താമരശ്ശേരി ചുരത്തിൽ മണ്ണിടിഞ്ഞ് ഗതാഗതം തടസപ്പെട്ടു

വൈത്തിരി: വയനാട് ചുരത്തിൽ ലക്കിടി കവാടത്തിനടുത്ത് മണ്ണും മരങ്ങളും റോഡിലേക്ക് ഇടിഞ്ഞു വീണു. ഇതുമൂലം ദേശീയപാതയിൽ ഏറെ നേരം വാഹന ഗതാഗതം തടസപ്പെട്ടു.

കൽപ്പറ്റയിൽ നിന്നും അഗ്നിശമന സേനയും ഹൈവെ പോലീസും അടിവാരം പൊലീസും ചുരം സംരക്ഷണ സമിതി പ്രവർത്തകരും ചേർന്ന് തടസം ഒഴിവാക്കി.

ലക്കിടി, വൈത്തിരി ഭാഗങ്ങളിൽ ഇന്ന് മണിക്കൂറുകൾ നീണ്ട കനത്ത മഴ പെയ്തിരുന്നു.