റമദാൻ യാത്ര ചോദിക്കു​േമ്പാൾ

വർഷത്തിലൊരിക്കലെങ്കിലും കണക്കെടുപ്പ്​ നടത്തുക​േയാ, വിറ്റുവരവുകളും ലാഭചേതങ്ങളും ഒത്തുനോക്കുകയോ ചെയ്യാത്ത  ബിസിനസ്​ സംരംഭം കുത്തുപാളയെടുക്കാൻ അധികകാലം വേണ്ടിവരില്ല. കൃത്യമായ ഒാഡിറ്റിങ​്​ നടത്താത്തവർ വർഷം പ്രതി കുമിഞ്ഞുകൂടുന്ന നഷ്​ടം അറിയാതിരിക്കുകയെന്ന ഗർത്തത്തിലേക്കാണ്​ പലപ്പോഴും ചെന്ന്​ ചാടുക. ​ഇപ്രകാരംത​െന്നയാണ്​ മനുഷ്യജീവിതത്തി​​െൻറയും അവസ്ഥ. ഇടക്കിടെ കണക്കെടുപ്പും ആത്മവിചാരണയും നടക്കുന്നില്ലെങ്കിൽ ജീവിതയാത്ര നഷ്​ടക്കച്ചവടത്തിലാണ്​ അവസാനിക്കുക. അതിനാലാണ്​ മതങ്ങൾ ആരാധനകളിലൂടെ ജീവിതത്തി​​െൻറ കണക്കെടുപ്പും വീണ്ടെടുപ്പും നടത്തണമെന്ന്​ ആവ​ശ്യപ്പെടുന്നത്​. ദൈവഭക്​തിയാൽ തിളക്കമാർന്നതും കറപുരളാത്തതുമായ സംശുദ്ധ ജീവിതം വീണ്ടെടുക്കാൻ നിശ്ചയിക്കപ്പെട്ട ഇസ്​ലാമിലെ വാർഷിക കണക്കെടുപ്പ്​ മാസമാണ്​ വിശ്വാസികൾക്ക്​ പുണ്യ റമദാൻ.

റമദാൻ പരിസമാപ്​തിയിലേക്ക്​ നീങ്ങിയിരി​െക്ക, ഇൗ കണക്കെടുപ്പിൽ എത്രകണ്ട്​ വിജയിച്ചുവെന്ന ചോദ്യമാണ്​ ഒാരോ വി​​ശ്വാസിയെയും അല​േട്ടണ്ടത്​. ഒ​േട്ടറെ അനുഗ്രഹങ്ങളുമായാണ്​ റമദാൻ മാസ​െമന്ന അതിഥി കടന്നുവന്നത്​. വ്രതാനുഷ്​ഠാനം മുഖേന നേടിയെടുക്കേണ്ട ദൈവഭക്തി എന്ന വിശാല ജീവിത നിലപാട്​ എത്രമാത്രം ആർജിച്ചെടുക്കാനായി എന്നാണ്​ വിശ്വാസികളുടെ ചിന്തകൾ. ഹിതവും അഹിതവും പരിഗണിക്കാതെ എന്തും വെട്ടിപ്പിടിക്കുകയും സ്വന്തമാക്കുകയും ചെയ്യുന്ന ​േലാകത്ത്​ വെടിയലി​​െൻറ കരുത്ത്​ പരിശീലിപ്പിക്കുകയായിരുന്നു വ്രതം. 

തുടർജീവിതത്തിൽ റമദാ​​െൻറ സദ്​ഫലങ്ങൾ നിലനിർത്താൻ കഴിയുന്നത്​ അനുസരിച്ചായിരിക്കും, റമദാൻ തനിക്ക്​ ഉപകാരപ്പെട്ടുവോ എന്ന ചോദ്യത്തി​​െൻറ ഉത്തരം. പകൽനേരത്ത്​ അന്നപാനീയങ്ങളും ലൈംഗീക വേഴ്​ചയും ഉപേക്ഷിക്കുക മാത്രമായിരുന്നില്ല വി​ശ്വാസികൾ. അസൂയ, പക, ഇൗർഷ്യം, കോപം തുടങ്ങിയ ദുഷ്​ചിന്തകൾക്ക്​ മനസ്സിൽ ഇടം നൽകാതിരുന്ന മാസമാണത്​​. സൂക്ഷിച്ചു​പ​േയാഗിച്ചില്ലെങ്കിൽ ജീവിതത്തിൽ ഏറെ അപകടം സൃഷ്​ടിക്കുന്ന ത​​െൻറ നാക്കിനും വാക്കിനും അവനിട്ട ബ്രേക്ക്​​ മാതൃകാപരമാണ്​. 

