ലക്ഷ്​മി നായർക്ക്​ കോടതിയിൽ ഹാജരാവാൻ നോട്ടീസ്​

തിരുവനന്തപുരം: ലോ അക്കാദമി പ്രിൻസിപ്പൽ സ്ഥാനത്ത്​ നിന്ന്​ മാറിയ ലക്ഷ്​മി നായർക്ക്​ കോടതിയിൽ ഹാജരാവാൻ നോട്ടീസ്​. തിരുവനന്തപുരം സബ്​കോടതിയാണ്​ നോട്ടീസ്​ നൽകിയത്​. വെള്ളിയാഴ്​ച കോടതിയിൽ ഹാജരാവാനാണ്​ നിർദ്ദേശം.വിദ്യാഭ്യാസമന്ത്രിക്കും നിയമമന്ത്രിക്കും ഇത്തരത്തിൽ കോടതി നോട്ടീസ്​ നൽകിയിട്ടുണ്ട്​. അക്കാദമിയിലെ ക്ര​മക്കേടുകളെ സംബന്ധിച്ച്​ ബി.ജെ.പി നൽകിയ പരാതിയുടെ അടിസ്ഥാനത്തിലാണ്​ കോടതിയുടെ നടപടി.

തിരുവനന്തപുരം ലോ അക്കാദമിയിൽ വ്യാപകമായി ക്രമക്കേടുകൾ നടക്കുന്നുണ്ടെന്ന്​ ആരോപിച്ച്​ ബി.ജെ.പി നേതാവ്​ വി.മുരളിധരൻ ഉൾപ്പെടെയുള്ളവരാണ്​ പരാതി നൽകിയത്​. ഭൂമി സംബന്ധിച്ച ക്ര​മക്കേടുകളിൽ അന്വേഷണം വേണമെന്നും പരാതിയിൽ ആവശ്യപ്പെടുന്നുണ്ട്​.