ലത്തീൻ സമുദായം പ്രശ്നാധിഷ്ഠിത മൂല്യാധിഷ്ഠിത നിലപാട് തുടരും -വരാപ്പുഴ അതിരൂപത രാഷ്ട്രീയകാര്യ സമിതി

കൊച്ചി: തൃക്കാക്കര ഉപതെരഞ്ഞെടുപ്പിൽ ലത്തീൻ സമുദായം ഔദ്യോഗികമായി സ്വീകരിച്ച പ്രശ്നാധിഷ്ഠിത മൂല്യാധിഷ്ഠിത സമദൂരം എന്ന നിലപാടും രാഷ്ട്രീയ നയവും തുടരുമെന്ന് വരാപ്പുഴ അതിരൂപത രാഷ്ട്രീയകാര്യ സമിതി. മുന്നണി നേതൃത്വങ്ങളുമായി വിവിധതലങ്ങളിൽ ചർച്ചകൾ നടത്തി. ഇരുമുന്നണിയും അനുഭാവപൂർണമായ നിലപാടാണ് സ്വീകരിച്ചത്.

ഈ പശ്ചാത്തലത്തിൽ സമുദായം മുന്നോട്ടുവെച്ച മൗലികമായ ചില പ്രശ്നങ്ങളോടുള്ള സർക്കാറിന്റെയും മുന്നണികളുടെയും പ്രതികരണത്തിന്റെ അടിസ്ഥാനത്തിൽ പ്രബുദ്ധരായ തൃക്കാക്കരയിലെ വോട്ടർമാർ ഉചിതമായ തീരുമാനത്തോടെ തെരഞ്ഞെടുപ്പ് പ്രക്രിയയിൽ പങ്കുകാരാകും എന്നാണ് പ്രതീക്ഷിക്കുന്നതെന്നും വരാപ്പുഴ അതിരൂപത രാഷ്ട്രീയകാര്യ സമിതി യോഗം വിലയിരുത്തി.