Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightലോ അക്കാദമി: ലക്ഷ്​മി ...

ലോ അക്കാദമി: ലക്ഷ്​മി നായർ ക്രമക്കേട്​ നടത്തിയതിന്​ തെളിവുണ്ടെന്ന്​​ ഉപസമിതി

text_fields
bookmark_border
ലോ അക്കാദമി: ലക്ഷ്​മി നായർ ക്രമക്കേട്​ നടത്തിയതിന്​ തെളിവുണ്ടെന്ന്​​ ഉപസമിതി
cancel

തിരുവനന്തപുരം:ലോ അക്കാദമി പ്രശ്നത്തില്‍ സിന്‍ഡി​ക്കേറ്റ് ഉപസമിതി റിപ്പോര്‍ട്ടില്‍ കോളജിനും പ്രിന്‍സിപ്പലിനുമെതിെര നടപടിക്ക് ശിപാര്‍ശ. ലക്ഷ്മി നായർ സ്വജനപക്ഷപാതിത്വവും അധികാര ദുർവിനിയോഗവും നടത്തിയതിന്​ തെളിവുണ്ടെന്ന്​ ഉപസമിതി കണ്ടെത്തി.  

ലോ അക്കാദമിയിൽ ​മെറിറ്റ്​ അട്ടിമറിക്കപ്പെ​െട്ടന്നും ഗുരുതര ചട്ടലംഘനം നടന്നെന്നും റിപ്പോർട്ടിൽ പറയുന്നു. താല്‍പര്യമുള്ള വിദ്യാര്‍ഥികള്‍ക്ക് ലക്ഷ്​മി നായർ മാര്‍ക്ക് കൂട്ടി നല്‍കി. ഭാവി മരുമകള്‍ അനുരാധക്ക്​  ക്ലാസിൽ എത്താതിരുന്നിട്ടും ഹാജറും ഇ​േൻറണല്‍ മാര്‍ക്കും നല്‍കി. പകുതി ഹാജറില്ലാതിരുന്നിട്ടും പരീക്ഷ എഴുതാന്‍ അനുമതി നല്‍കിയെന്നും റിപ്പോര്‍ട്ടില്‍ പറയുന്നു.

വിദ്യാർഥികളോട്​  പ്രിൻസിപ്പൽ അപമര്യാദയായി പെരുമാറിയതിന്​ വ്യക്തമായ തെളിവുണ്ടെന്ന്​ ഉപസമിതി റിപ്പോർട്ടിൽ വ്യക്തമാക്കി. വിദ്യാർഥികളുടെ സ്വകാര്യതയെ ബാധിക്കുന്ന വിധമാണ്​ ഹോസ്​റ്റലുകളിലും കാമ്പസിലും കാമറ സ്ഥാപിച്ചത്​. ഇ​േൻറണൽ മാർക്ക് അനുവദിക്കുന്നതിനുള്ള എല്ലാ അധികാരവും പ്രിൻസിപ്പൽ സ്വയം കൈയാളിയിരിക്കുകയാണ്. അധ്യാപകർക്ക് ഇതിനുള്ള അധികാരമില്ല. സർവകലാശാല ചട്ടങ്ങൾ അട്ടിമറിച്ചാണ് ഇ​േൻറണൽ മാർക്ക് നൽകിയത്. അന്വേഷണത്തി​​െൻറ ഭാഗമായി ഉപസമിതി ആവശ്യപ്പെട്ട രേഖകൾ ഹാജരാക്കാൻ‌ പോലും പ്രിൻസിപ്പൽ തയ്യാറായില്ലെന്നും ഉപസമിതി റിപ്പോർട്ടിൽ ചൂണ്ടിക്കാട്ടുന്നു.

ഉപസമിതി മൂന്നുദിവസം കോളജിലെത്തി  വിദ്യാര്‍ഥികള്‍, പ്രിന്‍സിപ്പല്‍, അധ്യാപകര്‍ എന്നിവരില്‍നിന്ന് മൊഴി രേഖപ്പെടുത്തുകയും തെളിവുകള്‍ ശേഖരിക്കുകയും ചെയ്ത ശേഷമാണ്​ റിപ്പോർട്ട്​ തയാറാക്കിയത്​. ഉപസമിതി റിപ്പോർട്ട്​ സിൻഡിക്കേറ്റിന്​ സമർപ്പിച്ചു. ഇന്ന്​ ചേരുന്ന സിൻഡിക്കേറ്റാണ്​ എന്ത്​ നടപടിയെടുക്കണമെന്ന്​ തീരുമാനിക്കേണ്ടത്​.

Show Full Article
TAGS:lakshmi nair law academy 
Next Story