ബി.ജെ.പി മുന്നേറ്റം തടഞ്ഞു നിർത്തിയത്​ ഇടതുപക്ഷം​ -കോടിയേരി
cancel

തിരുവനന്തപുരം: കേരളത്തിൽ ഇടതുപക്ഷം നടത്തിയ ശക്തമായ പ്രവർത്തനങ്ങളുടെ ഫലമായാണ്​ ബി.ജെ.പിക്ക്​ അക്കൗണ്ട്​ തുറക ്കാൻ സാധിക്കാത്തതെന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ. എസ്​.എഫ്​.ഐ ക്യാമ്പ്​ ഉദ്​ഘാടനം ചെയ് ​ത്​ സംസാരിക്കുകയായിരുന്നു അദ്ദേഹം. ബി.ജെ.പിക്ക്​ ഇവിടെ കടന്നു വരാൻ സാധിക്കാത്ത അവസ്ഥ സൃഷ്​ടിച്ചത്​ ഇടതുപക്ഷ മാണ്​​. തിരുവനന്തപുരത്തും പത്തനംതിട്ടയിലും തൃശൂരിലും ബി.ജെ.പി ജയമുറപ്പിച്ചതായിരുന്നു. എന്നാൽ ഒരു സീറ്റിൽ പോ ലും ബി.ജെ.പിക്ക്​ ജയിക്കാൻ സാധിച്ചില്ല. കേരളത്തിൽ ബി.ജെ.പിയുടെ മുന്നേറ്റം തടഞ്ഞു നിർത്താൻ സാധിച്ചതിൽ ഇടതുപക്ഷത ്തിന്​ അഭിമാനിക്കാ​െമന്നും കോടിയേരി പറഞ്ഞു.

ഇടതുപക്ഷം നടത്തിയ പ്രചരണത്തിൻെറ നേട്ടമുണ്ടായത്​ യു.ഡി.എഫിനാണ്​. ബി.ജെ.പിയെ പുറത്താക്കാൻ കോൺഗ്രസിന്​ കൂടിതൽ എം.പിമാരെ ലഭിക്കേണ്ടതുണ്ടെന്ന പ്രചരണം ജനങ്ങളെ സ്വാധീനിച്ചിട്ടുണ്ട്​. അതിൻെറ ഫലമായാണ്​ യു.ഡി.എഫിന്​ കൂടുതൽ സീറ്റ്​ നേടിയെടുക്കാൻ സാധിച്ചത്​. ഇൗ നേട്ടം താൽകാലികമാണെന്നും അദ്ദേഹം പറഞ്ഞു.

ചില തെരഞ്ഞെടുപ്പിലൊക്കെ പരാജയപ്പെടും. കേരളത്തിൽ ഇതുപോലെ പരാജയം മുൻകാലങ്ങളിലും ഇടതുപക്ഷത്തിന്​ ഏറ്റിട്ടുണ്ട്​. അന്നൊക്കെ എല്ലാവരും പറഞ്ഞത്​ ഇനി ഇടതുപക്ഷത്തിന്​ ഭാവിയില്ലെന്നാണ്​. ഇടതുപക്ഷം പരാജയപ്പെട്ടതിൻെറ പേരിൽ കൈ​കൊട്ടുന്നവരും ആർത്തു വിളിക്കുന്നവരും പടക്കം പൊട്ടിക്കുന്നവരും സമചിത്തതയോടെ ചിന്തിച്ചാൽ ഇക്കാര്യങ്ങൾ മനസ്സിലാവുമെന്നും കോടിയേരി വ്യക്തമാക്കി.

ശബരിമല വിഷയത്തിൽ തെറ്റിദ്ധാരണ പരത്താൻ കോൺഗ്രസും ബി.ജെ.പിയും ശ്രമിച്ചിട്ടു​െണ്ടന്നും ചില തെറ്റിദ്ധരിപ്പിക്കപ്പെട്ട ആളുകൾ അവർക്ക്​ വോട്ട്​ ചെയ്​തിട്ടുണ്ടാകാമെന്നും കോടിയേരി പിന്നീട്​ മാധ്യമ പ്രവർത്തകരോട്​ പറഞ്ഞു. ശബരിമലയിലെ യുവതി പ്രവേശനം സുപ്രീംകോടതി വിധിയാണ്​. ആ വിധി ഇപ്പോഴും കോടതി തിരുത്തിയിട്ടില്ല. അതിൽ സർക്കാർ ശരിയായ നിലപാടാണ്​ സ്വീകരിച്ചത്​. ഭരണഘടനയെ അടിസ്ഥാനമാക്കിയാണ്​ സുപ്രീംകോടതി വിധി പറയുന്നത്​. ഭരണഘടനയെ എതിർക്കുന്നവരാണ്​ കോടതി വിധിയെ എതിർക്കുന്നതെന്നും അദ്ദേഹം പറഞ്ഞു.

വിശ്വാസികൾക്ക്​ ശബരിമല വിഷയത്തിലെ സർക്കാർ നിലപാടിൽ യോജിക്കാൻ സാധിച്ചിട്ടുണ്ടാവില്ല. കേരളത്തിൽ ഭൂരിഭാഗവും വിശ്വാസികളാണ്​. ഇടത്​പക്ഷത്തിന്​ 36 ശതമാനം വോട്ട്​ ലഭിച്ചിട്ടുണ്ട്​. വോട്ട്​ രേഖപ്പെട​ുത്തിയവരിലും ഭൂരിപക്ഷവും വിശ്വാസികളാണ്​. വിശ്വാസികൾ ആകെ ഇടതുപക്ഷത്തിന് എതിരായിരുണെങ്കിൽ ഇത്ര വോട്ടുകൾ കിട്ടു​മായിരുന്നി​ല്ല. അതുകൊണ്ട്​ വിശ്വാസിക​ളാകെ ഇടതുപക്ഷത്തിന്​ എതിരായെന്ന്​ പറയുന്നത്​ ശരിയല്ല. പല കാരണങ്ങളാൽ തങ്ങൾക്ക്​ കിട്ടിക്കൊണ്ടിരുന്ന വോട്ടിൽ കുറവ്​ വന്നിട്ടുണ്ട്​. അത്​ എന്തുകൊണ്ടെന്നത്​ പരിശോധിക്കുമെന്നും കോടിയേരി പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kodiyerikerala newsmalayalam newsloksabha election 2019BJP
News Summary - LDF prevented bjp in kerala said kodiyeri balakrishnan -kerala news
Next Story