വ്രതം വഴി കരഗതമായ ഭക്തിയും അടുക്കും ചിട്ടയും കൈ​േമാശം വരാതിരിക്കാൻ അതീവ ജാഗ്രതയാണ്​ ഇനി വിശ്വാസികൾക്ക്​ ആവശ്യം. അതിനു​േവണ്ടി റമദാനിൽ ചെയ്​ത സൽക്കർമങ്ങൾ, സ്വീകരിക്കേണമേ എന്ന്​ കരുണാമയനോട്​ ആത്മാർഥമായി പ്രാർഥിക്കേണ്ട അവസാന സമയമാണ്​ കടന്നുപോകുന്നത്​. പ്രവർത്തനവും പ്രാർഥനയും ഒന്നിച്ചുണ്ടാവു​േമ്പാഴാണ്​ ദൈവം കർമങ്ങൾ സ്വീകരിക്കുന്നത്​. ഒപ്പം റമദാനിൽ വന്നുപോകാനിടയുള്ള പാകപ്പിഴകൾക്ക്​ പാപമോചനം തേടുന്നതും കർമങ്ങൾ സ്വീകാര്യമാകാനുള്ള മാർഗമാണ്​. 

നമസ്​കാരം നിർവഹിച്ച ഉടൻ എല്ലാ വിശ്വാസികളും പറയേണ്ട ആദ്യവാക്യം ‘അസ്​തഗ്​ഫിറുല്ല’ എന്നാണ്​. ദൈവമേ എനിക്ക്​ പൊറുത്തുതരുക എന്നർഥം. അഥവാ താൻ നിർവഹിച്ച ഇൗ നമസ്​കാരത്തിൽ വല്ല പാളിച്ചകളും സംഭവിച്ചെങ്കിൽ അത്​ മാപ്പാക്കണമെന്ന്​ സാരം. അതേപ്രകാരം, റമദാ​െൻറ അവസാന സമയങ്ങളിലും ആ മാസത്തിൽ സംഭവിച്ചു പോയേക്കാവുന്ന പാകപ്പിഴവുകൾക്ക്​ പാപമോചനം തേടുന്നവരാകണം വിശ്വാസികൾ.

ഖുർആനെ കൂടുതൽ മാറോട്​ ചേർത്തുപിടിക്കാൻ റമദാനിൽ ഏറെനേരം ചെലവഴിച്ചിട്ടുണ്ട്​ വിശ്വാസികൾ. വരുംകാലങ്ങളിൽ ആ വെളിച്ചം അവർക്ക്​ വഴികാട്ടണം. മനുഷ്യമനസ്സി​​െൻറ അകത്ത്​ കുടികൊള്ളുന്ന പൈശാചിക ശക്തികൾക്കെതിരിൽ മാത്രമല്ല വിശ്വാസികൾ വ്രതമനുഷ്​ഠിക്കുന്നത്​. പുറം​േലാകത്ത്​ ചുടലനൃത്തം ചവിട്ടുന്ന തിന്മയുടെ വൈതാളികർക്കെതിരിൽകൂടിയായിരുന്നു. ലോകം തിന്മയുടെ ത​മ്പ്രാക്കന്മാരുടെ പിടിയിലമരു​േമ്പാൾ അതിനെ പ്രതിരോധിക്കാനുള്ള ചങ്കൂറ്റത്തോടെയാണ്​ അവർ റമദാനെ യാത്രയാക്കുന്നത്​.

ദാനധർമങ്ങളിൽ ഏറെ ഉദാരതയോടെയാണ്​ റമദാനിൽ വിശ്വാസികൾ ജീവിച്ചത്​. ദൈവം നൽകിയ സമ്പത്ത്​ ഒരു ലുബ്​ധുമില്ലാതെ അഗതികൾക്കും അശരണർക്കും വേണ്ടി ഒറ്റക്കും സംഘടിതമായും അവർ ചെലവിട്ടുകൊണ്ടിരുന്നു. അതിൽ ജാതി മത ഭേദങ്ങൾ അവർ പരിഗണിച്ചില്ല. ഉള്ളത്​ പകുത്തുനൽകി ഇല്ലാത്തവ​​െൻറ കണ്ണീർ തുടക്കു​േമ്പാൾ നരകവിമോചനത്തിൽ ​മാത്രമായിരുന്നു പ്രതീക്ഷ. റമദാനിൽ നേടിയെടുത്ത സദ്​ഗുണങ്ങൾ അടുത്ത റമദാൻ വരെയെങ്കിലും കാത്തുസൂക്ഷിക്കാനുള്ള പ്രതിജ്ഞയാണ്​ ഒാരോ വി​ശ്വാസിയും ഇപ്പോൾ പുതുക്കേണ്ടത്​.  വസന്തകാലത്ത്​ പൂത്ത ആത്മീയതയുടെ പൂവുകൾ ജനങ്ങൾക്ക്​ ഉപകാര​െപ്പടുന്ന കായ്​കനികളായി മാറ​െട്ട ഇനിയുള്ള  പതിനൊന്ന്​ മാസങ്ങൾ... ഇൗദ്​ ആശംസകൾ.