ഭൂരഹിത പുനരധിവാസ പദ്ധതി : മാനദണ്ഡങ്ങൾ പരിഷ്കരിച്ച് ഉത്തരവ്

കോഴിക്കോട് : പട്ടികജാതി വിഭാഗങ്ങളുടെ ഭൂരഹിത പുനരധിവാസ പദ്ധതിയുടെ മാർഗ രേഖയിലെ മാനദണ്ഡങ്ങൾ പരിഷ്കരിച്ച് ഉത്തരവ്. ആനുകൂല്യത്തിന് അർഹരായ ഗുണഭോക്താക്കളുടെ പ്രായം നിലവിൽ 60 ആയിരുന്നത് 70 ആയി ഉയർത്തി. വരുമാന പരിധി നിലിലുള്ള 50,000 രൂപയിൽനിന്ന് ഒരു ലക്ഷമാക്കി.

50 വയസിന് മുകളിൽ പ്രായമുള്ളവരും ലൈഫ് ലിസ്റ്റിൽ ഉൾപ്പെട്ടവരമായ അവിവാഹിതരായ വനിതകളെ ഭൂരഹിത പുനരധിവാസ പദ്ധതി പ്രകാരമുള്ള ആനുകൂല്യത്തിന് പരിഗണിക്കും. ഭൂരഹിത പുനരധിവാസ പദ്ധതി പ്രകാരം ധനസഹായം അനുവദിച്ചു വാങ്ങുന്ന ഭൂമി ഗുണഭോക്താവ് നേരിൽ കണ്ട് താൽപ്പര്യപ്പെട്ടതാണെന്നും ഭവന നിർമാണത്തിന് അനുയോജ്യമാണെന്നും ബന്ധപ്പെട്ട പട്ടികജാതി വികസന ഓഫിസർ ഉറപ്പ് വരുത്തണമെന്നാണ് ഭേദഗതി ഉത്തരവ്.