Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഇരച്ചെത്തിയ...

ഇരച്ചെത്തിയ ദുരന്തത്തിൽ വിറങ്ങലിച്ച് മലയോരം

text_fields
bookmark_border
koottikkanam
cancel
camera_altകുട്ടിക്കാനം റോഡിൽ മണ്ണിടിച്ചിലിൽ കുടുങ്ങിയ വാഹനങ്ങൾ

കോ​ട്ട​യം: മ​ല​വെ​ള്ള കു​ത്തൊ​ഴു​ക്ക്​ കോ​ട്ട​യ​ത്തിന്‍റെ മ​ല​യോ​ര​ത്ത്​ വി​ത​ച്ച​ത്​ വ​ൻ ദു​ര​ന്തം. അ​തി​തീ​വ്ര​മ​ഴ​ക്കൊ​പ്പം ഉ​രു​ൾ​പൊ​ട്ടി​​യ​തോ​ടെ ച​രി​ത്ര​ത്തി​ലി​ന്നു​വ​രെ കാ​ണാ​ത്ത വെ​ള്ള​പ്പാ​ച്ചി​ലി​നാ​ണ്​ കൂ​ട്ടി​ക്ക​ൽ, മു​ണ്ട​ക്ക​യം, കാ​ഞ്ഞി​ര​പ്പ​ള്ളി, ഇൗ​രാ​റ്റു​പേ​ട്ട, പൂ​ഞ്ഞാ​ർ തെ​ക്കേ​ക്ക​ര, ഏ​ന്ത​യാ​ർ, കൊ​ക്ക​യാ​ർ, പൂ​ഞ്ഞാ​ർ മേ​ഖ​ല​ക​ൾ സാ​ക്ഷി​യാ​യ​ത്. ഉ​രു​ൾ​പൊ​ട്ടി​യ​തി​നൊ​പ്പം വ​ലി​യ​തോ​തി​ൽ മ​ണ്ണി​ടി​ച്ചി​ലു​ണ്ടാ​യി. ഇ​തോ​ടെ പ​ല സ്​​ഥ​ല​ങ്ങ​ളും ഒ​റ്റ​പ്പെ​ട്ടു. രാ​ത്രി വൈ​കി​യും പ​ല പ്ര​ദേ​ശ​ങ്ങ​ളി​ലേ​ക്കും ര​ക്ഷാ​പ്ര​വ​ർ​ത്ത​ക​ർ​ക്ക്​ എ​ത്താ​ൻ ക​ഴി​ഞ്ഞി​ട്ടി​ല്ല. മ​ണ്ണി​ടി​ച്ചി​ലി​നെ​ത്തു​ട​ർ​ന്ന്​ കെ.​കെ റോ​ഡി​ലെ ഗ​താ​ഗ​ത​വും തകരാറാ​യി.

