കോഴിക്കോട്​ വിലങ്ങാട്​ ഉരുൾപൊട്ടൽ; നാല്​ മരണം VIDEO

കോഴിക്കോട്​: വടകര വിലങ്ങാട് ആലിമലയില്‍ ഉണ്ടായ ഉരുള്‍പൊട്ടലിൽ നാലുപേർ മരിച്ചു. മണിക്കൂറുകൾ നീണ്ട തെരച്ചില ിനൊടുവിൽ നാലു മൃതദേഹങ്ങളും കണ്ടെടുത്തു. കുറ്റിക്കാട്ടില്‍ ബെന്നി,ഭാര്യ മേരിക്കുട്ടി, മകന്‍ അതുല്‍, മമ്പലയ്ക ്കല്‍ ദാസന്റെ ഭാര്യ ലിസി എന്നിവരാണ് മരിച്ചത്. തകർന്ന വീടി​​​​​െൻറ കട്ടിലിനടിയിൽ നിന്നാണ്​ ബെന്നി​യേയും മകൻ അതുലി​​​​​െൻറയും മൃതദേഹം കണ്ടെത്തിയത്​.

പൂർണമായും മണ്ണിനടിയിലായ വീട്​ ജെ.സി.ബി ഉപയോഗിച്ച്​ നീക്കിയാണ്​ മൃതദേഹങ്ങൾ പുറത്തെടുത്തത്​. പുലർച്ചെ രണ്ടു മണിയോടെയാണ്​ വിലങ്ങാട്​ ഉരുൾപൊട്ടലുണ്ടായത്​. പ്രദേശത്ത്​ മൂന്നു വീടുകൾ പൂർണമായും മണ്ണിനടിയിലായി. ഒരു വീട്​ ഭാഗികമായി തകർന്നു.

മണ്ണിനടിയിലായ ഒരു വീട്ടിൽ നിന്ന്​ നാട്ടുകാർ ദാസനെ നാട്ടുകാർ രക്ഷപ്പെടുത്തി. എന്നാൽ ഭാര്യ ലിസ മണ്ണിനടിയിൽപെടുകയായിരുന്നു. പൂർണമായും മണ്ണിനടിയിലായ മറ്റൊര​ു വീട്ടിൽ ആൾതാമസം ഉണ്ടായിരുന്നില്ല.

റോഡിനടിയിലൂടെ ഒലിച്ചിറങ്ങിയ വെള്ളമാണ് ദുരിതം വിതച്ചതെന്നാണ് കണക്ക് കൂട്ടല്‍ . നേരത്തെ ഇവിടെയുള്ളവരോട് മാറി താമസിക്കാന്‍ അധികൃതര്‍ നിര്‍ദേശിച്ചിരുന്നതാണെന്നാണ് വിവരം. പക്ഷേ ആരും ഒന്നും മുഖവിലയ്ക്ക് എടുക്കാതിരുന്നതാണ് ദുരന്തത്തിന് ആഘാതം കൂട്ടിയത്.