Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightസത്യപ്രതിജ്ഞക്ക്​...

സത്യപ്രതിജ്ഞക്ക്​ സെൻട്രൽ സ്​റ്റേഡിയം പരിഗണനയിൽ; സമ്മർദ്ദവുമായി ചെറുകക്ഷികൾ

text_fields
bookmark_border
സത്യപ്രതിജ്ഞക്ക്​ സെൻട്രൽ സ്​റ്റേഡിയം പരിഗണനയിൽ; സമ്മർദ്ദവുമായി ചെറുകക്ഷികൾ
cancel

തിരുവനന്തപുരം: രണ്ടാം പിണറായി സർക്കാറിൽ ഘടകകക്ഷികൾ കൈയാളിയ വകുപ്പുകൾ മാറിമറിയും. പുതിയതായി എത്തിയ ഘടകകക്ഷികൾക്ക്​ അടക്കം വകുപ്പുകൾ നൽകേണ്ടതിനാൽ നിലവിൽ സി.പി.എമ്മും സി.പി.​െഎയും അടക്കം കൈയാളിയ വകുപ്പുകൾ ചിലതെങ്കിലും വിട്ടുകൊടുക്കേണ്ടിവന്നേക്കും. ഏക എം.എൽ.എമാരുള്ള ആറ്​ കക്ഷികളിൽ ആർക്കൊക്കെ മന്ത്രിസ്ഥാനം ലഭിക്കുമെന്നതിനെ ആശ്രയിച്ചാവും തീരുമാനം. അതേസമയം, പുതിയ സർക്കാറി​െൻറ സത്യപ്രതിജ്ഞാചടങ്ങിന്​​ സെൻട്രൽ സ്​റ്റേഡിയം ഉപയോഗിക്കുന്നത്​ പരിഗണനയിലാണ്​​.

ഘടകകക്ഷികളുമായി ഉഭയകക്ഷിചർച്ച ഞായറാഴ്​ചയോ ​തിങ്കളാഴ്​ചയോ പുനരാരംഭിക്കുന്നതോടെ ആർക്കൊക്കെ സർക്കാറിൽ പ്രാതിനിധ്യം ലഭിക്കുമെന്ന്​ വ്യക്തമാവും. തിങ്കളാഴ്​ച എൽ.ജെ.ഡിയുമായാണ്​ ചർച്ച​. ഉഭയകക്ഷി ചർച്ച പൂർത്തിയായ ശേഷം സി.പി.​എം, സി.പി.​െഎ ചർച്ചക്കുശേഷമാവും മേയ്​ 17ന്​ എൽ.ഡി.എഫ്​ ചേരുക. മുന്നണിയോഗത്തിലാവും വകുപ്പുകളിൽ അന്തിമധാരണ ഉണ്ടാവുക.

കേരള കോൺഗ്രസ്​ എമ്മിന്​ അവർ ആഗ്രഹിക്കുന്ന രണ്ട്​ മന്ത്രിസ്ഥാനം കൊടുക്കാനാവുമോയെന്ന സംശയം സി.പി.എമ്മിനുണ്ട്​. ജെ.ഡി(എസ്​), എൽ.ജെ.ഡി എന്നിവ ലയിക്കണമെന്ന നിർദേശം നടപ്പാവാത്തതി​െൻറ പ്രായോഗിക ബുദ്ധിമുട്ടും മന്ത്രിസഭ രൂപവത്​കരണത്തിൽ വെല്ലുവിളിയാണ്​. കഴിഞ്ഞതവണ ഏക എം.എൽ.എ ഉണ്ടായിരുന്ന കോൺഗ്രസ്​ എസിന്​ മന്ത്രിസ്ഥാനം ലഭിച്ചിരുന്നു. കേരള കോൺഗ്രസ്​ (ബി)ക്ക്​ മന്ത്രിസ്ഥാനം നൽകിയാൽ ​െഎ.എൻ.എൽ, എൽ.ജെ.ഡി ഉൾ​െപ്പടെ സമ്മർദം ശക്തമാക്കും.

ത​െൻറ അവസാന സാധ്യതയാണെന്ന്​ അപേക്ഷിച്ചാണ്​ കോവൂർ കുഞ്ഞുമോൻ സി.പി.​എമ്മിനെ സമീപിച്ചത്​. ഉന്നത ഉദ്യോഗസ്ഥ നിർദേശത്തെ തുടർന്നാണ്​ ശനിയാഴ്​ച പൊതുഭരണവകുപ്പ്​ പ്രോ​േട്ടാകോൾ വിഭാഗം സെൻട്രൽ സ്​റ്റേഡിയത്തിൽ പരിശോധന നടത്തിയത്​. ലോക്ഡൗണിൽ കോവിഡ്​ വ്യാപനത്തിൽ കുറവ്​ വന്നാൽ പൊതുജനങ്ങളെ ഒഴിവാക്കി ലളിതമായി അതിഥികളുടെ എണ്ണം ക്രമീകരിച്ച്​ സത്യപ്രതിജ്ഞ സെൻട്രൽ സ്​റ്റേഡിയത്തിൽ നടത്താനാവുമോ എന്നാണ്​ ആലോചിക്കുന്നത്​. നേരത്തേ 20ന്​ രാജ്​ഭവൻ അങ്കണത്തിൽ നടത്താനായിരുന്നു ആലോചന. എന്നാൽ മന്ത്രിമാരുടെ ബന്ധുക്കൾ അടക്കം 250 പേരെയെങ്കിലും പ​െങ്കടുപ്പിച്ച്​​ നടത്തണമെന്ന നിർദേശം ഉയർന്നിരുന്നു. 2006 ലെ വി.എസ്​., 2016 ലെ പിണറായി സർക്കാറുകളുടെ സത്യപ്രതിജ്ഞ​ സെൻട്രൽ സ്​റ്റേഡിയത്തിൽ ആയിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:cpimldfPinarayi VijayanPinarayi VijayanPinarayi VijayanPinarayi Vijayan
News Summary - ldf government oath taking ceremony
Next Story