Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightദയാവധം തേടി...

ദയാവധം തേടി മുഖ്യമന്ത്രിക്ക്​ ലാസ്​റ്റ്​ ഗ്രേഡ് ഉദ്യോഗാർഥികളുടെ കത്ത്​

text_fields
bookmark_border
ദയാവധം തേടി മുഖ്യമന്ത്രിക്ക്​ ലാസ്​റ്റ്​ ഗ്രേഡ് ഉദ്യോഗാർഥികളുടെ കത്ത്​
cancel

തിരുവനന്തപുരം: ദയാവധം അനുവദിക്കണമെന്നാവശ്യപ്പെട്ട്​ മുഖ്യമന്ത്രിക്ക് ലാസ്​റ്റ്​ ഗ്രേഡ്​ ഉദ്യോഗാർഥികളുടെ കത്ത്​. ജോലി ​ലഭിച്ചില്ലെങ്കിൽ ജീവിതം അവസാനിപ്പിക്കൽ മാത്രമേ മുന്നിലുള്ളൂവെന്ന്​ കാണിച്ചാണ്​ സമരത്തി​െൻറ 15ാം ദിവസം ഉദ്യോഗാർഥികൾ മുഖ്യമന്ത്രിക്ക്​ കത്തയച്ചത്​.

സമരം നാടകമാണെന്ന വിമർശനങ്ങൾക്കെതിരെ ശക്തമായ പ്രതിഷേധമാണ്​ സമരപ്പന്തലിൽ ഉയരുന്നത്​. കഷ്​ടപ്പെട്ട്​ പഠിച്ച്​ റാങ്ക്​ലിസ്​റ്റിൽ ഉൾപ്പെട്ട ഉദ്യോഗാർഥികളെ പ്രതിപക്ഷമായി ചി​ത്രീകരിച്ച്​ മുഖം രക്ഷിക്കാനാണ്​ സർക്കാർ ശ്രമിക്കുന്നതെന്ന്​ ഭാരവാഹികൾ ആരോപിച്ചു. രണ്ടരവർഷമായി അർഹമായ നിയമനം നൽകാത്തതിലുള്ള മനോവിഷമമാണ്​ ആത്മഹത്യ സമരരീതികളിലേക്ക്​ നീങ്ങിയത്​.

രണ്ടരവർഷത്തിനിടെ തങ്ങൾ പോയിക്കാണാത്ത നേതാക്കളോ മന്ത്രിമാരോ ഇല്ല. നിയമപ്രകാരം നടന്നാൽ തന്നെ കഴിഞ്ഞ റാങ്ക്‌ ലിസ്​റ്റിനേക്കാൾ നിയമനം നടക്കാനുള്ള സാധ്യതയുണ്ടായിരുന്നെന്ന്​ ഭാരവാഹികൾ പറഞ്ഞു. 15ാം ദിവസം വൻ പങ്കാളിത്തമാണ്​ സമരപ്പന്തലിലുണ്ടായത്​. സമരത്തിനെതിരെ സൈബർ ആക്രമണമുണ്ടായ സാഹചര്യത്തിൽ വിശേഷിച്ചും. സമരം പ്രതിപക്ഷം ഇളക്കി വിട്ടതാണെന്ന മന്ത്രി തോമസ് ഐസക്കി​െൻറ പ്രസ്താവനക്കെതിരെയും ലാസ്​റ്റ്​ ഗ്രേഡ് റാങ്ക് പട്ടികക്കാർ രംഗത്തുവന്നു.

Show Full Article
TAGS:euthanasia last grade Chief Minister 
News Summary - last grade, candidates wrote to Chief Minister seeking euthanasia
Next Story