കേളകത്ത്​ ഉരുൾപൊട്ടൽ; കൃഷിനാശം

കേളകം (കണ്ണൂർ): കേളകം പഞ്ചായത്ത് അടയ്ക്കാത്തോട്ടിലെ വെണ്ടേക്കുംചാലിന് സമീപം മേമലയിൽ ഉരുൾപൊട്ടി ക്യഷി നാശം. വെള്ളിയാഴ്​ച രാത്രിയോടെയാണ് സംഭവം. വനത്തിലാണ് ഉരുൾപൊട്ടിയത്​.

ഉരുൾപൊട്ടലിൽ മലയടിവാരത്തെ നിരവധി കർഷകരുടെ കാർഷിക വിളകൾ നശിച്ചു. മുമ്പും ഈ മേഖലയിൽ ഉരുൾപൊട്ടലുകൾ ഉണ്ടായിട്ടുണ്ട്.

അതേസമയം, കനത്ത മഴയിൽ കണിച്ചാർ പഞ്ചായത്ത് ആറാം വാർഡ് എട്ടുകാലി മുക്കിലെ വയലിൽ മൈക്കിളി​െൻറ വീട്​ തകർന്നു. ശനിയാഴ്ച പുലർച്ചെ മൂന്നുമണിയോടെയായിരുന്നു അപകടം. വീടിനുള്ളിൽ ആളുണ്ടായിരുന്നെങ്കിലും തലനാരിഴയ്ക്ക് രക്ഷപെട്ടു.

പാൽ ചുരം റോഡിൽ മുളങ്കൂട്ടം ഇടിഞ്ഞ് വീണു

കൊട്ടിയൂർ പാൽ ചുരത്തിൽ ആശ്രമം വളവിന് സമീപം മുളങ്കൂട്ടം ഇടിഞ്ഞ് വീണ് ഗതാഗതം തടസ്സ​െപ്പട്ടു. ശനിയാഴ്​ച പുലർച്ചെ മൂന്ന് മണിയോടെയാണ് സംഭവം. മണ്ണ​ുമാന്തി യന്ത്രങ്ങൾ ഉപയോഗിച്ച് തടസം നീക്കി ഗതാഗതം പുനസ്ഥാപിച്ചു.

വെള്ളിയാഴ്​ച പാതയുടെ വിവിധ ഭാഗങ്ങളിൽ മലയിടിച്ചിലുണ്ടായിരുന്നു. വയനാട് ചുരം ഡിവിഷൻ ഉദ്യോഗസ്ഥരുടെ നേതൃത്വത്തിൽ പാതയിലെ തടസ്സങ്ങൾ നീക്കം ചെയ്തിട്ടുണ്ട്. മണ്ണിടിച്ചിൽ തുടരുന്നതിനാൽ യാത്രക്കാർക്ക് ജാഗ്രത നിർദേശം നൽകി.