ര​ണ്ട​ര മ​ണി​ക്കൂ​റോ​ളം തു​ട​ർ​ച്ച​യാ​യി പെ​യ്​​ത മ​ഴ​യാ​ണ്​ ഉ​ര​ു​ൾ​പൊ​ട്ട​ലി​ന്​ ഇ​ട​യാ​ക്കി​യ​ത്. കൂ​ട്ടി​ക്ക​ലി​ലെ കാ​വാ​ലി, പ്ലാ​പ്പ​ള്ളി എ​ന്നി​വി​ട​ങ്ങ​ളി​ലു​ണ്ടാ​യ ഉ​ര​ു​ൾ​പ്പൊ​ട്ട​ൽ സ​മാ​ന​ത​ക​ളി​ല്ലാ​ത്ത ദു​ര​ന്ത​ത്തി​ന്​ ഇ​ട​യാ​ക്കി​യ​പ്പോ​ൾ പൂ​ഞ്ഞാ​ർ തെ​ക്കേ​ക്ക​ര പ​ഞ്ചാ​യ​ത്തി​ലെ​ ചോ​ല​ത്ത​ട​ത്ത​ട​ക്കം ഉ​രു​ൾ​െ​പാ​ട്ടി വ​ലി​യ തോ​തി​ൽ വെ​ള്ളം കു​തി​ച്ചൊ​ഴു​കി. ഇ​തി​ൽ മ​ഹാ​പ്ര​ള​യ​കാ​ല​ത്തും പോ​ലും മു​ങ്ങാ​ത്ത പ്ര​ദേ​ശ​ങ്ങ​ളും വീ​ടു​ക​ളും വെ​ള്ള​ത്തി​ന​ടി​യി​ലാ​യി. െകാ​ക്ക​യാ​ർ പ​ഞ്ചാ​യ​ത്തി​ലെ ഉ​റു​മ്പി​ക്ക​ര ടോ​പ്പ്​ അ​ട​ക്കം മ​റ്റ്​ പ​ല​യി​ട​ങ്ങ​ളി​ലും ഉ​രു​ൾ പൊ​ട്ടി​. അ​മ്പ​തോ​ളം കു​ടും​ബ​ങ്ങ​ളെ ഏ​ന്ത​യാ​ർ ജെ.​ജെ മ​ർ​ഫി സ്​​കൂ​ളി​ൽ തു​റ​ന്ന ദു​രി​താ​ശ്വാ​സ ക്യാ​മ്പി​ലേ​ക്ക്​ മാ​റ്റി. മു​ണ്ട​ക്ക​യം കോ​സ്​​വേ അ​ട​ക്കം വെ​ള്ള​ത്തി​ലാ​യ​തോ​ടെ വി​വി​ധ റോ​ഡു​ക​ളി​ലൂ​ടെ​യു​ള്ള ഗ​താ​ഗ​ത​വും ജി​ല്ല​ഭ​ര​ണ​കൂ​ടം നി​രോ​ധി​ച്ചു.

കൂ​ട്ടി​ക്ക​ൽ മേ​ഖ​ല​യി​ലാ​ണ്​ വ​ൻ​നാ​ശ​മു​ണ്ടാ​യ​ത്. ഉ​രു​ളിൽ പ​ല​രു​ടെ​യും ജീ​വ​നെ​ടു​ത്ത​തി​െ​നാ​പ്പം നി​ര​വ​ധി ​ വീ​ടു​ക​ളും ക​ട​ക​ളും തു​ട​ച്ചു​നീ​ക്കി. പ​ല​തും വെ​ള്ള​ത്തി​ന​ടി​യി​ലാ​യി. കൂ​ട്ടി​ക്ക​ൽ ടൗ​ണി​ല​ട​ക്കം വെ​ള്ളം നി​റ​ഞ്ഞ​തോ​ടെ പ​ഞ്ചാ​യ​ത്ത്​ പൂ​ർ​ണ​മാ​യും ഒ​റ്റ​പ്പെ​ട്ടു. കൂ​ട്ടി​ക്ക​ൽ പ്ലാ​പ്പ​ള്ളി​യി​ൽ ശ​നി​യാ​ഴ്​​ച ഉ​ച്ച​ക്ക്​ ഒ​ന്നോ​ടെ​യാ​യി​രു​ന്നു അ​പ​ക​ടം. ഇ​വി​ടെ ര​ണ്ടു വീ​ടു​ക​ളും ഒ​രു ക​ട​യും ഒ​ലി​ച്ചു​പോ​യി. കാ​ണാ​താ​യ​വ​ർ​ക്കാ​യി തി​ര​ച്ചി​ൽ തു​ട​രു​ക​യു​മാ​ണ്.

