കവളപ്പാറയിൽ രണ്ട്​ മൃതദേഹങ്ങൾ കണ്ടെത്തി; മരണം 11

മലപ്പുറം: ഉരുള്‍പൊട്ടല്‍ കനത്ത നാശനഷ്ടം വിതച്ച നിലമ്പൂര്‍ കവളപ്പാറയില്‍ രണ്ട്​ മൃതദേഹങ്ങൾ കൂടി കണ്ടെത്തി. ഇ തോടെ കവളപ്പാറയിൽ മരിച്ചവ​രുടെ എണ്ണം 11 ആയി. പ്രദേശത്ത്​ കാണാതായ മുഴുവൻ പേരെയും കണ്ടെത്തുന്നതുവരെ തെരച്ചിൽ നടത ്തുമെന്ന്​ ജില്ലാ കലക്​ടർ അറിയിച്ചു.

ഞായറാഴ്​ച രാവിലെ ഒമ്പതുമണിയോടെയാണ്​ രക്ഷാപ്രവർത്തനം പുനഃരാരംഭിച്ചത്​. മരങ്ങള്‍ മുറിച്ചുമാറ്റിയും മണ്ണുനീക്കിയുമാണ് ഇവിടെ തെരച്ചില്‍ നടക്കുന്നത്. ചെന്നൈയിൽ നിന്നും 30 സേനാംഗങ്ങൾ തെരച്ചിലിനായി എത്തിയിട്ടുണ്ട്​. കാലാവസ്ഥ അനുകൂലമായത് തെരച്ചിലിന്​ സഹായകരമാകുമെന്നാണ് രക്ഷാപ്രവര്‍ത്തകരുടെ കണക്കുക്കൂട്ടല്‍. ദേശീയ ദുരന്തനിവാരണ സേനയും നാട്ടുകാരും സന്നദ്ധസംഘടനാ പ്രവര്‍ത്തകരും തെരച്ചിലില്‍ പങ്കെടുക്കുന്നുണ്ട്​. എന്‍.ഡി.ആര്‍.എഫി​​​​​െൻറ അത്യാധുനിക സംവിധാനങ്ങളോട് കൂടിയാണ് തെരച്ചില്‍ പുരോഗമിക്കുന്നത്​.

കവളപ്പാറയില്‍ ജില്ലാ കലക്ടർ എത്തിയില്ലെന്നും രക്ഷാപ്രവർത്തനം കാര്യക്ഷമമല്ലെന്നും ആരോപണമുണ്ടായിരുന്നു. എന്നാൽ ജില്ലയിലെ എല്ലായിടത്തും എത്തിപ്പെടാനുള്ള ശ്രമത്തിലായിരുന്നുവെന്നും തെരച്ചിലിന്​ കൂടുതൽ സംവിധാനങ്ങൾ ഏർപ്പെടുത്തിയിട്ടുണ്ടെന്നും കലക്​ടർ അറിയിച്ചു.

അതേമസമയം, വാണിയമ്പുഴയില്‍ കുടുങ്ങിയ 200-ഓളം പേരെ പുറത്തെത്തിക്കാന്‍ ഞായറാഴ്ച രാവിലെ മുതല്‍ സൈന്യത്തി​​​​​െൻറ നേതൃത്വത്തില്‍ സമഗ്രരക്ഷാപ്രവര്‍ത്തനം ആരംഭിച്ചിട്ടുണ്ട്​. ഉരുള്‍പൊട്ടലുണ്ടായ വയനാട്​ മേപ്പാടി പുത്തുമലയില്‍ ഞായറാഴ്ചയും രക്ഷാപ്രവര്‍ത്തനം തുടരുകയാണ്​. ഇനി ഒമ്പതുപേരെ ഇവിടെ നിന്ന് കണ്ടെടുക്കാനുണ്ടെന്നാണ് അധികൃതര്‍ നല്‍കുന്ന വിവരം.