കൂട്ടിക്കൽ ഇളങ്കാട്ടിൽ ഉരുൾപൊട്ടൽ; പുഴയിൽ ജലനിരപ്പ് ഉയർന്നു - വിഡിയോ

കൂട്ടിക്കൽ: രണ്ടാഴ്ച മുമ്പ്​ ഉരുൾപൊട്ടലും വെള്ളപ്പൊക്കവും നാശനഷ്​ടം വിതച്ച കൂട്ടിക്കൽ പഞ്ചായത്തിലെ ഇളങ്കാട്ടിൽ വീണ്ടും ഉരുൾപൊട്ടൽ. കനത്ത മഴയെ തുടർന്ന്​ മൂപ്പൻ മല, മ്ലാക്കര മേഖലകളിലാണ് ഉരുൾ പൊട്ടിയത്.

ഇതോടെ പുല്ലകയാറിൽ ജലനിരപ്പ് ഉയർന്നിട്ടുണ്ട്. ആളപായമോ നാശനഷ്​ടങ്ങ​േളാ ഇല്ലെന്നാണ്​ പ്രാഥമിക വിവരം.

പുല്ലകയാറിലെ ജലനിരപ്പ്​ ഉയരുന്നതിനാൽ തീരത്തുള്ളവർ ജാഗ്രത പാലിക്കണമെന്ന്​ നിർദേശമുണ്ട്​. മലവെള്ളപ്പാച്ചിലിൽ മണിമലയാറ്റിലും വെള്ളം ഉയരാൻ സാധ്യതയുള്ളതിനാൽ ഈ പ്രദേശങ്ങളിലും നാട്ടുകാർ ജാഗ്രതയിലാണ്​.

ഒക്​ടോബർ 16ന്​ ഉരുൾപൊട്ടലും വെള്ളപ്പൊക്കവും കാരണം ഇളങ്കാട്​, ഏന്തയാർ, കൂട്ടിക്കൽ, കൊക്കയാർ, മുണ്ടക്കയം, കാഞ്ഞിരപ്പള്ളി, മണിമല ഭാഗങ്ങളിൽ കനത്ത നാശനഷ്​ടമാണുണ്ടായത്​. നിരവധി പേർ ദുരന്തത്തിൽ മരിച്ചിരുന്നു.