മുന്നണി നേതൃത്വം ഇടപെട്ടു: പ്രതികരണത്തിന്​ ബ്രേക്കിട്ട്​ ഗണേഷ്​കുമാർ

തി​രു​വ​ന​ന്ത​പു​രം: വി​വാ​ദ​മാ​യ സ്ഥ​ലം​മാ​റ്റ പ​ട്ടി​ക മ​ര​വി​പ്പി​ക്ക​ലും ആ​ന്‍റ​ണി രാ​ജു​വി​ന്‍റെ തു​റ​ന്ന​ടി​ക്ക​ലും രം​ഗം ക​ലു​ഷി​ത​മാ​ക്കു​മ്പോ​ഴും പ​ര​സ്യ​പ്ര​തി​ക​ര​ണ​ത്തി​ന്​ സ​ഡ​ൻ ബ്രേ​ക്കി​ട്ട്​ മ​ന്ത്രി കെ.​ബി. ഗ​ണേ​ഷ്​​കു​മാ​ർ. ചാ​ന​ൽ അ​ഭി​മു​ഖ​ത്തി​ൽ രൂ​ക്ഷ​മാ​യാ​ണ്​ ആ​ന്‍റ​ണി രാ​ജു പ​രാ​മ​ർ​ശ​ങ്ങ​ൾ ന​ട​ത്തി​യ​തെ​ങ്കി​ലും പ്ര​തി​ക​രി​ക്കാ​ൻ ഗ​​ണേ​ഷ്​ ത​യാ​റാ​യി​ല്ല. മ​ന്ത്രി സ്ഥാ​നം രാ​ജി​വെ​ച്ച​തി​നാ​ൽ ത​നി​ക്കി​നി ബാ​ധ്യ​ത​ക​ളി​ല്ലെ​ന്ന ഭാ​വ​ത്തി​ൽ പ​റ​ഞ്ഞ കാ​ര്യ​ങ്ങ​ളി​ൽ ഉ​റ​ച്ചു​നി​ൽ​ക്കു​ക​യാ​ണ്​ ആ​ന്‍റ​ണി രാ​ജു.

മു​ന്ന​ണി​യി​ലാ​യി​രി​ക്കെ ത​ന്നെ നി​യ​മ​സ​ഭ​യി​ലും പു​റ​ത്തും സ​ർ​ക്കാ​റി​നെ​തി​രെ പ​ര​സ്യ​വി​മ​ർ​ശ​ത്തി​ന്​ പ​ല​വ​ട്ടം മു​തി​ർ​ന്നി​ട്ടു​ള്ള​യാ​ളാ​ണ്​ ഗ​ണേ​ഷ്​​കു​മാ​ർ. പൊ​തു​ജ​നാ​രോ​ഗ്യ ബി​ൽ ച​ർ​ച്ച​​ക്കെ​ടു​ത്ത​പ്പോ​ൾ ‘ഡോ​ക്ട​ർ​മാ​രു​ടെ സം​ര​ക്ഷ​ണം ഉ​റ​പ്പാ​ക്കു​ന്ന​ത്​ ന​ല്ല​ത്​ ത​ന്നെ പ​ക്ഷേ, രോ​ഗി​ക​ൾ​ക്കെ​ന്താ സം​ര​ക്ഷ​ണം വേ​ണ്ടേ’​യെ​ന്നാ​യി​രു​ന്നു മ​ന്ത്രി വീ​ണാ ജോ​ർ​ജി​നോ​ടു​ള്ള ഗ​ണേ​ഷി​ന്‍റെ ചോ​ദ്യം. ആ​രോ​ഗ്യ​വ​കു​പ്പി​ലെ ചി​ല ഡോ​ക്ട​ര്‍മാ​ര്‍ ത​ല്ല് കൊ​ള്ളേ​ണ്ട​വ​രാ​ണെ​ന്ന്​ മ​റ്റൊ​ര​വ​സ​ര​ത്തി​ൽ തു​റ​ന്ന​ടി​ച്ചു. ഇ​ത്ത​ര​ത്തി​ൽ വി​മ​ർ​ശ​ന​ങ്ങ​ളു​ടെ കാ​ര്യ​ത്തി​ൽ പി​ശു​ക്ക്​ കാ​ട്ടാ​ത്ത ഗ​ണേ​ഷ്​​കു​മാ​ർ, ആ​ന്‍റ​ണി രാ​ജു​വി​ന്‍റെ രൂ​ക്ഷ​പ്ര​തി​ക​ര​ണ​ത്തി​ൽ സം​യ​മ​നം പാ​ലി​ക്കു​ന്ന​ത്​ മു​ന്ന​ണി ഇ​ട​പെ​ട​ൽ മൂ​ല​മാ​ണെ​ന്ന​ത്​ വ്യ​ക്ത​മാ​ണ്.