ക​ന​ത്ത മ​ഴ​യി​ൽ കാ​ഞ്ഞി​ര​പ്പ​ള്ളി ടൗ​ൺ വെ​ള്ള​ത്തി​ൽ മു​ങ്ങി. ന​ഗ​ര​ത്തി​ലെ ക​ട​ക​ളി​ലും വെ​ള്ളം ക​യ​റി. കാ​ഞ്ഞി​ര​പ്പ​ള്ളി ടാ​ക്​​സി സ്​​റ്റാ​ൻ​ഡ്​, മ​ണി​മ​ല​യി​ലേ​ക്കു​ള്ള റോ​ഡ്​ എ​ന്നി​വ മു​ങ്ങി. ഇ​വി​ടെ ജെ.​സി.​ബി​യ​ട​ക്കം വെ​ള്ള​ത്തി​ലാ​യി. ആ​ദ്യ​മാ​യാ​ണ്​​ കാ​ഞ്ഞി​ര​പ്പ​ള്ളി ടൗ​ണി​ൽ ഇ​ത്ര​യും വെ​ള്ളം ഉ​യ​രു​ന്ന​തെ​ന്ന്​ നാ​ട്ടു​കാ​ർ പ​റ​ഞ്ഞു. ഗ​താ​ഗ​ത​വും പൂ​ർ​ണ​മാ​യും ത​ട​സ്സ​പ്പെ​ട്ടു. ശ​നി​യാ​ഴ്​​ച ഉ​ച്ച​യോ​ടെ വ​ലി​യ​തോ​തി​ൽ ജ​ല​നി​ര​പ്പ്​ ഉ​യ​ർ​ന്നു. ഇ​ത്ത​ര​ത്തി​ൽ വെ​ള്ളം ഉ​യ​രു​ന്ന​ത്​ ആ​ദ്യ​മാ​ണെ​ന്ന്​ നാ​ട്ടു​കാ​ർ പ​റ​യു​ന്നു. കാ​ഞ്ഞി​ര​പ്പ​ള്ളി ഇ​ട​ക്കു​​ന്ന​ത്​ നി​ർ​ത്തി​യ സ്​​കൂ​ൾ ബ​സ്​ വെ​ള്ള​പ്പാ​ച്ചി​ലി​ൽ ഒ​ഴു​കി​പ്പോ​യി. കാ​ഞ്ഞി​ര​പ്പ​ള്ളി 26ാം മൈ​ലി​ൽ വെ​ള്ളം ക​യ​റി​യ​തി​നാ​ൽ എ​രു​മേ​ലി- മു​ണ്ട​ക്ക​യം ഭാ​ഗ​ത്തേ​ക്ക് യാ​ത്രാ നി​രോ​ധ​നം ഏ​ർ​പ്പെ​ടു​ത്തി.

പൂ​ഞ്ഞാ​ർ സെൻറ്​ മേ​രീ​സ്​ പ​ള്ളി​ക്ക്​ മു​ന്നി​ൽ കെ.​എ​സ്.​ആ​ർ.​ടി.​സി ബ​സ്​​ വെ​ള്ള​ക്കെ​ട്ടി​ൽ മു​ങ്ങി. ഈ​രാ​റ്റു​പേ​ട്ട​ക്ക്​ പോ​കു​ന്ന ബ​സ്​ പ​ള്ളി​ക്ക്​ മു​ന്നി​ലെ വ​ലി​യ വെ​ള്ള​ക്കെ​ട്ട്​ ക​ട​ക്കാ​ൻ ശ്ര​മി​ക്കു​ന്ന​തി​നി​ടെ​യാ​ണ്​ പ​കു​തി​യോ​ളം മു​ങ്ങി​യ​ത്. യാ​ത്ര​ക്കാ​രെ നാ​ട്ടു​കാ​ർ ര​ക്ഷ​പ്പെ​ടു​ത്തി. ചോ​ല​ത്ത​ടം, കൈ​പ്പ​ള്ളി, പാ​ത​മ്പു​ഴ ഭാ​ഗ​ത്ത്​ മ​ണ്ണി​ടി​ച്ചി​ലു​ണ്ടാ​യി. മ​ന്നം ഭാ​ഗ​ത്ത്​ ആ​ൾ​ത്താ​മ​സ​മി​ല്ലാ​ത്ത വീ​ട്​ ഒ​ലി​ച്ചു​പോ​യി. പാ​താ​മ്പു​ഴ കു​ഴു​മ്പ​ള്ളി​യി​ൽ പ​ന്നി​ഫാം ഒ​ലി​ച്ചു​പോ​യി. പൂ​ഞ്ഞാ​ർ തേ​ക്കേ​ക്ക​ര​യി​ൽ ശ​നി​യാ​ഴ്​​ച രാ​വി​ലെ 9.40 മു​ത​ലുള്ള ഒ​രു​മ​ണി​ക്കൂ​റി​നു​ള്ളി​ൽ ക​ന​ത്ത മ​ഴ​യാ​ണ്​ പെ​യ്​​ത​ത്. 50.2 മി​ല്ലി​മീ​റ്റ​ർ മ​ഴ​യാ​ണ്​ ല​ഭി​ച്ച​ത്​.

Show Full Article
TAGS:heavy rain landslide 
News Summary - landslide in kuttikkanam road
Next Story