ഗ​താ​ഗ​ത വ​കു​പ്പി​ൽ ക​ഴി​ഞ്ഞ ര​ണ്ടു​വ​ർ​ഷം അ​ത്ര ശ​രി​യാ​യ​ല്ല കാ​ര്യ​ങ്ങ​ൾ ന​ട​ന്ന​തെ​ന്ന ഗ​ണേ​ഷി​ന്റെ പ​രാ​മ​ർ​ശ​ങ്ങ​ളാ​ണ് പ്ര​കോ​പ​ന​ത്തി​ന്​ കാ​ര​ണ​മാ​യ​ത്. ഗാ​ല​റി​യി​ലി​രു​ന്ന് ക​ളി കാ​ണാ​ൻ എ​ളു​പ്പ​മാ​ണെ​ന്നും ക​ള​ത്തി​ലി​റ​ങ്ങു​മ്പോ​ഴേ ബു​ദ്ധി​മു​ട്ട് മ​ന​സ്സി​ലാ​വൂ​വെ​ന്നു​മാ​യി​രു​ന്നു ആ​ൻ​റ​ണി രാ​ജു​വി​ന്‍റെ മ​റു​പ​ടി.

സ്ഥലംമാറ്റം: ഉദ്യോഗസ്ഥരെ വിമർശിച്ച് ഗണേഷ്

തി​രു​വ​ന​ന്ത​പു​രം: മോ​ട്ടോ​ർ വാ​ഹ​ന വ​കു​പ്പി​ലെ വി​വാ​ദ സ്ഥ​ലം മാ​റ്റ പ​ട്ടി​ക​യി​ൽ ഉ​ദ്യേ​ഗ​സ്ഥ​രെ വി​മ​ർ​ശി​ച്ച് മ​ന്ത്രി കെ.​ബി. ഗ​ണേ​ഷ് കു​മാ​ർ. നാ​ലി​ന്​ സ​ത്യ​പ്ര​തി​ജ്ഞ ന​ട​ക്കു​മ്പോ​ൾ ഉ​ദ്യോ​ഗ​സ്ഥ​ർ 2.45ന് ​സ്ഥ​ലം​മാ​റ്റ ഉ​ത്ത​ര​വി​റ​ക്കി​യ​ത് ശ​രി​യാ​യി​ല്ല. ജ​നു​വ​രി 31നു ​മു​മ്പ് സ്ഥാ​ന​ക്ക​യ​റ്റം ന​ൽ​ക​ണ​മെ​ന്ന് കോ​ട​തി ഉ​ത്ത​ര​വു​ണ്ടാ​യി​രു​ന്നു. അ​തു താ​ൻ ഉ​ദ്യോ​ഗ​സ്ഥ​രെ പ​റ​ഞ്ഞു മ​ന​സ്സി​ലാ​ക്കി​യെ​ന്നും ടി.​വി ചാ​ന​ൽ അ​ഭി​മു​ഖ​ത്തി​ൽ മ​ന്ത്രി വ്യ​ക്ത​മാ​ക്കി.